Home /News /national-international /

Geomagnetic Storm એલર્ટ: આજે ધરતી સાથે ટકરાશે સૂર્યમાંથી નીકળતું તોફાન, શું અંધારામાં ડૂબી જશે ધરતી?

Geomagnetic Storm એલર્ટ: આજે ધરતી સાથે ટકરાશે સૂર્યમાંથી નીકળતું તોફાન, શું અંધારામાં ડૂબી જશે ધરતી?

આજે ધરતી સાથે ટકરાશે સૂર્યમાંથી નીકળતું તોફાન

Geomagnetic Storm : ખતરનાક જીઓમેગ્નેટિક તોફાન (સૂર્ય તોફાન) 16,13520 કિલોમીટર પ્રતિ કલાકની ઝડપે પૃથ્વી તરફ આગળ વધી રહ્યું છે. આ વાવાઝોડું ઘાતક સાબિત થવાની સંભાવના છે. આ સંદર્ભમાં વિશ્વભરની તમામ એજન્સીઓને એલર્ટ કરી દેવામાં આવી છે.

    Geomagnetic Storm: ગુરુવારે એટલે કે આજે અવકાશમાં એવી ઘટના બનવા જઈ રહી છે, જેની અસર પૃથ્વી પર પડી શકે છે. રિપોર્ટ અનુસાર 14 એપ્રિલે એટલે કે આજે સૂર્યમાંથી નીકળતું જિયોમેગ્નેટિક વાવાઝોડું પૃથ્વી પર ત્રાટકવા જઈ રહ્યું છે, જેના કારણે પૃથ્વીના કેટલાક ભાગોમાં રેડિયો બ્લેકઆઉટ થઈ શકે છે. વૈજ્ઞાનિકોના મતે સૂર્ય પર ગતિવિધિ તેજ થઈ ગઈ છે, તેથી આ વાવાઝોડું ઘાતક સાબિત થવાની સંભાવના છે. આ સંદર્ભમાં વિશ્વભરની તમામ એજન્સીઓને એલર્ટ કરી દેવામાં આવી છે.

    ખતરનાક જીઓમેગ્નેટિક તોફાન 16,13520 કિલોમીટર પ્રતિ કલાકની ઝડપે પૃથ્વી તરફ આગળ વધી રહ્યું છે. છેલ્લા ઘણા દિવસોથી દુનિયાભરના સ્પેસ સાયન્ટિસ્ટ આ અંગે ચર્ચા કરી રહ્યા છે. વૈજ્ઞાનિકોના જણાવ્યા અનુસાર, મૃત સનસ્પોટ - AR2987, જે મહિનાઓથી નિષ્ક્રિય હતો, તે ફરી સામે આવ્યો છે. તે એક બોલના આકારમાં છે અને તેના સક્રિય થવાને કારણે વિશાળ માત્રામાં રેડિયેશન પૃથ્વી તરફ આવી રહ્યું છે, જે પૃથ્વીના મેગ્નેટોસ્ફિયરમાં ભારે વિક્ષેપ પેદા કરી શકે છે.

    આ ભાગોને અસર થઈ શકે છે

    એક રિપોર્ટ અનુસાર આ તોફાનની અસર 15 એપ્રિલ સુધી રહી શકે છે. નાસાએ પહેલાથી જ આગાહી કરી હતી કે, એક નાનું જીઓમેગ્નેટિક તોફાન પૃથ્વીના વાતાવરણમાં ત્રાટકી શકે છે, જે સંવેદનશીલ પાવર ગ્રીડને નુકસાન પહોંચાડી શકે છે. SpaceWeather.com અનુસાર, સૂર્યના કિરણોત્સર્ગના વાવાઝોડાને કારણે ઉત્તર ધ્રુવના વાતાવરણના ઉપરના ભાગમાં વધુ ઉત્તરીય પ્રકાશ સર્જાશે, જેની અસર પૃથ્વીના ઉત્તર ધ્રુવ ક્ષેત્રમાં સ્થિત ઉપગ્રહો અને પાવર ગ્રીડ પર પડી શકે છે. જેના કારણે આ વિસ્તારોમાં અંધારપટ છવાઈ જવાનો ભય છે.

    રિપોર્ટમાં જણાવવામાં આવ્યું છે કે, આ તોફાન બુધવારે બુધ ગ્રહ સાથે ટકરાયું હતું અને ત્યારબાદ તે પૃથ્વી તરફ આગળ વધી રહ્યું છે. સૂર્ય પર નજર રાખતા ખગોળશાસ્ત્રીઓ માને છે કે, સૂર્યની દૂર બાજુએ તીવ્ર ચુંબકત્વનો એક વિશાળ પ્રદેશ છે, સંભવતઃ એક જટિલ સનસ્પોટ ક્લસ્ટર છે. તે હવેથી એક અઠવાડિયા કરતાં ઓછા સમયમાં સૂર્યની પૂર્વ તરફ જશે.

    આ પણ વાંચોAmarnath Yatra 2022: કઈ રીતે શરૂ થઈ અમરનાથ યાત્રા? વાંચો તેની પાછળની પૌરાણિક કથા

    ભૂ-ચુંબકીય તોફાન શું છે?

    વૈજ્ઞાનિકોના મતે સૂર્યની સપાટી પર મોટા પ્રમાણમાં વિસ્ફોટ થાય છે. આ દરમિયાન, અત્યંત તેજસ્વી પ્રકાશ સાથે ઊર્જાનો વિશાળ જથ્થો પ્રકાશિત થાય છે, જેને ફ્લેર કહેવામાં આવે છે. આ એક અબજ ટન ચુંબકીય ઊર્જાની સમકક્ષ છે જે કેટલાક મિલિયન માઇલ પ્રતિ કલાકની ઝડપે છે, જેના કારણે સૂર્યની બાહ્ય સપાટીનો કેટલોક વિસ્તાર ખુલે છે અને આ છિદ્રમાંથી ઊર્જા બહાર આવવા લાગે છે અને તે એક આગના ગોળા જેવો દેખાય છે. જો આ ઉર્જા કેટલાય દિવસો સુધી સતત છોડવામાં આવે તો તેમાંથી ખૂબ જ નાના ન્યુક્લિયર કણો પણ બહાર આવે છે જે બ્રહ્માંડમાં ફેલાય છે, જેને જીઓમેગ્નેટિક સ્ટોર્મ નામ આપવામાં આવ્યું છે.
    Published by:kiran mehta
    First published:

    Tags: Earth, Earth પૃથ્વી, Science, Science News, Storm

    આગામી સમાચાર