ગુરમીત રામ રહીમને ફરી મળી પેરોલ, આવતીકાલે જેલમાંથી બહાર આવી શકે છે

નવી દિલ્હી : હરિયાણાના રોહતકની સુનારિયા જેલમાં બંધ ડેરા સચ્ચા સૌદાના વડા ગુરમીત રામ રહીમને ફરી એકવાર પેરોલ મળી ગયો છે. ગુરમીત રામ રહીમે 25 જાન્યુઆરીએ શાહ સતનામ સિંહના જન્મદિવસે હાજરી આપવા માટે અરજી કરી હતી. ગુરમીત રામ રહીમ શનિવારે ગમે ત્યારે જેલમાંથી બહાર આવી શકે છે.

ગુરમીત રામ રહીમને ઓક્ટોબરની શરૂઆતમાં પેરોલ મળ્યો હતો. અગાઉ, ડેરા ચીફને જૂનમાં એક મહિનાની પેરોલ પર મુક્ત કરવામાં આવ્યો હતો અને ફેબ્રુઆરીમાં તેને ત્રણ અઠવાડિયાની રજા આપવામાં આવી હતી.

ગુરમીત રામ રહીમ ડેરાના સિરસા હેડક્વાર્ટર ખાતેના પોતાના આશ્રમમાં બે મહિલા અનુયાયીઓ પર બળાત્કાર કરવા બદલ 20 વર્ષની જેલની સજા ભોગવી રહ્યો છે. પંચકુલામાં સેન્ટ્રલ બ્યુરો ઓફ ઇન્વેસ્ટિગેશન (CBI)ની વિશેષ અદાલતે ઓગસ્ટ 2017માં તેને દોષિત ઠેરવ્યો હતો.

આ  પણ વાંચો : સુકેશને તિહાર BMWમાં મળવી જતી હતી, મીટિંગ માટે મળતા હતા 1.5 લાખ; કોણ છે એ જાણો...

ગુરમીત રામ રહીમને પણ 2002માં ડેરા મેનેજર રણજીત સિંહની હત્યાનું કાવતરું ઘડવા બદલ ચાર અન્ય લોકો સાથે ગયા વર્ષે દોષિત ઠેરવવામાં આવ્યો હતો. ડેરા ચીફ અને અન્ય ત્રણને પણ 2019માં 16 વર્ષ પહેલાં એક પત્રકારની હત્યામાં દોષિત ઠેરવવામાં આવ્યા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Case, Gurmeet Ram Rahim Singh