હ્યૂસ્ટન : વડાપ્રધાન નરેન્દ્ર મોદી (Narendra Modi)એ અમેરિકાના સેનેટર જૉન કૉર્નિન (John Cornyn)ની પત્નીની માફી માંગી છે, કારણ કે તેમના જન્મદિવસે કૉર્નિન 'હાઉડી મોદી' (Howdy Modi) કાર્યક્રમમાં ભાગ લેવા પહોંચ્યા હતા. વડાપ્રધાન કાર્યાલય (PMO) દ્વારા ટ્વિટર પર શૅર કરવામાં આવેલા એક વીડિયોમાં મોદી કૉર્નિનની પત્ની સૈંડીની માફી માંગતા અને તેમને જન્મદિવસની શુભેચ્છાઓ આપતા જોવા મળી રહ્યા છે. બીજી તરફ, તેમના પતિ મોદીની પાસે ઊભા રહીને હસતા જોવા મળી રહ્યા છે.
પીએમ મોદીએ કહ્યું, 'હું આપની માફી માંગું છું, કારણ કે આજે આપનો જન્મદિવસ છે અને આપના જીવનસાથી મારી સાથે છે. સ્વાભાવિક પણે આપને આજે મારી ઈર્ષ્યા થતી હશે.' તેઓએ કહ્યું કે, 'આપને શુભેચ્છાઓ, હું આપના સુખદ જીવન અને ખૂબ જ સમૃદ્ધ શાંતિપૂર્ણ ભવિષ્યની કામના કરું છું. શુભેચ્છાઓ.'
ટેક્સાસથી સેનેટર જૉન કૉર્નિન અને સૈંડીના લગ્નને 40 વર્ષ થઈ ચૂક્યા છે અને તેમને બે દીકરીઓ છે. કૉર્નિન હાઉડી મોદી કાર્યક્રમમા્ર સામેલ થનારા મહત્વના રિપબ્લિકન અને ડેમોક્રેટિક સાંસદો પૈકીના એક હતા. મોદી અને અમેરિકાના રાષ્ટ્રપતિ ટ્રમ્પે અહીં 50 હજારથી વધુ ભારતીય-અમેરિકનોને સંબોધિત કર્યા હતા.
Happy Birthday, Sandy! Hope this special day brings you as much joy as you do to everyone you meet. pic.twitter.com/2Xy3K1DDvQ
India is one of our most important friends and partners. We share common values of freedom, democracy, and free enterprise, and will always look for new opportunities to deepen our relationship. Couldn’t be more honored to welcome @PMOIndia to Houston today. #HowdyModipic.twitter.com/nAiyTQxSh0
