બીરભૂમમાં નદીના કિનારેથી મળ્યું સોનું..! વાયુવેગે વાત ફેલાતા ગામલોકો તગારા લઈ દોડી આવ્યાં

બીરભૂમ: મફતમાં સોનું મળી રહ્યું છે-આ વાત કોઈને પણ જાણવા મળે તો ગમે તે વ્યક્તિ હોય, પીળી ધાતુ મેળવવા તે દોટ મુકે જ. આ જ પ્રકારની ઘટના ઘટી બીરભૂમ જિલ્લામાં. બીરભૂમ જિલ્લાની બસલોઈ નદીમાંથી મળી આવ્યું છે સોનું! આ સમાચાર પછી પારકાંડી ગામના લોકો પોતાનું ભાગ્ય બદલવા નદીમાં સોનાની શોધમાં નીકળી પડ્યા. સોનાની શોધમાં કેટલાક હાથ વડે નદીના કિનારાને ખોદતા દેખાય છે તો કેટલાક કુહાડીથી ખોદી રહ્યાં છે.

આ પણ વાંચો: PHOTOS: ચારે તરફ સ્મશાનથી ઘેરાયેલ છે આ મંદિર, બગલામુખી માતાની પૂજા કરવાથી દુશ્મનો નજીક પણ નહીં આવે

જણાવી દઈએ કે બીરભૂમ જિલ્લાના મુરારઈ પોલીસ સ્ટેશન હદ વિસ્તારમાં આ દ્રશ્ય જોઈને સૌ કોઈ આશ્ચર્યચકિત થઈ ગયા છે. બાળકોથી લઈને વૃદ્ધો સુધી, મહિલાઓથી લઈને પુરૂષો સુધી, બધા જ તેમના પરિવારજનો સાથે આ નદીમાં સોનાની શોધમાં રાત-દિવસ એક કરી રહ્યાં છે.

નદીની રેતમાંથી સોનાની શોધ :

નદીની રેતીમાં સોનું મળવાની હકીકત માની શકાય તેમ નથી, પરંતુ આ દાવો સ્થાનિકોનો છે. સ્થાનિક લોકોનું કહેવું છે કે હાલમાં જ કેટલાક ગ્રામજનોને અહીંથી સોનું મળ્યું હતું. આ વાત વાયુ વેગે પ્રસરતાઅ સેંકડો ગ્રામવાસીઓ આ નદીમાંથી અને નદીના કિનારે આવેલી રેતીમાંથી સોનાની શોધમાં એકઠા થયા છે.

આ પણ વાંચો: PHOTOS: દિલ્હી-એનસીઆર સહિત અફઘાનિસ્તાન સુધી ભૂકંપના આંચકા, ઘરોમાંથી ભાગવા લાગ્યા લોકો

સ્થાનિક યુવક સુજાન શેખે જણાવ્યું કે મોટાભાગે આ નદીમાં પાણી નથી હોતું. જોકે આ નદી ચોમાસા દરમિયાન ભરપૂર હોય છે અને હવે નદીના કિનારે ખૂબ જ અવાજ આવે છે. બે દિવસ પહેલા અહીં નદીની રેતીમાંથી સોનું મળી આવ્યું હતું. ઝારખંડના રહેવાસીને બે દિવસ પહેલા કિનારેથી સોનાના દાગીના મળી આવ્યા હતા. તેઓ સૌપ્રથમ હતા જેમણે સોનાના વિવિધ આભૂષણો જોયા અને પ્રાપ્ત કર્યા હતા.

અન્ય ગ્રામજનોને પણ મળ્યું સોનું :

આવી સ્થિતિમાં ગામમાં આ ઘટનાની જાણ થતાં જ મોટી સંખ્યામાં લોકો નદી કિનારે સોનાની શોધ કરવા લાગ્યા હતા. જોકે અન્ય ઘણા ગ્રામજનોને પણ આજે સોનાના ટુકડા મળ્યા છે. સોનું મળવાની ઘટના બાદ સમગ્ર વિસ્તારમાં આ વાત આગની જેમ ફેલાઈ ગઈ છે. લોકો તેમના પરિવારજનો સાથે નદી કિનારે સોનાની શોધખોળમાં લાગ્યા છે.

બટન ગોલ્ડ :

બસલોઈ નદીમાંથી બટન આકારનું સોનું લોકોને મળ્યું છે. આ ઘટનાની માહિતી રામપુરહાટ વિભાગના શાસકને આપવામાં આવી છે. વહીવટીતંત્ર પણ હચમચી ગયું હતું. આ નદીમાંથી સોનું મળવાની ઘટના અંગે તંત્રએ તપાસ કરીને કાર્યવાહી કરવાની ખાતરી આપી છે. આજે બે મહિલાઓને સોનાના બટન મળ્યા છે.

આ પણ વાંચો: રિવલિંગ ડ્રેસ સાથે માતા લક્ષ્મીનો હાર પહેરી બરાબરની ફસાઈ તાપસી, લોકોએ કહ્યું- થોડી તો શરમ રાખો

મુરારઈમાં બ્લોક 1ના BDO જાગ્રત ચૌધરીએ કહ્યું કે આ બાબતની પોલીસને જાણ કરવામાં આવી છે. કોઈ અકસ્માત ન થાય તે માટે રિવર ક્રોસિંગ પર પોલીસ ગાર્ડ તૈનાત કરવામાં આવ્યો છે. હવે કોઈને પણ સરહદની નજીક જવાની પરવાનગી નથી. રામપુરહાટના સબ-ડિવિઝનલ કમિશ્નરે કહ્યું કે આ મામલાની જાણ ASIને કરવામાં આવી છે. તેમની ટીમ આવીને ઘટનાની તપાસ શરૂ કરશે.

સોનું છે કોનું?

બસલોઈ નદીમાંથી મળી આવતા આ સોનાના ઘરેણાં ક્યાંથી આવ્યા તે અંગે સૌ કોઈને ઉત્સુકતા છે. એવું માનવામાં આવે છે કે સુવર્ણરેખા નદીના પાણીમાં ડૂબી ગયેલા ‘મહેશપુર રાજબારી’માંથી આ સોનું સુવર્ણરેખા નદી થઈને બાંસલોઈ નદીમાં આવી શકે છે. જોકે આ સંપૂર્ણપણે માત્ર અનુમાન છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: West bengal, ગોલ્ડ