સમગ્ર દેશમાં PFIના ઠેકાણાઓ પર રેડની વચ્ચે ગૃહમંત્રી અમિત શાહે બોલાવેલી મીટિંગ પુરી, NSA, NIAના ચીફ અને ગૃહ સચિવ રહ્યાં હાજર

નવી દિલ્હી:સમગ્ર દેશમાં ટેરર ફન્ડિંગ અને કેમ્પ ચલાવવાના મામલામાં પીએફઆઈ એટલે કે પોપ્યુલર ફ્રન્ટ ઓફ ઈન્ડિયાની વિરુદ્ધ મોટું અભિયાન ચલાવવામાં આવ્યું છે. કેરળ, તમિલનાડુ અને યુપી સહિતના દેશના 10 રાજ્યોમાં એએનઆઈ અને ઈડીની ટીમે પીએફઆઈના સ્ટેટથી લઈને જિલ્લા સ્તરના નેતાઓના ઘરે રેડ કરી છે અને લગભગ 100થી વધુ કેડરની ધરપકડ કરી છે. આ અંગે કેન્દ્રીય ગૃહમંત્રી અમિત શાહના આવાસ પર બોલાવવામાં આવેલી બેઠક પુરી થઈ ગઈ છે. મીટિંગમાં એનએસએ, એનઆઈએ મહાનિર્દેશક, ગૃહ સચિવ અને અને અન્ય ટોચના અધિકારીઓ હાજર રહ્યાં હતા. ગૃહમંત્રીએ પીએફઆઈ સંગઠનના ઠેકાણાઓ પર કરવામાં આવેલી રેડનો ડિટેલ રિપોર્ટ માંગ્યો છે.

NIAની ઓફિસની સુરક્ષા વધારવામાં આવી 

નેશનલ ઈન્વેસ્ટીગેશન એજન્સી(NIA) અને એન્ફોર્સમેન્ટ ડાયરેક્ટોરેટે(ED) પોપ્યુલ ફ્રન્ટ ઓફ ઈન્ડિયા અને તેની સાથે જોડાયેલી લિન્ક પર સમગ્ર દેશમાં રેડ કરી છે. ટેરર ફન્ડિંગ અને કેમ્પ ચલાવવાના મામલમાં તપાસ એજન્સીએ કાર્યવાહી છે. ઈડી, એનઆઈએ અને રાજ્યોની પોલીસે 11 રાજ્યોમાંથી પીએફઆઈ સાથે જોડાયેલા 106 લોકોની અલગ-અલગ મામલાઓમાં ધરપકડ કરી છે. એનઆઈએ પીએફઆઈના રાષ્ટ્રીય અધ્યક્ષ ઓએમએસ સલામ અને દિલ્હીના અધ્યક્ષ પરવેઝ અહમદની ધરપકડ કરી છે. તેમાંથી કેટલાક લોકોને NIAના દિલ્હીના હેડક્વાર્ટર ખાતે લાવવામાં આવી શકે છે. હાલ NIAની ઓફિસની સુરક્ષા વધારવામાં આવી છે.

10 રાજ્યોમાં રેડ દરમિયાન 100થી વધુ કેડરની ધરપકડ

સમાચાર એજન્સી એએનઆઈના જણાવ્યા મુજબ એએનઆઈ અને ઈડીની ટીમે રાજ્ય પોલીસની સાથે મળીને કુલ દસ રાજ્યોમાં રેડ કરી અને આ દરમિયાન પીએફઆઈના 100થી વધુ કેડરની ધરપકડ કરવામાં આવી છે. એએનઆઈએ કોઈમ્બ્તુર, કુડ્ડાલોર, રામનાડ, ડિંડુગલ, થેની અને થેનકાસી સહિત તમિલનાડુમાં ઘણી જગ્યાઓ પર પીએફઆઈના નેતાઓના ઘરે રેડ કરી છે. પુરસાવક્કમમાં ચેન્નાઈ પીએફઆઈના સ્ટેટ હેડની ઓફિસમાં પણ સર્ચ ચાલી રહ્યું છે.

ટેરર ફન્ડિંગ કેમ્પ ચલાવવાના મામલે PFI વિરુદ્ધ કાર્યવાહી

ટેરર ફન્ડિંગ અને કેમ્પ ચલાવવાના મામલામાં સમગ્ર દેશમાં PFIની વિરુદ્ધ મોટી કાર્યવાહી કરવામાં આવી રહી છે. સમગ્ર દેશના 10 રાજ્યોમાં એનઆઈએ અને ઈડીની ટીમે પીએફઆઈના રાજ્યથી લઈને જિલ્લા સ્તરના નેતાઓના ઘરે રેડ કરી છે અને લગભગ 100 કેડરની ધરપકડ કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Amit shah, Amit shah Ahmedabad Visit, NIA raids Terror Funding