P15B સ્ટીલ્થ-ગાઈડેડ મિસાઈલ ડેસ્ટ્રોયરમાં છે 75% સ્વદેશી સામગ્રી

મુંબઈ. P15B સ્ટીલ્થ-ગાઈડેડ મિસાઈલ ડેસ્ટ્રોયર 'મોરમુગાઓ'ને આજે રક્ષા મંત્રી રાજનાથ સિંહની હાજરીમાં ભારતીય નૌકાદળમાં સામેલ કરવામાં આવ્યું હતું. રાજનાથ સિંહ P-15B સ્ટીલ્થ-ગાઈડેડ મિસાઈલ ડેસ્ટ્રોયર 'મોરમુગાઓ'ના કમિશનિંગ સમારોહમાં હાજરી આપવા મુંબઈ પહોંચ્યા હતા. રક્ષા મંત્રી રાજનાથ સિંહ, CDS જનરલ અનિલ ચૌહાણ, નેવી ચીફ એડમિરલ આર હરિ કુમાર, ગોવાના ગવર્નર પીએસ શ્રીધરન પિલ્લઈ, ગોવાના મુખ્યમંત્રી પ્રમોદ સાવંત અને અન્ય મહાનુભાવો P-15B સ્ટીલ્થ-ગાઈડેડ મિસાઈલ ડિસ્ટ્રોયર INS મોર્મુગાવના કમિશનિંગ સમારોહમાં સામેલ થયા હતા. રાજનાથ સિંહે આ અવસર પર કહ્યું કે આ ભારતમાં બનવાના યુદ્ધ જહાજમાંથી એક છે. જેમણે આ કર્યું તેમને હું હૃદયપૂર્વક અભિનંદન આપું છું. આ કમિશનિંગ એ મહાન લોકોને શ્રદ્ધાંજલિ છે. જ્યારે નેવી ચીફ એડમિરલ આર હરિ કુમારે જણાવ્યું હતું કે આ સિદ્ધિ છેલ્લા દાયકામાં યુદ્ધ જહાજની ડિઝાઇન અને નિર્માણ ક્ષમતામાં અમારા દ્વારા લેવામાં આવેલી મોટી પ્રગતિનો સંકેત છે. નૌસેનામાં શહેરોના નામ પર જહાજોના નામ રાખવાની પરંપરા છે જે બંનેની વચ્ચે એક સ્થાઈ કડી બનાવે છે.

મોરમુગાવ નૌકાદળના પ્રોજેક્ટ P-15B હેઠળ બનાવવામાં આવેલ બીજું ડેસ્ટ્રોયર છે, જે અંતર્ગત 2025 સુધીમાં વધુ બે યુદ્ધ જહાજો નેવીને સોંપવામાં આવશે. પ્રથમ P-15B વિનાશક 'વિશાખાપટ્ટનમ' ગયા નવેમ્બરમાં મુંબઈમાં કાર્યરત કરવામાં આવ્યું હતું. 'વિશાખાપટ્ટનમ' વર્ગના ડેસ્ટ્રોયરવે નૌકાદળની આંતરિક સંસ્થા વોરશિપ ડિઝાઇન બ્યુરો દ્વારા ડિઝાઇન કરવામાં આવ્યા છે. નેવીએ એક નિવેદનમાં કહ્યું કે આ ભવ્ય ડેસ્ટ્રોયરની લંબાઈ 163 મીટર છે, પહોળાઈ 17 મીટર છે. તે 7400 ટનનું વિસ્થાપન ધરાવે છે અને તેને ભારતમાં બનેલા સૌથી શક્તિશાળી યુદ્ધ જહાજોમાંના એક તરીકે ગણી શકાય. તેને ચાર ગેસ ટર્બાઇન દ્વારા ચલાવવામાં આવે છે અને તે 30 નોટથી વધુની ઝડપ હાંસલ કરવામાં સક્ષમ છે. મોર્મુગાઓ આધુનિક શસ્ત્રોથી સજ્જ છે જેમાં સપાટીથી સપાટી અને સપાટીથી હવામાં પ્રહાર કરવાની મિસાઇલોનો સમાવેશ થાય છે. તે આધુનિક સર્વેલન્સ રડારથી સજ્જ છે જે તેને ચોક્કસ લક્ષ્યાંક પ્રદાન કરે છે. નેવીએ કહ્યું કે તે સ્વદેશી રીતે વિકસિત એન્ટી સબમરીન વોરફેર (ASW) ક્ષમતાઓ જેમ કે રોકેટ લોન્ચર, ટોર્પિડો લોન્ચર્સ અને ASW હેલિકોપ્ટરથી સજ્જ છે. તે પરમાણુ, જૈવિક અને રાસાયણિક (NBC) યુદ્ધ પરિસ્થિતિઓમાં લડી શકે છે.

આ પણ વાંચોઃ અમે નોર્થ ઈસ્ટમાં 'વિવાદોની બોર્ડર' નહીં, પણ 'વિકાસનો કોરિડોર' બનાવી રહ્યા છીએ: PM મોદી



નૌકાદળે કહ્યું કે, ડેસ્ટ્રોયરમાં 75% સ્વદેશી સામગ્રી છે અને તે 'આત્મનિર્ભર ભારત' અભિયાન પર દેશનું ધ્યાન પ્રતિબિંબિત કરે છે. P-15B સ્ટીલ્થ-ગાઇડેડ મિસાઇલ ડિસ્ટ્રોયર મોર્મુગાઓનું કમિશનિંગ એવા સમયે આવે છે જ્યારે નૌકાદળ 2047 સુધીમાં સંપૂર્ણપણે આત્મનિર્ભર બનવા માટે કામ કરી રહી છે. આ સમયે ચીન દૂર સમુદ્રમાં પોતાનો પ્રભાવ વધારવા પર જોર આપી રહ્યું છે અને તેના યુદ્ધ જહાજો ઝડપથી હિંદ મહાસાગર ક્ષેત્રમાં પ્રવેશી રહ્યા છે. આવી સ્થિતિમાં, યુદ્ધ માટે તૈયાર ભારતીય યુદ્ધ જહાજો કોઈપણ અસામાન્ય પરિસ્થિતિનો સામનો કરવા માટે ચોવીસ કલાક નજર રાખી રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Missile, Navy, Rajnath Singh