Home /News /national-international /Amit Shah In Hyderabad: હૈદરાબાદમાં અમિત શાહની સુરક્ષામાં મોટી ચૂકઃ TRC નેતાએ કાફલા સામે અચાનક કાર આવીને ઊભી રાખી અને...

Amit Shah In Hyderabad: હૈદરાબાદમાં અમિત શાહની સુરક્ષામાં મોટી ચૂકઃ TRC નેતાએ કાફલા સામે અચાનક કાર આવીને ઊભી રાખી અને...

હૈદરાબાદમાં કેન્દ્રીય ગૃહમંત્રી અમિત શાહની સુરક્ષામાં મોટી ચૂક સામે આવી હતી - ફાઇલ તસવીર

Amit Shah In Hyderabad: હૈદરાબાદની મુલાકાત દરમિયાન કેન્દ્રીય ગૃહમંત્રી અમિત શાહની સુરક્ષામાં વધુ એકવાર ચૂક રહી ગયાનો કિસ્સો સામે આવ્યો છે. જ્યારે કેન્દ્રિય ગૃહમંત્રી અમિત શાહનો કાફલો જતો હતો ત્યારે તેમના કાફલા સામે અચાનક ટીઆરએસ નેતા ગોસુલા શ્રીનિવાસને કાફલા સામે કાર લાવીને ઊભી રાખી દીધી હતી. આ જોઈને સુરક્ષા કર્મીઓ એક્ટિવ થઈ ગયા હતા અને તાત્કાલિક કારને ત્યાંથી હટાવી દીધી હતી. ટીઆરએસ નેતાઓ સુરક્ષાકર્મીઓ પર તોડફોડ કરવાનો આરોપ લગાવ્યો છે.

વધુ જુઓ ...
    હૈદરાબાદઃ હૈદરાબાદની યાત્રા દરમિયાન કેન્દ્રીય ગૃહમંત્રી અમિત શાહની સુરક્ષામાં ચૂક હોવાનો મામલો સામે આવ્યો છે. ત્યાં કેન્દ્રીય ગૃહમંત્રી અમિત શાહનો કાફલો રસ્તા પરથી પસાર થઈ રહ્યો હતો ત્યારે ટીઆરએસ નેતાએ કાફલા સામે કાર ઊભી રાખી દીધી હતી. ત્યાં ઊભેલા સુરક્ષાકર્મીઓની નજર પડતાં જ તાત્કાલિક કાર હટાવી દેવામાં આવી હતી. મળતી માહિતી પ્રમાણે કાફલા સામે આવનારા ટીઆરસી નેતાનું નામ ગોસુલા શ્રીનિવાસ જાણવા મળ્યું છે. આ ઘટનાનો વીડિયો પણ સોશિયલ મીડિયામાં વાયરલ થયો છે.

    કાર ઊભી રહેતાં જ કાફલો અટકી ગયો


    તેલંગાણા રાષ્ટ્રીય સમિતિ ‘ટીઆરએસ’ના એક નેતાએ શનિવારે કેન્દ્રીય ગૃહમંત્રી અમિત શાહના કાફલા સામે કાર ઊભી રાખી દીધી હતી. ઉલ્લેખનીય છે કે, તેઓ ‘હૈદરાબાદ મુક્તિ દિવસ’ને લઈને ત્યાં આવ્યા હતા. મીડિયા રિપોર્ટ્સ પ્રમાણે, ટીઆરસીના એક નેતાએ અમિત શાહના કાફલા સામે કાર ઊભી રાખતા જ સુરક્ષાકર્મીઓ એલર્ટ થઈ ગયા હતા અને એક્શનમાં આવી ગયા હતા. સુરક્ષાકર્મીઓએ હસ્તક્ષેપ કરીને ઘટનાસ્થળેથી કાર ખસેડી દીધી હતી.. ટીઆરસી નેતા ગોસુલા શ્રીનિવાસે એવી રીતે વાહન ઊભું રાખી દીધું હતું કે અમિત શાહનો કાફલો ઊભો રહી ગયો હતો. આ સાથે જ કેન્દ્રીય ગૃહમંત્રીની સુરક્ષામાં મોટી ચૂક થઈ હોવાનું સામે આવ્યું છે.

    આ પણ વાંચોઃ મુંબઈમાં કેન્દ્રીય ગૃહમંત્રી અમિત શાહની સુરક્ષામાં મોટી ચૂક

    કાર ઊભી રાખતાં જ સુરક્ષાકર્મીઓ આવ્યાં, વીડિયો વાયરલ


    આ દરમિયાન જ સીઆરપીએફ કર્મીઓએ રસ્તામાંથી કાર હટાવી લેવા નેતાને મજબૂર કરી નાંખ્યો હતો. આ ઘટનાનો વીડિયો સોશિયલ મીડિયામાં વાયરલ થઈ રહ્યો છે. જેમાં એક લાલ રંગની કાર કાફલા સામે આવીને ઊભી રહી જતી નજરે પડે છે. તેની આસપાસ કેટલાક કર્મચારીઓ આવે છે અને તે કારને ખસેડવાની કામગીરી કરતા જોવા મળી રહ્યા છે.

    નેતાએ સુરક્ષાકર્મીઓ પર તોડફોડનો આક્ષેપ કર્યો


    આ ઘટના મામલે ટીઆરસી નેતા ગોસુલા શ્રીનિવાસને જણાવ્યુ હતુ કે, મારી કાર કાફલા સામે આવી અચાનક ઊભી રહી ગઈ હતી. હું હજુ કંઈ કહુ તે પહેલાં જ ગૃહમંત્રીના સુરક્ષાકર્મીઓએ મારી કારમાં તોડફોડ કરવાની ચાલુ કરી દીધી હતી. આ ખોટું છે. આ મામલે હું પોલીસ અધિકારીને મળીશ અને કાર્યવાહી કરવાની માગ કરીશ.
    Published by:Vivek Chudasma
    First published:

    Tags: Amit shah, Home minister amit shah, Hyderabad

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन