હિમાચલમાં કોંગ્રેસની સરકાર: સુખવિંદર સિંહે લીધા સીએમ પદના શપથ, મુકેશ અગ્નિહોત્રી બન્યા ડેપ્યુટી સીએમ

શિમલા: કોંગ્રેસના વરિષ્ઠ નેતા સુખવિંદર સિંહ સુખુએ મુખ્યમંત્રી પદના શપથ લીધા છે. હિમાચલ પ્રદેશના રાજ્યપાલે તેમને ઐતિહાસિક રિજ મેદાન ખાતે પદ અને ગોપીનિયતાના શપથ લેવડાવ્યા હતા. આ પ્રસંગે રાહુલ ગાંધી અને પ્રિયંકા ગાંધી પણ હાજર રહ્યા હતા. સુખવિંદર સિંહ સુખુની સાથે કોંગ્રેસના વરિષ્ઠ નેતા મુકેશ અગ્નિહોત્રીએ હિમાચલ પ્રદેશના નાયબ મુખ્યમંત્રી તરીકે શપથ લીધા. રાજીવ શુક્લાના જણાવ્યા અનુસાર રવિવારે માત્ર સીએમ અને ડેપ્યુટી સીએમ જ શપથ લેશે.



સુખુએ કોંગ્રેસના તમામ ધારાસભ્યો સાથે મંચ પરથી સમર્થકોનું અભિવાદન કર્યું હતું. શપથ ગ્રહણ સમારોહમાં હાજરી આપવા માટે કોંગ્રેસ અધ્યક્ષ મલ્લિકાર્જુન ખડગે અને રાજસ્થાનના સીએમ અશોક ગેહલોત પણ પહોંચ્યા હતા.

આ પણ વાંચોઃ દિલ્હી: MCD ચૂંટણીમાં ભાજપની હાર બાદ પાર્ટી અધ્યક્ષ આદેશ ગુપ્તાએ આપ્યું રાજીનામું

કોંગ્રેસ માટે મોટી તક

કોંગ્રેસ માટે આ ખાસ તક છે, કારણ કે 2018 પછી દેશના કોઈપણ રાજ્યમાં કોંગ્રેસને પહેલીવાર પૂર્ણ બહુમતી મળી છે. એટલા માટે પાર્ટી પોતાની તાકાતનું પ્રદર્શન કરીને શિમલાથી આખા દેશને સંદેશ આપવાનો પ્રયાસ કરી રહી છે. જો કે, પાર્ટીને શક્તિ પ્રદર્શન માટે ઘણો ઓછો સમય મળ્યો છે, કારણ કે મુખ્યમંત્રીના ચહેરાના 19 થી 20 કલાકમાં શપથ ગ્રહણ સમારોહ યોજવામાં આવ્યો છે. જો પાર્ટીના સૂત્રોનું માનીએ તો, શિમલા અને સોલનને અડીને આવેલા મતવિસ્તારના ધારાસભ્યોને પબ્લિક ભેગી કરવા સૂચના આપવામાં આવી છે.

Congress leader Sukhwinder Singh Sukhu takes oath as the chief minister of Himachal Pradesh at a ceremony in Shimla pic.twitter.com/ImX8kmkl3n

— ANI (@ANI) December 11, 2022

સુખુ ચોથી વખત વિધાનસભા પહોંચ્યા

મુખ્યમંત્રી સુખવિંદર સિંહ સુખુ ચોથી વખત અને મુકેશ અગ્નિહોત્રી પાંચમી વખત વિધાનસભા પહોંચ્યા છે. અગાઉ, સુખુ કોંગ્રેસના પ્રદેશ અધ્યક્ષ, એનએસયુઆઈના પ્રમુખ, શિમલામાં એમસીના બે વખત કોર્પોરેટર, યુથ કોંગ્રેસના પ્રમુખ અને 2022 માં ચૂંટણી પ્રચાર સમિતિના અધ્યક્ષ તરીકે ચૂંટાયા હતા. તે જ સમયે, પૂર્વ મુખ્યમંત્રી વીરભદ્ર સિંહના પુત્ર વિક્રમાદિત્ય સિંહ બીજી વખત ચૂંટાઈને વિધાનસભામાં પહોંચ્યા છે, જ્યારે મુકેશ અગ્નિહોત્રી પાંચમી વખત ધારાસભ્ય તરીકે ચૂંટાયા છે. આ ચૂંટણીઓમાં કોંગ્રેસે 68માંથી 40 બેઠકો જીતી છે અને પરિવર્તનનો દાવો કરનાર ભાજપ 25 બેઠકો પર આવી ગયું છે. હાઈકમાન્ડની મહોર મળતાં શનિવારે સાંજે વિધાનસભામાં યોજાયેલી વિધાનસભ્ય દળમાં સુખવિંદર સિંહ સુખુને મુખ્યમંત્રી જાહેર કરવામાં આવ્યા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Congress Leader, Deputy cm, Himachal Pradesh Election 2022, Himachal pradesh election results