Home /News /national-international /પ્રેમીના થવાના હતા લગ્ન, પ્રેમિકા વરરાજાને ભગાડીને લઇ ગઈ, દૂલ્હન મંડપમાં જોતી રહી રાહ

પ્રેમીના થવાના હતા લગ્ન, પ્રેમિકા વરરાજાને ભગાડીને લઇ ગઈ, દૂલ્હન મંડપમાં જોતી રહી રાહ

દૂલ્હન પક્ષ તરફથી વરરાજા રવિ સામે ફરિયાદ કરી છે

Rajasthan news - રવિ ગામની એક યુવતીને પ્રેમ કતો હતો. બન્નેને લાગ્યું કે હવે તેમનો પ્રેમ અધુરો રહેશે તો રવિ અને તેની પ્રેમિકાએ ઘરેથી ભાગી જવાનો નિર્ણય કર્યો

    ઝુંઝનું : રાજસ્થાનના (Rajasthan)ઝુંઝનુના (jhunjhunu)મેદારામ ઢાણીમાં એક ચોંકાવનારો કેસ સામે આવ્યો છે. એક યુવતી લગ્નના (Marriage)થોડા કલાકો પહેલા પોતાના પ્રેમીને ભગાડીને લઇ ગઈ હતી. બીજી તરફ દૂલ્હન મંડપમાં પોતાના વરરાજાની રાહ જોતી રહી હતી. જ્યારે દૂલ્હનને આ વાતની ખબર પડી તો તેને જોરદાર ઝાટકો લાગ્યો હતો. આ ઘટના સામે આવ્યા પછી દૂલ્હન પક્ષ તરફથી વરરાજા રવિ સામે ફરિયાદ કરી છે.

    મળેલી જાણકારી પ્રમાણે કાસની ગામના રવિ કુમારના લગ્ન ધીંગડિયા ગામની કવિતા સાથે થવાના હતા. વરરાજા રવિ કુમાર જાન લઇ જતા પહેલા ઘરેથી બાઇક લઇને ગાયબ થઇ ગયો હતો. જાન જવાનો ટાઇમ થઇ ગયો હતો પણ વરરાજા મળ્યા ન હતા. સમય પર જાન ના પહોંચી ધીંગડિયા ગામમાં હડકંપ મચી ગયો હતો.

    દૂલ્હને પોલીસમાં ફરિયાદ કરી

    વરરાજાને શોધવાનો સિલસિલો શરૂ થયો હતો પણ કોઇ ભાળ મળી ન હતી. આ પછી દૂલ્હને સૂરજગઢ સ્ટેશનમાં વરરાજા રવિ સામે કેસ નોંધાવ્યો હતો. રિપોર્ટમાં દગો આપવાનો આરોપ છે. પોલીસ મામલાની તપાસ કરી રહી છે. વરરાજા રવિ કુમાર પોતાના મોટા ભાઈ નવીનના લગ્નમાંથી સવારે જ પરત ફર્યો હતો. આ પછી ઘરેથી ગાયબ થઇ ગયો હતો. આ દરમિયાન તેના મામાએ તેને રોક્યો પણ હતો.

    આ પણ વાંચો - નાનાભાઈના લગ્નમાં મોટા ભાઈએ ચપ્પુ મારીને જીજાજીની કરી નાખી હત્યા, લગ્નમાં અફરાતફરી

    વરરાજાની માતાએ રડતા-રડતા કહ્યું કે પોતાની નવવિવાહિત મોટી વહુની આગતા સ્વાગતા કરવામાં લાગી હતી. તેને તો ખબર જ ના પડી કે નાનો પુત્ર ક્યારેય ગાયબ થઇ ગયો. જ્યારે ખબર પડી તો માહોલ ઉદાસ થઇ ગયો હતો. તેમણે કહ્યું કે એક સાથે બે પુત્રના લગ્ન હતા. મોટા પુત્રના લગ્ન એક દિવસ પહેલા થયા હતા.

    રવિ ગામની યુવતીને કરતો હતો પ્રેમ

    વરરાજાની લવ સ્ટોરીનો ખુલાસો તે સમયે થયો જ્યારે પોલીસે આ મામલે તપાસ શરૂ કરી હતી. રવિ ગામની એક યુવતીને પ્રેમ કતો હતો. બન્નેને લાગ્યું કે હવે તેમનો પ્રેમ અધુરો રહેશે તો રવિ અને તેની પ્રેમિકાએ ઘરેથી ભાગી જવાનો નિર્ણય કર્યો હતો. મળેલી જાણકારી પ્રમાણે રવિ અને તેની પ્રેમિકાને પરિવારજનો સીકરના નીમકાથાના લઇને આવ્યા છે. જોકે પોલીસે આ વાતની પૃષ્ટી કરી નથી.
    Published by:Ashish Goyal
    First published:

    Tags: Marriage, રાજસ્થાન

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन