GOLD ATM: ATMમાંથી સોનું નીકળશે, જાણો દેશનું પહેલું ગોલ્ડ ATM ક્યાં ખુલ્યું

નવી દિલ્હીઃ તમે ઓટોમેટેડ ટેલર મશીન (ATM)માંથી પૈસા નીકળતા તો જોયા જ હશે. હવે એવી સુવિધા શરૂ કરવામાં આવી છે, જેના દ્વારા તમે ATMમાંથી સોનું કાઢી શકશો. વાસ્તવમાં તેલંગાણાની રાજધાની હૈદરાબાદમાં પ્રથમ રિયલ ટાઈમ ગોલ્ડ એટીએમ લગાવવામાં આવ્યું છે. આ રિયલ ટાઈમ ગોલ્ડ એટીએમમાંથી સોનાના સિક્કા ઉપાડી શકાય છે.

હૈદરાબાદ સ્થિત કંપની ગોલ્ડસિક્કા પ્રાઇવેટ લિમિટેડે ઓપનક્યુબ ટેક્નોલોજીસની મદદથી આ એટીએમ ઇન્સ્ટોલ કર્યું છે. ગ્રાહકો એટીએમ દ્વારા સોનાના સિક્કા ખરીદવા માટે ડેબિટ અથવા ક્રેડિટ કાર્ડનો ઉપયોગ કરી શકે છે.

આ પણ વાંચોઃ બેંકના કામ હોય તો પતાવી લેજો, આ દિવસે બેંકિંગ -ATM હશે હડતાળ

સોનું ખરીદવા માટે 24 કલાકની સુવિધા

સોનાની ખરીદી અને વેચાણનો વ્યવસાય કરતી ગોલ્ડસિક્કાના સીઈઓ સી. તરુજના જણાવ્યા અનુસાર, લોકો આ ATMનો ઉપયોગ કરીને 0.5 ગ્રામથી લઈને 100 ગ્રામ સુધીના સોનાના સિક્કા ખરીદી શકે છે. આ ATM પર સોનાની કિંમત લાઈવ અપડેટ કરવામાં આવશે. ગોલ્ડ એટીએમ સેવા 24 કલાક ઉપલબ્ધ રહેશે.

આ પણ વાંચોઃ ભૂલથી તમારું ATM કાર્ડ બ્લોક થઇ ગયુ છે? તો આ રીતે કરો અનબ્લોક

કંપની 3 હજાર ગોલ્ડ એટીએમ ખોલશે

તરુજના જણાવ્યા અનુસાર, કંપની પેડ્ડાપલ્લી, વારંગલ અને કરીમનગરમાં પણ ગોલ્ડ એટીએમ ખોલવાની યોજના બનાવી રહી છે. કંપની આગામી 2 વર્ષમાં ભારતભરમાં લગભગ 3,000 ગોલ્ડ એટીએમ ખોલવાની યોજના ધરાવે છે.

આ પણ વાંચોઃચોરોએ અપનાવ્યો નવો જુગાડ, પોલીસ પણ માથું ખંજવાળવા લાગી

ગયા વર્ષે ગુરુગ્રામમાં દેશનું પહેલું 'ગ્રેન એટીએમ' સ્થપાયું

દેશનું પહેલું ગ્રીન એટીએમ ગયા વર્ષે હરિયાણાના ગુરુગ્રામમાં સ્થપાયું હતું. હરિયાણાના નાયબ મુખ્યમંત્રી અને ખોરાક-પુરવઠાનો હવાલો સંભાળતા દુષ્યંત ચૌટાલાએ કહ્યુ છે કે, અનાજના એટીએમની પણ સ્થાપના કરવાથી સરકારી દુકાનોમાંથી રાશન લેનારાઓને સંપૂર્ણ અને સમયસર અનાજ મળશે અને તમામ ફરિયાદો દૂર થઈ જશે. તેમણે કહ્યું હતું કે, આ મશીન ઇન્સ્ટોલ કરવાનો હેતુ "રાઈટ ક્વોન્ટિટી ટુ રાઈટ બેનિફિશ્યરી" છે. આનાથી માત્ર ગ્રાહકોને જ ફાયદો થશે નહીં, પરંતુ સરકારી ડેપોમાં અનાજની અછતની ઝંઝટનો પણ અંત આવશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર