Home /News /national-international /હેવાનિયત: પાકિસ્તાનમાં 8 વર્ષની હિંદુ બાળકી પર સામૂહિક બળાત્કાર, વિરોધ કરતા આંખો કાઢી દીધી

હેવાનિયત: પાકિસ્તાનમાં 8 વર્ષની હિંદુ બાળકી પર સામૂહિક બળાત્કાર, વિરોધ કરતા આંખો કાઢી દીધી

પાકિસ્તાન ગેંગરેપ

Gang Rape : પાકિસ્તાન (Pakistan) માં એક હિંદુ અધિકાર કાર્યકર્તાએ એક વીડિયો ક્લિપ ટ્વીટ કરી. ક્લિપમાં પીડિતાને સ્ટ્રેચર પર જોઈ શકાય છે જ્યાં તેના માતા-પિતા તેને હોસ્પિટલ પરિસરમાં લઈ જઈ રહ્યા હતા. વીડિયોમાં એક મહિલા પીડિતાના પરિવાર સાથે હોસ્પિટલ જતી પણ જોઈ શકાય છે

વધુ જુઓ ...
    ઈસ્લામાબાદ : પાકિસ્તાન (Pakistan) માં લઘુમતીઓ વિરુદ્ધ અપરાધ અટકવાનું નામ નથી લઈ રહ્યા. રવિવારે સિંધ પ્રાંતના ઉમરકોટ (Umarkot) વિસ્તારમાં આઠ વર્ષની એક હિન્દુ બાળકી પર ક્રૂરતાપૂર્વક સામૂહિક બળાત્કાર (Gangrape) ગુજારવામાં આવ્યો હતો અને તેની આંખો કાઢી લેવામાં આવી હતી. શંકાસ્પદોએ કથિત રીતે તેનો આખો ચહેરો ઉખાડી નાખ્યો હતો.

    આ ઘટના ત્યારે સામે આવી જ્યારે પાકિસ્તાનમાં એક હિંદુ અધિકાર કાર્યકર્તાએ એક વીડિયો ક્લિપ ટ્વીટ કરી. ક્લિપમાં પીડિતાને સ્ટ્રેચર પર જોઈ શકાય છે જ્યાં તેના માતા-પિતા તેને હોસ્પિટલ પરિસરમાં લઈ જઈ રહ્યા હતા. વીડિયોમાં એક મહિલા પીડિતાના પરિવાર સાથે હોસ્પિટલ જતી પણ જોઈ શકાય છે.

    મહિલાએ મીડિયાને જણાવ્યું કે, લોહી વહેવાનું બંધ નથી થયું, જેના કારણે બાળકીની હાલત ઘણી નાજુક બની ગઈ છે. તેણીએ વધુમાં ઉમેર્યું હતું કે, "પીડિતાને તેના ગુપ્તાંગમાંથી પુષ્કળ પ્રમાણમાં રક્તસ્ત્રાવ થતો હોવાથી, સ્થાનિક ઇમરજન્સી હોસ્પિટલના ડોકટરોએ તેણીને BIDS હોસ્પિટલમાં રીફર કરી છે, જ્યાં સ્ત્રીરોગચિકિત્સક તેની સ્થિતિની તપાસ કરશે." પીડિતાની સાથે રહેલી મહિલાએ મીડિયાને જણાવ્યું કે, પીડિતાને એન્ટિબાયોટિક્સની સખત જરૂર છે.



    મહિલાએ વધુમાં ઉમેર્યું હતું કે, "બળાત્કારીઓએ તેના આખા ચહેરામાં પણ નખુરિયા માર્યા છે અને તેની આંખો પણ કાપી નાખી છે, તેને માત્ર એક વાર જોઈને કોઈનું પણ હૃદય હચમચી શકે છે." તેમણે કહ્યું કે પાકિસ્તાનમાં ગરીબો માટે કોઈ સ્થાન નથી. તેમણે કહ્યું, 'આ બાળકીની હાલત જોઈ શકો છો, આ પહેલો કિસ્સો નથી, આવી હજારો ઘટનાઓ રોજ બને છે પરંતુ કોઈ કાર્યવાહી થતી નથી, પીડિતો ક્યાં જાય? સરકારે જવાબદાર બનવું પડશે.



    હિંદુ અધિકાર કાર્યકર્તા દ્વારા પોસ્ટ કરવામાં આવેલી અન્ય વિડિયો ક્લિપમાં પીડિતાની માતાએ ન્યૂઝ મીડિયાને જણાવ્યું હતું કે, "પીડિતા એક સ્થાનિક દુકાનમાં ગઈ હતી પરંતુ પાછી ફરી ન હતી." વીડિયોમાં મહિલાને તેની સ્થાનિક ભાષામાં વાત કરતી જોઈ શકાય છે.

    આ પણ વાંચો - પાકિસ્તાન પૂરનો જબરદસ્ત VIDEO: તાશના પત્તાની જેમ લક્ઝુરિયસ 'હનીમૂન હોટેલ' કડડડભૂસ થઈ

    બીજી બાજુ, સ્થાનિક અહેવાલો અનુસાર, "ઉમરકોટ પોલીસે પીડિતા ગુમ થયાના થોડા કલાકો બાદ તેને શોધી કાઢી હતી." પોલીસ તેને વિસ્તારની સિવિલ હોસ્પિટલમાં લઈ ગઈ હતી અને આ મામલે તપાસ હાથ ધરી હતી. અહેવાલો અનુસાર, આરોપીઓ હાલમાં ફરાર છે, પોલીસ તેમને પકડવાનો પ્રયાસ કરી રહી છે.
    Published by:kiran mehta
    First published:

    Tags: Pakistan news, પાકિસ્તાન

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन