શું કોરોના ભારતમાંથી ચાલ્યો જશે? જાણો શું કહે છે નિષ્ણાતો

CoronaVirus: હવામાનમાં ફેરફાર સાથે, સમગ્ર દેશમાં વાયરલ તાવ અથવા વાયરલ ચેપનો (Viral Infection) પ્રવેશ થયો છે. માત્ર બાળકો જ નહીં, પરંતુ દરેક ઉંમરના લોકો આ રોગથી પીડિત છે. આ વખતે ઘણા દિવસો સુધી ચાલતા વાયરલના લક્ષણો પણ કોરોના જેવા જ છે. આ વાઈરલ ઈન્ફેક્શનથી પીડિત સેંકડો દર્દીઓ ગળામાં ગંભીર ઈન્ફેક્શન અને દર્દ તેમજ તાવ, ઉધરસ, શરદી, માથાનો દુખાવો અને શરીરના દુખાવાની સાથે હોસ્પિટલોમાં આવી રહ્યા છે. જ્યારે હોસ્પિટલો દ્વારા તેમનો કોરોના ટેસ્ટ (Corona test) કરવામાં આવ્યા બાદ રિપોર્ટ નેગેટિવ આવી રહ્યો છે.

કેન્દ્રીય આરોગ્ય મંત્રાલયના આંકડા એ પણ કહી રહ્યા છે કે, હાલમાં ભારતમાં કોરોનાના ફક્ત 1835 સક્રિય દર્દીઓ છે, જ્યારે દરરોજ 1 લાખથી વધુ પરીક્ષણો થઈ રહ્યા છે, તો શું ભારતમાંથી કોરોના નાબૂદ થઈ ગયો છે?

આ પણ વાંચો: COVID-19: ફેફસા-હૃદયની સાથે સાથે કોરોના લિવરને પણ નુકસાન પહોંચાડે છે, નવા સંશોધનમાં ખુલાસો

News18 સાથે વાત કરતા, દિલ્હી સફદરજંગ હોસ્પિટલના શ્વસન વિભાગના પ્રોફેસર ડૉ. નીરજ ગુપ્તા જણાવે છે કે, છેલ્લા કેટલાક દિવસોથી તાવ, ઉલ્ટી, ઉધરસ, લૂઝ મોશન વગેરે જેવા લક્ષણો ધરાવતા દર્દીઓ મોટી સંખ્યામાં હોસ્પિટલમાં આવી રહ્યા છે.લક્ષણોને જોતા આ દર્દીઓના સેમ્પલ પણ કોરોના ટેસ્ટ માટે મોકલવામાં આવી રહ્યા છે, પરંતુ લગભગ તમામ કોવિડ ટેસ્ટ માટે નેગેટિવ આવી રહ્યા છે. આ જ કારણ છે કે, હોસ્પિટલમાં પણ કોરોનાનો કોઈ દર્દી નથી.

વાયરલના દર્દીઓનો સાજા થવાનો સમય

ડો.ગુપ્તા કહે છે કે, આ વખતે વાયરલના દર્દીઓમાં એક વાત જોવા મળી રહી છે કે, તેમનો રિકવરી ટાઈમ વધી ગયો છે. વાયરલ સામાન્ય રીતે ત્રણ દિવસમાં આવે છે અને જવા માટે માત્ર ત્રણ દિવસ લાગે છે, પરંતુ આ વખતે દર્દીઓમાં આ સમય વધીને 8-10 દિવસ થઈ ગયો છે. જ્યાં સુધી કોરોનાની વાત છે, ત્યાં સુધી ઘણા દર્દીઓ કોવિડ માટે ટેસ્ટ કરાવી રહ્યા નથી, જો કે સફદરજંગમાં આવતા દર્દીઓના સેમ્પલ મોકલવામાં આવી રહ્યા છે, પરંતુ તમામ નેગેટિવ આવી રહ્યા છે. તેથી આ દર્દીઓમાં સામાન્ય વાયરલ છે

" isDesktop="true" id="1339538" >
શું કોરોના ખતમ થઈ ગયો?

ડૉ. નીરજ ગુપ્તા કહે છે કે, કોવિડ જેવા લક્ષણો હોવા છતાં પણ કોરોનાના દર્દીઓ બહુ ઓછા પ્રમાણમાં સામે આવી રહ્યા છે. દરરોજ 1.25 લાખથી વધુ કોવિડ ટેસ્ટમાં ખૂબ ઓછા કોવિડ પોઝિટિવ કેસ આવી રહ્યા છે. તેમ છતાં એવું કહેવું કે, કોરોના ભારતમાંથી ગયો છે અથવા ખતમ થઈ ગયો છે, તે યોગ્ય નથી. કોરોના એક વાયરસ છે અને તે કોઈપણ પ્રકાર અથવા સ્વરૂપમાં અસ્તિત્વમાં હોઈ શકે છે. એ અલગ વાત છે કે, વેક્સીન અને ઈન્ફેક્શનના કારણે દેશમાં હાઈબ્રિડ ઈમ્યુનિટી સર્જાઈ છે, પછી કોરોના બેઅસર થઈ રહ્યો હોય તેવું લાગી રહ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Coronavirus Case in India, COVID19 cases, Health News