MPમાં ગુજરાત ફોર્મ્યુલા અપનાવશે તો ભાજપના 48 વર્તમાન ધારાસભ્યોની 'ટિકિટ પર તલવાર'

ગ્વાલિયર: ગુજરાતની બમ્પર જીત બાદ આગામી 2023ની MP વિધાનસભા ચૂંટણીમાં ગુજરાત ફોર્મ્યુલા અપનાવવાની શક્યતા વધી ગઈ છે. જણાવી દઈએ કે, ગુજરાતમાં ભાજપે 40 ટકા વર્તમાન ધારાસભ્યોની ટિકિટ કાપી નાખી હતી. જ્યારે પરિણામો આવ્યા ત્યારે ભાજપે કુલ બેઠકોમાંથી 86 ટકા બેઠકો જીતીને ઈતિહાસ રચ્યો હતો.

ગુજરાતના ઐતિહાસિક પરિણામો બાદ આગામી 2023ની મધ્યપ્રદેશ વિધાનસભાની ચૂંટણીમાં ગુજરાતની ફોર્મ્યુલા અપનાવાય તેવી શક્યતાઓ છે. જો ગુજરાત ફોર્મ્યુલા અપનાવવામાં આવે તો અહીંના વર્તમાન 122માંથી 48 ધારાસભ્યોની ટિકિટ પર તલવાર લટકી જશે. એમપી બીજેપીના સંગઠને પણ સ્પષ્ટ કર્યું છે કે, અહીં પણ ગુજરાતની તર્જ પર ચૂંટણી લડવામાં આવશે. આ જ કારણ છે કે, પેટાચૂંટણીમાં હારેલા સિંધિયા સમર્થકોની ટિકિટ પર સંકટ ઊભું થયું છે.

ભાજપે તૈયારીઓ શરૂ કરી દીધી

મધ્યપ્રદેશમાં 2023ની વિધાનસભા ચૂંટણી માટે ભાજપે તૈયારીઓ શરૂ કરી દીધી છે. 2018 માં કોંગ્રેસ મધ્યપ્રદેશમાં 15 વર્ષ પછી સત્તામાં પાછી આવી, અને ભાજપને ઝટકો આપ્યો હતો, પરંતુ 2020 માં કોંગ્રેસ સામે સિંધિયાના બળવા બાદ, ભાજપે ફરીથી સત્તા મેળવી હતી. આ જ કારણ છે કે, 2023ની ચૂંટણી ભાજપ માટે મોટો પડકાર છે.

આ પણ વાંચો: ગુજરાત વિધાનસભા ચૂંટણીમાં હાર્યા બાદ પૂર્વ મંત્રીનો બફાટ વાયરલ, 'કેટલાકે ભાજપનો ખેસ પહેરી કોંગ્રેસ માટે કામ કર્યું'

ભાજપમાં નેતૃત્વ અને ઉમેદવારોને લઈને લોબિંગ શરૂ થઈ ગયું છે. આ દરમિયાન, ગુજરાતમાં 40 ટકા જૂના ચહેરાઓની ટિકિટ કાપીને ભાજપના કેન્દ્રીય સંગઠને તમામ રાજ્યોને સંદેશો આપ્યો છે. મધ્યપ્રદેશના ભાજપના નેતાઓમાં પણ આ ચર્ચા ફેલાઈ છે. સંગઠનની બેઠકોમાં નેતૃત્વએ હાજર મંત્રીઓ અને ધારાસભ્યોને પણ આ સંદેશો આપ્યો છે. ભાજપના પ્રદેશ પ્રમુખ વી.ડી.શર્માએ સ્પષ્ટ કહ્યું કે, ગુજરાત ફોર્મ્યુલાને અપાર સફળતા મળી છે. તેથી અહીં પણ પાર્ટીએ 2023ની વિધાનસભા ચૂંટણીમાં 51 ટકા વોટ મેળવવાનું લક્ષ્ય રાખ્યું છે. આ માટે ગુજરાત ફોર્મ્યુલાની સાથે જીતના અન્ય મુદ્દાઓ પર પણ મંથન કરવામાં આવશે.

સિંધિયા સમર્થકો પણ માનસિક રીતે તૈયાર છે

જો ગુજરાતની જેમ મધ્યપ્રદેશમાં ચૂંટણી લડવામાં આવે તો ભાજપ 40 ટકા ટિકિટ બદલી શકે છે. આવી સ્થિતિમાં હાલના 122 ધારાસભ્ય મંત્રીઓમાંથી 48ની ટિકિટ પર તલવાર લટકી જશે. 111 સીટો પર હારેલા ચહેરા પણ બદલાઈ શકે છે. ગુજરાત ફોર્મ્યુલાના કારણે સિંધિયા સમર્થકો, વર્તમાન મંત્રીઓ, ધારાસભ્યો અને પેટાચૂંટણીમાં હારેલા લોકોની ટિકિટ પર તલવાર લટકી જશે. તેમાંથી ડબરાથી ઈમરતી દેવી, ગ્વાલિયરથી મુન્ના લાલ ગોયલ, કરૈરાથી જસવંત જાટવ, મોરેનાથી એદલ સિંહ કંસાના, રઘુરાજ કંસાના, ગિરિરાજ દંડૌતિયા, ભીંડ ગોહાડથી રણવીર જાટવની ટિકિટ પર તલવાર લટકશે. ગુજરાતમાં ટિકિટ કપાયા બાદ સિંધિયાના સમર્થકો પણ બમ્પર જીત માટે માનસિક રીતે તૈયાર છે. સિંધિયા તરફી ભૂતપૂર્વ ધારાસભ્યોનું કહેવું છે કે ભાજપ નેતૃત્વ જે પણ નિર્ણય લે તે માટે તેઓ તૈયાર છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat Assembly Election 2022, Madhya pradesh, MP election