UPમાં વધુ એક મહિલા સાથે અત્યાચાર, નિર્વસ્ત્ર હાલતમાં મૃતદેહ મળ્યો, આંખો પણ કાઢી લીધી

UPમાં વધુ એક મહિલા સાથે અત્યાચાર, નિર્વસ્ત્ર હાલતમાં મૃતદેહ મળ્યો, આંખો પણ કાઢી લીધી
ખેતરમાંથી મળ્યો મહિલાનો મૃતદેહ.

Uttar Pradesh News: હાથરસ, બલરામપુર, આઝમગઢ, બુલંદશહેર બાદ હવે બાંદામાં એક 27 વર્ષીય મહિલાનો નિર્વસ્ત્ર હાલતમાં મૃતદેહ મળી આવ્યો છે.

  • Share this:
    અંકિત ત્રિપાઠી, બાંદા: ઉત્તર પ્રદેશની યોગી આદિત્યનાથ સરકાર (UP Yogi Adityanath Government)ના તમામ પ્રયાસ છતાં પ્રદેશમાં મહિલાઓ વિરુદ્ધ અત્યાચાર (Crime Against Women) અટકવાનું નામ નથી લઈ રહ્યા. હાથરસ, બલરામપુર, આઝમગઢ, બુલંદશહેર બાદ હવે બાંદામાં એક 27 વર્ષીય મહિલાનો નિર્વસ્ત્ર હાલતમાં મૃતદેહ મળી આવ્યો છે. મહિલાના શરીર પર જોવા મળેલા ઈજાના નિશાન તેણી સાથે બનેલી હેવાનીયતની ચાડી ખાય છે. આ ઘટના જિલ્લાના બદોસા પોલીસ સ્ટેશન વિસ્તારની છે. હાલ પોલીસ આ મામલે તપાસ કરી રહી છે. પતિ અને સાસરિયાઓએ મહિલાની હત્યા કર્યાની પોલીસને આશંકા છે.

    શરીર પર ઈજાના અનેક નિશાન



    આ કેસ બદોસા પોલીસ સ્ટેશન વિસ્તાર આવતા બંગાલીપુરા ગામનો છે. અહીં સોમવારે સવારે એક 27 વર્ષીય મહિલાનો મૃતદેહ મળી આવ્યો છે. મહિલાનો શરીર એક ખેતરમાંથી મળી આવ્યો હતો. મહિલાના શરીર પર ઈજાના અનેક નિશાન જોવા મળ્યાં છે. ઘટનાને નજરે જોનાર લોકોનું કહેવું છે કે મહિલાની આંખો કાઢી લેવામાં આવી હતી. સૂચના બાદ પોલીસ ઘટનાસ્થળે પહોંચી હતી અને લાશનો કબજો લઇને તેને પોસ્ટમોર્ટમ માટે મોકલી આપી હતી. પોલીસને આશંકા છે કે મહિલાના પતિ અને સાસરિયાના લોકોએ મહિલાની હત્યા કરી નાખી છે. બનાવ બાદ મહિલાનો પતિ ફરાર થઈ ગયો છે.

    આ પણ વાંચો: મુંબઈમાં પાવર ગ્રિડ ફેલ, લોકલ ટ્રેનોનું સંચાલન ઠપ, શહેરમાં વીજળી ડૂલ

    પતિ અને સાસુ પર હત્યાની આશંકા

    એએસપી મહેન્દ્ર પ્રતાપે જણાવ્યું કે 26થી 27 વર્ષની મહિલાની હત્યા કરવામાં આવી છે. સમાચાર મળતા જ પોલીસ ઘટના સ્થળે પહોંચી ગઈ હતી. તપાસમાં માલુમ પડ્યું છે કે મહિલાનો મૃતદેહ તેના ઘરથી 500 મીટર દૂર ખેતરમાં પડ્યો હતો. પ્રારંભિક તપાસમાં ગામ લોકો પાસેથી જાણવા મળ્યું છે કે મૃતકનો તેની સાસુ સાથ ઝઘડો ચાલતો હતો. ઘટના બાદ મહિલાનો પતિ ફરાર થઈ ગયો છે. મામલાની તપાસ કરીને આગળની કાર્યવાહી કરવામાં આવશે.

    ઉલ્લેખનીય છે કે ઉત્તર પ્રદેશમાં તાજેતરમાં મહિલાઓ પર અત્યાચારની અનેક ઘટના સામે આવી છે. જેમાં સૌથી ચર્ચાસ્પદ ઘટના હાથરસની છે. જેમાં એક યુવતી પર કથિત રીતે ચાર લોકોએ બળાત્કાર ગુજાર્યો હતો. જે બાદમાં તેણી સાથે મારપીટ કરવામાં આવી હતી. યુવતીનું સારવાર દરમિયાન હૉસ્પિટલમાં નિધન થઈ ગયું છે. આ કેસની તપાસ માટે ઉત્તર પ્રદેશ સરકારે SITની રચના કરી છે. આ કેસની તપાસ કરતા સીટે PFI અને ભીમ આર્મી કનેક્શન પણ પકડી પાડ્યું છે.
    Published by:Vinod Zankhaliya
    First published:October 12, 2020, 12:16 pm