પ્રેમી સાથે ભાગી રહેલી યુવતીનો માતાએ પીછો કરી પકડી લીધી, જાણો પછી શું થયું

પટના : બિહારની (bihar)રાજધાની પટનાને (patna)અડીને આવેલા દાનાપુરમાં પ્રેમની અજબ ગજબ કહાની (love story)સામે આવી છે. પ્રેમીપંખીડા લગ્ન કરવાના ઇરાદે ઘરેથી ભાગી રહ્યા હતા, ત્યારે જ યુવતીની માતાને આ વાતની જાણ થતા પીછો કર્યો અને થોડે દૂર જઈને બંનેને પકડી લીધા હતા. પ્રેમિકાની માતાએ જોર જોરથી બૂમો પાડવાનું શરૂ કર્યું, જેના કારણે સ્થળ પર ગામલોકોની ભીડ એકઠી થઈ ગઈ. આ બાબતની જાણ થતાં પ્રેમી યુગલને સ્થળ પર જ તેમની ઈચ્છા પૂછવામાં આવી, ત્યારબાદ બંનેએ જાહેરમાં લગ્ન કરવાની ઈચ્છા વ્યક્ત કરી. પછી ગામલોકોએ નજીકમાં આવેલા મંદિરમાં તેમના લગ્ન કરાવ્યા. આ પ્રસંગે યુવતીની માતા પણ લગ્નની સાક્ષી બની હતી. સમગ્ર વિસ્તારમાં આ લગ્નની ચર્ચા થઈ રહી છે.

આ લવસ્ટોરી ફિલ્મોથી અલગ છે. બોયફ્રેન્ડ અનિલ કુમાર અને ગર્લફ્રેન્ડ ઈન્દુ કુમારી એક સંબંધીના લગ્ન સમારંભમાં મળ્યા હતા. બંનેએ લગ્નના કાર્યક્રમમાં જ એકબીજા પ્રત્યે પ્રેમ થઈ ગયો હતો. બીજી તરફ બોયફ્રેન્ડ અને ગર્લફ્રેન્ડના પરિવારજનોને આ પસંદ ન હતું. તેઓ ઈચ્છતા ન હતા કે બંને લગ્ન કરે. આ પછી, લગ્ન કરવાના ઇરાદે અનિલ તેની પ્રેમિકાને પોતાની સાથે વિદેશ લઈ જવા માટેના પ્રયત્નો કરવા લાગ્યો. આ જોઈને યુવતીની માતા તેમની પાછળ ગઈ. ગર્લફ્રેન્ડની માતા તેમની પાછળ ગઈ હતી. ઈન્દુની માતાએ બંનેને પકડી લીધા અને બૂમો પાડવા લાગી. જેના કારણે ગ્રામજનો ત્યાં એકઠા થઈ ગયા હતા.

આ પણ વાંચો - પિતાએ 12 વર્ષ સુધી કર્યો બળાત્કાર, 21 વર્ષની યુવતીએ સંભળાવી દર્દ ભરી કહાની

ગ્રામજનો બન્યા જાનૈયા

ગ્રામજનોએ અનિલ અને ઈન્દુને પકડી લીધા હતા. આ બાબતની જાણ થયા બાદ તે બંને પાસેથી તેમની ઈચ્છા જાણી. અનિલ ઈન્દુએ લગ્ન કરવાની વાત કરી. બંનેની સંમતિ પછી ગામ લોકો બારાતી બન્યા હતા. તેમને ગામના મંદિરમાં લાવવામાં આવ્યા અને માતા દેવીની સાક્ષીમાં પરંપરાગત વિધિ દ્વારા લગ્ન કરવામાં આવ્યા હતા.

પ્રેમિકાની મા બની સાક્ષી

પ્રેમી અનિલે પ્રેમિકા ઈન્દુની માંગમાં સિંદૂર ભર્યું અને આ પ્રેમસંબંધ સાત જન્મના બંધનમાં બંધાઈ ગયો. લગ્ન બાદ બંનેને ગામલોકોએ ભારે ઉત્સાહ સાથે વિદાય આપી હતી. અજબ પ્યાર કી ગઝબ કહાની સમગ્ર વિસ્તારમાં ચર્ચાનો વિષય બની છે. પ્રેમી અનિલ અરવલ જિલ્લાના કાર્પી પોલીસ સ્ટેશન હેઠળના બેલખેડા ગામના રહેવાસી સત્યેન્દ્ર પંડિતનો પુત્ર છે. ગર્લફ્રેન્ડ ઈન્દુ પટના જિલ્લાના ખેરીમોડ પોલીસ સ્ટેશન વિસ્તારના કોડી હારા ગામના રહેવાસી યોગેન્દ્ર પંડિતની પુત્રી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bihar Crime, Bihar News