ગો ફર્સ્ટની બેંગલુરુ-દિલ્હી ફ્લાઇટ મુસાફરોને લીધા વગર ઊડાન ભરી; DCGAએ રિપોર્ટ માગ્યો

નવી દિલ્હી. ગો ફર્સ્ટની બેંગલુરુ-દિલ્હી ફ્લાઇટ 50 મુસાફરોને લીધા વિના ઊડાન ભરી. આ 50 મુસાફરોએ ચેક ઇન અને બોર્ડિંગ વગેરેની તમામ ઔપચારિકતાઓ પૂર્ણ કરી હતી. તેમ છતાં GoFirst ફ્લાઇટ આ 50 મુસાફરો વિના બેંગલુરુથી દિલ્હી માટે ઉડાન ભરી હતી. ગો ફર્સ્ટ આ મામલે તેની આંતરિક તપાસ કરી રહી છે. આ ઘટના ગઈકાલે બની હતી. ગો ફર્સ્ટ આ તમામ 50 મુસાફરોને બેંગ્લોર એરપોર્ટ પર છોડીને અન્ય ફ્લાઇટમાં દિલ્હી મોકલ્યા હતા. ડિરેક્ટોરેટ જનરલ ઓફ સિવિલ એવિએશન (DGCA) એ આ સમગ્ર મામલે ગો ફર્સ્ટ પાસેથી રિપોર્ટ માંગ્યો છે. રિપોર્ટ બાદ DCGA ગો ફર્સ્ટ પર જરૂરી કાર્યવાહી કરી શકે છે

આ ઘટના બાદ ગુસ્સે ભરાયેલા મુસાફરો ટ્વિટર પર એરલાઈન્સ પાસેથી જવાબ માંગી રહ્યા છે. તેમાંથી ઘણા લોકોએ તેમની ટ્વિટમાં વડાપ્રધાન નરેન્દ્ર મોદીની ઓફિસ અને નાગરિક ઉડ્ડયન મંત્રી જ્યોતિરાદિત્ય સિંધિયાને પણ ટેગ કર્યા છે.

આ પણ વાંચોઃ ગુવાહાટીમાં ભારત-શ્રીલંકા વચ્ચે ટક્કર, બેવડી સદી ફટકારનાર ઈશાન કિશનને નહીં મળે તક

GoFirstએ હજુ સુધી આ ઘટના અંગે કોઈ નિવેદન જાહેર કર્યું નથી. બેંગલુરુ એરપોર્ટ પર ફસાયેલા મુસાફરોમાંથી એકે લખ્યું કે ફ્લાઈટ G8 116 (BLR – DEL) મુસાફરોને છોડીને ઊડાન ભરી! 1 બસમાં 50 થી વધુ મુસાફરોને એરપોર્ટ પર ઉતારવામાં આવ્યા હતા અને ફ્લાઇટ માત્ર 1 બસમાંથી મુસાફરો સાથે ઉપડી હતી. શું @GoFirstairways ઊંઘમાં કામ કરી રહી છે? શું કોઈ ચોક્કસ તપાસ થઈ રહી નથી?

Flight G8 116 (BLR - DEL) flew leaving passengers on ground! More than 50 passengers on 1 bus was left on ground & flight took off with just passengers of 1 bus on boarded. Is @GoFirstairways @JM_Scindia @PMOIndia
operating in sleep? No Basic checks. pic.twitter.com/QSPoCisIfc

— Satish Kumar (@Satishk98130718) January 9, 2023

મુસાફરોના આ બે ટ્વીટ્સનો જવાબ આપતા, GoFirst એરલાઈને મુસાફરોને તેમનો PNR, સંપર્ક નંબર અને ઈમેલ આઈડી આપવા કહ્યું, જેથી GoFirst એરલાઈનની ટીમ આ બાબતે તપાસ કરી શકે.



આ ઘટના એવા સમયે બની હતી જ્યારે ફ્લાઇટમાં મુસાફરો પાસેથી ખરાબ વર્તન કરવાના અનેક કિસ્સાઓ સતત સામે આવી રહ્યા છે. ઘણી એરલાઈન્સ આ મામલે તપાસનો સામનો કરી રહી છે. ફ્લાઇટમાં ગેરવર્તણૂકની અનેક ઘટનાઓ સામે આવી છે. જેમાં સહ-યાત્રીઓ પર દારૂ પીવા અને પેશાબ કરવાના બે કેસનો પણ સમાવેશ થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Flights, Go first, Passengers