PM મોદીએ BRICSની અનૌપચારિક બેઠકમાં 3 પડકારોનો કર્યો ઉલ્લેખ

ન્યૂઝ18 ગુજરાતી : જી-20 સમિટ દરમિયાન જાપાન, ભારત અને યૂએસની વચ્ચે ઓસાકામાં ત્રિપક્ષીય બેઠક ચાલી રહી છે. આ બેઠકનું નામ 'JAI' આપવામાં આવ્યું છે. તેનો અર્થ જાપાન, અમેરિકા અને ભારત થાય છે. આ બેઠકમાં પીએમ નરેન્દ્ર મોદી, અમેરિકાના રાષ્ટ્રપતિ ડોનાલ્ડ ટ્રમ્પ અને જાપાનના વડાપ્રધાન શિન્જો આબે ચર્ચા કરી રહ્યા છે. આ દરમિયાન ટ્રમ્પે પીએમ મોદીને પોતાના મિત્ર ગણાવ્યા. ટ્રમ્પે કહ્યું કે અમે સારા મિત્ર છીએ અને મળીને કામ કરી શકીએ છીએ.

બેઠકમાં ડોનાલ્ડ ટ્રમ્પે જાપાન અને ભારતના પીએમને ફરીથી જીતીને વડાપ્રધાન બનવા માટે અભિનંદન પાઠવ્યા. ટ્રમ્પે કહ્યું કે, શ્રી મોદી, આપની શાનદાર જીત પર શુભેચ્છા. મારે બંનેને અભિનંદન આપવા જોઈએ, કારણ કે શિન્જોની પણ શાનદાર જીત હતી. આપ આપના દેશોમાં ઘણા સારા કામ કરી રહ્યા છો.