કુસ્તીબાજોની ફરિયાદ પર મોદી સરકાર એક્શનમાં, તપાસના આદેશ, મેરી કોમની પણ મદદ લીધી

દિલ્હી. કુસ્તીબાજોની હડતાળ બાદ સરકારે કુસ્તી સંઘની કામગીરીને જોવા માટે એક સમિતિની રચના કરી છે. આ સમિતિના સભ્યોના નામ સોમવારે (23 જાન્યુઆરી) જાહેર કરવામાં આવ્યા છે. ઓલિમ્પિયન અને ભૂતપૂર્વ વર્લ્ડ ચેમ્પિયન બોક્સર મેરી કોમને આ સમિતિનાં અધ્યક્ષ બનાવવામાં આવ્યાં છે.

ખેલ મંત્રાલયે રેસલિંગ ફેડરેશન ઓફ ઈન્ડિયા (WFI)ના પ્રમુખ બ્રિજ ભૂષણ શરણ સિંહ વિરુદ્ધ જાતીય સતામણી અને ભ્રષ્ટાચારના આરોપોની તપાસ કરવા માટે એક મોનિટરિંગ કમિટીની જાહેરાત કરી હતી.

આ પણ વાંચોઃ દિગ્વિજય સિંહને હજુ પણ સર્જિકલ સ્ટ્રાઈક પર વિશ્વાસ નથી, કહ્યું- કોઈ પુરાવા નથી, માત્ર જુઠ્ઠાણાઓનું પોટલું

Oversight Committee has been formed today. Mary Kom will head the Oversight Committee. For the coming month, the committee will investigate the allegations put up by the wrestlers: Union Sports Minister Anurag Thakur pic.twitter.com/C2KkkrXXI2

— ANI (@ANI) January 23, 2023

કુસ્તીબાજોના આરોપો બાદ પ્રમુખ બ્રિજભૂષણ શરણ સિંહને કુસ્તી સંઘની કામગીરી પર દેખરેખ રાખવા પર પ્રતિબંધ મુકવામાં આવ્યો છે. આ સમિતિના સભ્યોમાં ઓલિમ્પિયન કુસ્તીબાજ યોગેશ્વર દત્ત, દ્રોણાચાર્ય એવોર્ડ વિજેતા તૃપ્તિ મુરુગાંડે, કેપ્ટન રાજગોપાલન, રાધા શ્રીમનનો સમાવેશ થાય છે.

બ્રિજભૂષણ સિંહ તેમના પદ પર કામ કરશે નહીં

કેન્દ્રીય ખેલ મંત્રી અનુરાગ ઠાકુરે કહ્યું કે બ્રિજભૂષણ શરણ સિંહ તેમના પદ પર કામ નહીં કરે, તેનાથી દૂર રહેશે. તેમના પર લાગેલા ગંભીર આરોપોની તપાસ કરવામાં આવશે. અમે મેરી કોમને સમિતિના અધ્યક્ષ બનાવી રહ્યા છીએ. મેરી કોમની અધ્યક્ષતામાં પાંચ લોકોની સમિતિ બનાવવામાં આવશે. હવે આ મોનિટરિંગ કમિટી રેસલિંગ એસોસિએશનનું કામ જોશે.

કેન્દ્ર સરકારે શનિવારે કહ્યું હતું કે જ્યાં સુધી દેખરેખ સમિતિની ઔપચારિક નિમણૂક ન થાય ત્યાં સુધી રેસલિંગ ફેડરેશનની તમામ પ્રવૃત્તિઓ સ્થગિત કરી દેવામાં આવી છે. આ પહેલા સરકાર તરફથી ખાતરી મળ્યા બાદ ખેલાડીઓએ શુક્રવારે મોડી રાત્રે તેમની હડતાળ સમાપ્ત કરી દીધી હતી.

WFIએ આરોપોને ફગાવી દીધા

બ્રિજભૂષણ શરણ સિંહે તેમના પર લાગેલા આરોપોને પાયાવિહોણા ગણાવ્યા છે. કુસ્તીબાજોના આરોપો બાદ રમત મંત્રાલયે WFI પાસેથી 72 કલાકમાં જવાબ માંગ્યો હતો. જેના પર WFIએ પ્રમુખ સામેના જાતીય સતામણી સહિતના તમામ આરોપોને ફગાવી દીધા હતા અને કહ્યું હતું કે સ્પોર્ટ્સ બોડીમાં સરમુખત્યારશાહી અને ગેરવહીવટને કોઈ અવકાશ નથી.

કુસ્તીબાજોએ ધરણા કર્યા હતા

નોંધનીય છે કે વિનેશ ફોગટ, બજરંગ પુનિયા, સાક્ષી મલિક, રવિ દહિયા, અંશુ મલિક, સંગીતા ફોગાટ અને સોનમ મલિક સહિત અન્ય કુસ્તીબાજોએ બુધવારે દિલ્હીના જંતર-મંતર પર ધરણા કર્યા હતા. કુસ્તીબાજોએ જાતીય સતામણી અને ભ્રષ્ટાચારનો આરોપ લગાવતા WFI ચીફને હટાવવાની માંગ કરી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Anurag Thakur, Mc mary kom, Protest