પતિ જો ભીખ માગતો હોય તો પણ પત્નીને ભરણપોષણ આપવું તેની જવાબદારી: હાઈકોર્ટ

ચંડીગઢ: પંજાબ અને હરિયાણા હાઈકોર્ટે એક મોટો ચુકાદો આપ્યો છે. મોટા ભાગે છુટાછેડા અથવા કોઈ અન્ય કારણથી પતિ-પત્નીની વચ્ચે જ્યારે સંબંધ ખતમ થાય છે, તો સૌથી વધારે અસર મહિલા પર પડે છે. તેને ખૂબ જ મુશ્કેલીઓનો સામનો કરવો પડે છે. મોટા ભાગે જોવા મળ્યું છે કે, મહિલાઓ ઘરથી બહાર નીકળી નોકરી કરી શકતી નથી. તેનો તમામ સમય ઘરની દેખરેખ અને જવાબદારી નિભાવવામાં નીકળી જાય છે. પતિ મોટા ભાગે કમાતો હોય છે. ત્યારે આવા સમયે અલગ થયા બાદ મહિલાઓની સામે ભરણપોષણ કરવાનો એક મોટુ સંકટ ઊભું થઈ જાય છે.

પતિથી અલગ થયા બાદ મહિલાઓ અચાનક ન તો જોબ કરવા લાગે છે, ન તો તેમને નોકરી મળી જાય છે. તે અચાનક ઘરનું કામ છોડીને કામ પણ નથી કરતી. ત્યારે આવા સમયે આવકનું સાધન ન હોવાથી મહિલાઓને ખૂબ જ મુશ્કેલીનો સામનો કરવો પડી શકે છે.

આ પણ વાંચો: VIDEO: ખેડૂતે કાશીના અનમોલ ટામેટાની ખેતી કરી, એક વિઘામાં 6 ક્વિન્ટલ ટામેટાનું કર્યું ઉત્પાદન

પંજાબ અને હરિયાણા હાઈકોર્ટે સંભળાવ્યો મહત્વનો ચુકાદો

એક કેસની સુનાવણી દરમ્યાન પંજાબ અને હરિયાણા હાઈકોર્ટે કહ્યું કે, પતિ જો ભીખ માગતો હોય તો પણ તેને પત્નીને ભરણપોષણ આપવું પડશે. આ તેની નૈતિકતા અને કાનૂની જવાબદારી છે. હકીકતમાં જોઈએ તો, હાઈકોર્ટમાં ચરખી દાદરી ફેમિલી કોર્ટના આ ચુકાદા પર સુનાવણી થઈ રહી હતી, જેમાં પતિને ભરણપોષણ તરીકે 5 હજાર રૂપિયા દર મહિના આપવાનો નિર્દેશ હતો. બાદમાં આ નિર્ણયથી હાઈકોર્ટમાં પડકાર આપવામાં આવ્યો હતો.

સુનાવણી બાદ હાઈકોર્ટે પતિની અરજીને ફગાવી દીધી હતી. કોર્ટનું કહેવું હતું કે, પતિ જો વ્યવસાયે ભિખારી કેમ નથી, પણ તેને પત્નીને ભરણપોષણ આપવું જોઈએ. હકીકતમાં પતિ તરફથી દાખલ કરવામાં આવેલી અરજીમાં કહેવાયું હતું કે, તેની આવક ખૂબ જ ઓછી છે. ત્યારે આવા સમયે તે પત્નીને ભરણપોષણ આપવા માટે અસમર્થ છે. પતિનું કહેવું હતું કે, પત્ની પાસે કમાણીનું સાધન છે. તેમ છતાં પણ તે ભરણપોષણ માટે ડિમાન્ડ કરી રહી હતી.

કોર્ટે પત્નીના હકમાં ચુકાદો આપ્યો

કોર્ટે પતિની દલીલો સાંભળ્યા બાદ પત્નીના હકમાં ચુકાદો આપ્યો. હાઈકોર્ટે એવું પણ કહ્યું કે, આજે મજૂરી કરનારા શખ્સ પણ દરરોજના 500 રૂપિયા કમાણી કરી શકે છે. ત્યારે આવા સમયે 5 રૂપિયાની રકમ કંઈ વધારે નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર