ગાઢ ધુમ્મસના કારણે હાઈવે પર એક પછી એક 22થી વધુ વાહનો અથડાયા, એક ડઝન ઘાયલ લોકોને હોસ્પિટલમાં ખસેડાયા

હરિયાણાના યમુનાનગર પાસે આજે સવારે એક ભયાનક માર્ગ અકસ્માતમાં લગભગ 22 વાહનો એક પછી એક અથડાયા હતા. આ અકસ્માત અંબાલા-સહારનપુર હાઈવે પર થયો હતો. આ અકસ્માતમાં એક ડઝનથી વધુ લોકો ઘાયલ થયા છે. ઘાયલોને હોસ્પિટલમાં દાખલ કરવામાં આવ્યા છે. અકસ્માતનું કારણ ધુમ્મસ જણાવવામાં આવી રહ્યું છે. હાઈવે પર વહેલી સવારે એટલું ધુમ્મસ હતું કે વિઝિબિલિટી શૂન્ય થઈ ગઈ હતી. જેના કારણે સામાન્ય ગતિએ દોડતા વાહનો એકબીજા સાથે અથડાયા હતા. પોલીસે ઘટના સ્થળે પહોંચી ઘાયલોને મદદ કરી હતી.

મળતી માહિતી મુજબ, આ ઘટના યમુનાનગરના ઔરંગાબાદ ગામ પાસે બની હતી. અહીં ધુમ્મસના કારણે હાઇવે પરથી પસાર થતા લોકો સવારથી જ પોતાના વાહનો ધીમી ગતિએ ચલાવી રહ્યા હતા. આ દરમિયાન અચાનક કેટલાક વાહનોની ટક્કર થઈ હતી. ટક્કરનો અવાજ સાંભળીને આસપાસના લોકો પણ ઘટના સ્થળે પહોંચી ગયા હતા. કેટલાક વાહનોને ભારે નુકસાન થયું છે. આ અકસ્માતમાં લગભગ એક ડઝન લોકો ઘાયલ થયા છે, જેમને તાત્કાલિક હોસ્પિટલમાં ખસેડવામાં આવ્યા હતા. અકસ્માતના સમાચાર મળતા જ પોલીસ ઘટનાસ્થળે પહોંચી ગઈ હતી અને રસ્તા પરથી વાહનો હટાવવાનું શરૂ કર્યું હતું.

આ પણ વાંચોઃ ઉપેન્દ્ર કુશવાહાએ ઝેરી દારૂના કારણે થયેલા મોતની સરખામણી બોમ્બ બનાવનારા સાથે કરી

પોલીસ અધિકારીએ કહ્યું, 'કદાચ 10-15 વાહનો એકબીજા સાથે અથડાયા હતા. અમે લોકોને ધુમ્મસની મોસમમાં વાહનો ધીમે ચલાવવાની અપીલ કરીએ છીએ. પ્રાપ્ત માહિતી અનુસાર ધુમ્મસના કારણે અનેક જગ્યાએથી વાહનો એકબીજા સાથે અથડાયાના અહેવાલો આવી રહ્યા છે.

ગ્રેટર નોઈડામાં બસો અથડાઈ, 3ના મોત

નોઈડા જતા રોડ પર સવારે લગભગ 5 વાગ્યે ગ્રેટર નોઈડા એક્સપ્રેસ વે પર બે પેસેન્જર બસો એકબીજા સાથે અથડાઈ હતી. આ ઘટના નોઈડા સેક્ટર 157માં બની હતી. એક બસ જેનો નંબર MP 04 PA 3234 મધ્ય પ્રદેશના શિવપુરીથી દિલ્હી જઈ રહી હતી. અને બીજી બસ જેનો નંબર UP 17 AT 6460 હતો તે પ્રતાપગઢથી આનંદ વિહાર જઈ રહી હતી. આ અકસ્માતમાં 3 લોકોના હોસ્પિટલમાં સારવાર દરમિયાન મોત થયા હતા. જ્યારે અન્ય 10 ઘાયલોને જિલ્લા હોસ્પિટલમાં દાખલ કરવામાં આવ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Fog, Haryana News, Road accident