કડક સુરક્ષા વચ્ચે યોજાશે અગ્નિવીરની પરીક્ષા, આ રીતે પકડવામાં આવશે 'મુન્નાભાઈ'

ગ્વાલિયર: મધ્યપ્રદેશના ગ્વાલિયરમાં આર્મી સ્કૂલમાં અગ્નિવીરોની લેખિત પરીક્ષાનું આયોજન કરવામાં આવી રહ્યું છે. આ માટે ખાસ સુરક્ષા વ્યવસ્થા કરવામાં આવી છે. આ પરીક્ષામાં લગભગ 2,400 ઉમેદવારો હાજર રહેશે. શહેર વહીવટી તંત્ર દ્વારા બહારગામથી આવતા ઉમેદવારો માટે જિલ્લા કક્ષાએ રહેવાની વ્યવસ્થા કરવામાં આવી છે. જણાવી દઈએ કે, આ અગાઉ લેવાયેલી પરીક્ષામાં ભારે હોબાળો અને હંગામો થયો હતો. જેમાં સરકારી સંપત્તિને ઘણું નુકસાન થયું હતું. આ તમામ બાબતોને ધ્યાનમાં રાખીને આ વખતે યોજાનારી અગ્નિવીરની પરીક્ષા પોલીસ દળની દેખરેખ હેઠળ લેવામાં આવશે.

આ પણ વાંચો: ઓટો ડ્રાઈવરની દીકરી નેવીમાં બની અગ્નિવીર, પિતા 12 વર્ષથી કેન્સર સામે લડી રહ્યા છે

ગ્વાલિયર (આર્મી રિક્રુટમેન્ટ ઓફિસ) એઆરઓ ડિરેક્ટરે જણાવ્યું કે, પરીક્ષા માટે તમામ વ્યવસ્થા કરવામાં આવી છે. કોઇ અનિચ્છનીય બનાવ ન બને તેવી બાબતોને ધ્યાનમાં રાખીને ખાસ સુરક્ષા વ્યવસ્થા ગોઠવવામાં આવી છે. આ ઉપરાંત, 2400 જેટલા પરીક્ષાર્થીઓ પર નજર રાખવા માટે પરીક્ષા કેન્દ્રની આસપાસ ડ્રોન દ્વારા સર્વેલન્સ પણ કરવામાં આવશે. આ સાથે તમામ સ્થળોએ સીસીટીવી કેમેરાથી પણ નજર રાખવામાં આવશે જેથી કરીને એક જગ્યાએ વધુ લોકો એકઠા ન થાય. જરૂર પડ્યે કોઈ અનિચ્છનીય બનાવ ન બને તે માટે પોલીસની મદદ પણ લેવામાં આવશે.

ઉમેદવારોની ઓળખ બાયોમેટ્રિક દ્વારા કરાશે

એઆરઓ ડિરેક્ટરે એ પણ માહિતી આપી હતી કે, ગ્વાલિયર ઉપરાંત સાગર, છતરપુર, દમોહ, ટીકમગઢ, ભીંડ, મોરેના, શિવપુરી, દતિયા, અશોકનગર, શિવપુર વગેરે જિલ્લાઓમાંથી લગભગ 2,400 ઉમેદવારો અગ્નિવીર પરીક્ષામાં બેસશે. આ ઉમેદવારો સાચા છે કે નકલી તે જાણવા માટે પરીક્ષા કેન્દ્રના ગેટ પર જ બાયોમેટ્રિક મશીન લગાવવામાં આવશે. અહીં તેમની ઓળખ બાયોમેટ્રિક દ્વારા જોવામાં આવશે. જો ઓળખ સાચી હશે તો જ તેમને પરીક્ષા કેન્દ્રમાં પ્રવેશ આપવામાં આવશે. તેનો હેતુ કોઈપણ પ્રકારના ખોટા ઉમેદવારને પરીક્ષામાં બેસતા અટકાવવાનો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Agniveer scheme, Defence, Recruitment