Corona દર્દીઓને હોસ્પિટલમાં દાખલ કરવાના નિયમો બદલવામાં આવ્યા, જોઈલો કેન્દ્રની નવી ગાઈડલાઈન

Corona દર્દીઓને હોસ્પિટલમાં દાખલ કરવાના નિયમો બદલવામાં આવ્યા, જોઈલો કેન્દ્રની નવી ગાઈડલાઈન
પ્રતિકાત્મક તસવીર

કેન્દ્રીય આરોગ્ય મંત્રાલયે કોવિડ દર્દીઓની હોસ્પિટલમાં દાખલ થવાની રાષ્ટ્રીય ગાઈડલાઈનમાં ફેરફાર કર્યો છે. નવી નીતિ અનુસાર, કોરોનાથી સંક્રમિત દરેક વ્યક્તિને હોસ્પિટલમાં દાખલ કરવાની જરૂર નથી

  • Share this:
    નવી દિલ્હી : કેન્દ્રીય આરોગ્ય મંત્રાલયે કોવિડ દર્દીઓની હોસ્પિટલમાં દાખલ થવાની રાષ્ટ્રીય ગાઈડલાઈનમાં ફેરફાર કર્યો છે. નવી નીતિ અનુસાર, કોરોનાથી સંક્રમિત દરેક વ્યક્તિને હોસ્પિટલમાં દાખલ કરવાની જરૂર નથી. કોવિડ -19ના શંકાસ્પદ દર્દીને કેસની ગંભીરતા મુજબ, વોર્ડ સીસીસી, ડીસીએચસી અને ડીએચસીમાં દાખલ કરવામાં આવશે. કોઈ પણ દર્દીને કોઈપણ કારણોસર સેવાઓ આપવા માટે ઇનકાર નહીં કરવામાં આવે. તેમાં ઓક્સિજન અથવા આવશ્યક દવાઓ જેવી દવાઓ શામેલ છે, ભલે દર્દી કોઈ પણ અલગ શહેરનો જ કેમ ના હોય.

    નવી નીતિ મુજબ, કોઈ પણ દર્દી જ્યાં હોસ્પિટલ સ્થિત છે તે શહેરનું માન્ય ઓળખકાર્ડ ન હોય તો પણ પ્રવેશ આપવાનો ઇનકાર કરવામાં આવશે નહીં. જરૂરિયાતના આધારે હોસ્પિટલમાં પ્રવેશ આપવામાં આવશે. નોંધપાત્ર રીતે, દેશમાં 4,187 દર્દીઓ કોવિડ -19થી મૃત્યુ પામ્યા પછી, મૃત્યુની સંખ્યા વધીને 2,38,270 પર પહોંચી ગઈ છે, જ્યારે નવા કેસો આવ્યા પછી સંક્રમણના કુલ કેસો 2,18,92,676 પર પહોંચી ગયા છે.



    રિકવરી રેટ દર ઘટીને 81.90 ટકા થયો છે

    કેન્દ્રીય આરોગ્ય મંત્રાલયના આંકડા મુજબ સવારે આઠ વાગ્યા સુધી 37, 23, 446 દર્દીઓની હાલમાં સારવાર ચાલી રહી છે, જે કુલ કેસોના 17.01 ટકા છે. જ્યારે કોવિડ -19થી સ્વસ્થ્ય થવાનો રાષ્ટ્રીય દર 81.90 ટકા થઈ ગયો છે.

    આ પણ વાંચોભાગ્યની ક્રૂર મજાક, લગ્ન પહેલા જ વરરાજાનું મોત, ડોડિયા પરિવારમાં ખુશીના અવસરે જ માતમ છવાયો

    આંકડા અનુસાર, આ રોગમાંથી સાજા થનારા લોકોની સંખ્યા 1,79,30,960 થઈ ગઈ છે, જ્યારે સંક્રમણથી મૃત્યુ દર 1.09 ટકા નોંધાયો છે.

    ગયા વર્ષે 7 ઓગસ્ટે દેશમાં કોવિડ -19 દર્દીઓની સંખ્યા 20 લાખને વટાવી ગઈ છે. બીજી તરફ, કોવિડ -19 દર્દીઓની સંખ્યા 23 ઓગસ્ટના રોજ 30 લાખ, 5 સપ્ટેમ્બરના રોજ 40 લાખ અને 16 સપ્ટેમ્બરના રોજ 50 લાખને વટાવી ગઈ છે.

    આ પછી, 28 સપ્ટેમ્બરના રોજ, કોવિડ -19 ના કેસ 60 લાખ, 11 ઓક્ટોબરે 70 લાખ, 29 ઓક્ટોબરે 80 લાખ, 20 નવેમ્બરના રોજ 90 લાખ અને 19 ડિસેમ્બરના રોજ એક કરોડના આંકડાને પાર કરી ગયા. ભારતમાં 4 મેના રોજ ગંભીર સ્થિતિમાં પહોંચી બે કરોડનો આંકડો ઓળંગી લીધો છે.

    ઈન્ડિયન કાઉન્સિલ ઓફ મેડિકલ રિસર્ચ (આઇસીએમઆર) અનુસાર,. મે સુધી 30,04,10,043 નમૂનાઓનું પરીક્ષણ કરવામાં આવ્યું છે, જેમાંથી શુક્રવારે 18,08,344 નમૂનાઓનું પરીક્ષણ કરવામાં આવ્યું હતું.

    આ પણ વાંચો - કેવી રીતે રોકી શકાશે Coronaની ત્રીજી લહેર? કેન્દ્રના વૈજ્ઞાનિક સલાહકારે જણાવ્યું

    મૃત્યુનાં નવા કેસોમાં મહારાષ્ટ્રમાં 898 મોત, કર્ણાટકમાં 592, ઉત્તર પ્રદેશમાં 372, દિલ્હીમાં 341, છત્તીસગમાં 208, તમિલનાડુમાં 197, પંજાબમાં 165, રાજસ્થાનમાં 164, હરિયાણામાં 162, ઉત્તરાખંડમાં 137, ઝારખંડમાં 136, ગુજરાતમાં 119 અને પશ્ચિમ બંગાળમાં 112 લોકોનાં મોત થયાં છે.

    દેશમાં અત્યાર સુધીમાં કુલ 2,38,270 મોત થયા છે, જેમાં મહારાષ્ટ્રમાં 74,413, દિલ્હીમાં 18,739, કર્ણાટકમાં 17,804, તમિળનાડુમાં 15,171, 14,873 ઉત્તર પ્રદેશમાં, પશ્ચિમ બંગાળમાં 12,076, પંજાબમાં 10,158, છત્તીસગમાં પણ 10,158 લોકોનાં મોત થયા છે.

    આરોગ્ય મંત્રાલયે કહ્યું કે 70 ટકાથી વધુ દર્દીઓ અન્ય ગંભીર રોગોને કારણે મૃત્યુ પામ્યા છે.
    Published by:kiran mehta
    First published:May 08, 2021, 17:19 pm

    ટૉપ ન્યૂઝ