ચીનમાં ભયાનક માર્ગ અકસ્માત, 10 મિનિટમાં 46 વાહનો અથડાયા, 16ના મોત, 66 ઘાયલ

બેઇજિંગ : મધ્ય ચીનના હુનાન પ્રાંતમાં અનેક વાહનોને સંડોવતા માર્ગ અકસ્માતમાં ઓછામાં ઓછા 16 લોકોના મોત થયા છે અને 66 અન્ય ઘાયલ થયા છે. ચીનની સરકારી મીડિયા વેબસાઈટ CGTNએ અહેવાલ આપ્યો છે કે, હુનાન પ્રાંતના ચાંગશા શહેરમાં ઝુચાંગ-ગુઆંગઝૂ હાઈવે પર 10 મિનિટની અંદર કુલ 49 વાહનો અથડાયા ત્યારે આ અકસ્માત શનિવારે સાંજે થયો હતો. સ્થાનિક ટ્રાફિક પોલીસ વિભાગને ટાંકીને અહેવાલમાં જણાવાયું છે કે અકસ્માતમાં 16 લોકોના મોત થયા છે અને 66 અન્ય લોકો ઘાયલ થયા છે.

પોલીસના જણાવ્યા અનુસાર તમામ ઘાયલોને સારવાર માટે હોસ્પિટલમાં દાખલ કરવામાં આવ્યા છે, જેમાંથી આઠ ગંભીર રીતે ઘાયલ છે પરંતુ તેમની હાલત સ્થિર છે. રિપોર્ટમાં કહેવામાં આવ્યું છે કે ઇમરજન્સી મેનેજમેન્ટ મંત્રાલયે અકસ્માતનો સામનો કરવા માટે સ્થળ પર ટાસ્ક ફોર્સ મોકલી છે.

આ પણ વાંચો : Exclusive : NIAએ બિહારમાં PFI સાથે જોડાયેલા 8 સ્થળો પર દરોડા પાડ્યા, ટાર્ગેટ કિલિંગના ષડયંત્રની શંકામાં 2ની ધરપકડ

કટોકટી વ્યવસ્થાપન મંત્રાલયની એક ટીમ કટોકટીનો સામનો કરવા માટે સ્થાનિક સરકારોને માર્ગદર્શન આપવા માટે ચાંગશા જવા રવાના થઈ છે. મંત્રાલયના ચીફ એન્જિનિયર લી વાંચુનની આગેવાની હેઠળની ટીમમાં મુખ્યત્વે તબીબી નિષ્ણાતોનો સમાવેશ થાય છે.

શનિવારે સાંજે લગભગ 5 વાગ્યે ચાંગશાના વાંગચેંગ જિલ્લામાં ઝુચાંગ-ગુઆંગઝૂ એક્સપ્રેસવે પર પાછળથી અથડામણ થઈ હતી. મંત્રાલયે ચોક્કસ નંબરો જાહેર કર્યા વિના જણાવ્યું હતું કે ઘણા વાહનો સામેલ હતા અને પરિણામે ભારે જાનહાનિ થઈ હતી.

તે જ સમયે, ઇમરજન્સી મેનેજમેન્ટ મિનિસ્ટર વાંગ જિયાંગશીએ ઘાયલોની સારવાર અને જાનહાનિની ​​સંખ્યા ઘટાડવા માટે તમામ પ્રયાસો કરવાની માંગ કરી હતી. તેમણે સમાન અકસ્માતોને રોકવા માટે કારણોને ઓળખવા અને જોખમોને ચકાસવા માટે સંપૂર્ણ તપાસ કરવાની પણ હાકલ કરી છે. મંત્રાલયે જણાવ્યું કે બચાવ કામગીરી માટે 182 ફાયર ફાઈટરોને ઘટનાસ્થળે મોકલવામાં આવ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Accident News, China real life