Corona Update : કોરોનાના દર્દીઓથી ફરી ભરાવા લાગી હોસ્પિટલો, શાંઘાઇ બન્યુ હોટસ્પોટ, જાણો 10 અપડેટ્સ

વિશ્વમાં કોરોના વાયરસે (Coronavirus) ફરી જોર પકડ્યું છે. સ્કોટલેન્ડ અને વેલ્સમાં કોરોના ટોચ પર છે, જ્યારે ઈંગ્લેન્ડમાં કોવિડના કેસ રેકોર્ડ સ્તરની નજીક છે. ફ્રાન્સના સ્વાસ્થ્ય વિભાગે સોમવારે કહ્યું કે છેલ્લા 24 કલાકમાં કોરોનાને કારણે હોસ્પિટલમાં દાખલ લોકોની સંખ્યામાં ઝડપથી વધારો થયો છે. 1 ફેબ્રુઆરી પછી, રવિવારે સૌથી વધુ લોકોને ફ્રાન્સની હોસ્પિટલોમાં દાખલ કરવામાં આવ્યા હતા.

કોરોનાના ઓમિક્રોનનું BA-2 પ્રકાર ચીન અને યુરોપના ભાગોમાં ઝડપથી ફેલાઈ રહ્યું છે. જેમાં ફ્રાન્સ, ઇટાલી, જર્મની અને યુકેનો સમાવેશ થાય છે. સત્તાવાર આંકડાઓ અનુસાર, યુકેમાં ગયા અઠવાડિયે લગભગ 4.2 મિલિયન લોકોને ચેપ લાગ્યો હતો. જર્મનીમાં એક દિવસ પહેલા રેકોર્ડ 2,96,498 નવા કોરોના કેસ નોંધાયા હતા.જો કે, હવે હોંગકોંગમાં સ્થિતિ સુધરી રહી છે. ચીનનું શાંઘાઈ હાલમાં આ વેરિઅન્ટનું હોટસ્પોટ છે.

આ પણ વાંચો - Russia Ukraine War: યુક્રેન તેના પૂર્વીય વિસ્તારોને લઇને સમાધાન કરવા તૈયાર, રાષ્ટ્રપતિએ કરી જાહેરાત

વિશ્વમાં કોરોના વાયરસ રોગચાળાના 10 અપડેટ્સ

1. ઈટાલીની વાત કરીએ તો અહીં બે દિવસમાં 90 હજારથી વધુ દર્દીઓ મળી આવ્યા છે. સોમવારે અહીં ઓમિક્રોનના 30 હજારથી વધુ નવા કેસ જોવા મળ્યા હતા. આ પહેલા રવિવારે લગભગ 60 હજાર લોકો સંક્રમિત થયા હતા.

2. રોઇટર્સ અનુસાર, સોમવારે મુખ્ય શહેર શાંઘાઈમાં 4,400 થી વધુ કેસ મળી આવ્યા હતા. અહીં ફરી લોકડાઉન લાગુ કરવામાં આવ્યું છે. શાંઘાઈ સરકારે કેટલાક ઉત્પાદકોને બંધ લૂપ સિસ્ટમમાં કામ કરવાની મંજૂરી આપી છે.

3. સમગ્ર યુકેમાં ગયા અઠવાડિયે લગભગ 4.26 મિલિયન લોકોને ચેપ લાગ્યો હતો, જે જાન્યુઆરી 2022ના પ્રથમ સપ્તાહમાં જોવા મળેલા 4.3 મિલિયન પોઝિટિવ કેસ કરતાં થોડો ઓછો છે. નવા વર્ષની ઉજવણી પછી ઓમિક્રોનના હળવા લક્ષણોના પરિણામે અગાઉની લહેરોની તુલનામાં ઘણા ઓછા મૃત્યુ થયા હતા.

4. ભારતમાં કોવિડનો ગ્રાફ સતત નીચે જઈ રહ્યો છે. ગત વખતે હોળી પછી જ રોગચાળો ચરમસીમાએ પહોંચ્યો હતો, પરંતુ આ વખતે એવું બન્યું નથી. નિષ્ણાતો કહે છે કે ડેલ્ટા પછી ઓમિક્રોનના BA-1 અને BA-2 બંને પ્રકારો અહીં ફેલાઈ ગયા છે. પરંતુ આ વખતે રસીના કારણે સુપર ઇમ્યુનિટી છે અને આ વાયરસ અસર બતાવવામાં સક્ષમ નથી.

5. ઓમિક્રોન દક્ષિણ કોરિયામાં ફફડાટ ફેલાવી રહ્યો છે. સોમવારે અહીં  કોરોનાના 5 હજાર કેસ નોંધાયા તેમજ 10 લોકોના મોત થયા.

6. ફ્રેન્ચ આરોગ્ય અધિકારીઓએ સોમવારે જણાવ્યું હતું કે છેલ્લા 24 કલાકમાં કોવિડ માટે હોસ્પિટલમાં દાખલ દર્દીઓની સંખ્યા 467 થી વધીને 21,073 થઈ ગઈ છે. અહેવાલો અનુસાર, 1 ફેબ્રુઆરીથી ફ્રાન્સમાં કોવિડ -19 હોસ્પિટલમાં દાખલ થવામાં આ સૌથી વધુ દૈનિક વધારો છે.

7. સોમવારે ઇઝરાયેલના વડાપ્રધાન નફતાલી બેનેટ પણ કોવિડ પોઝીટીવ હોવાનું જાણવા મળ્યું હતું. હાલ તેઓ આઈસોલેશનમાં છે. નફતાલી 2 એપ્રિલે ભારત આવી રહ્યા છે.

8. દરમિયાન, યુએસએ ભારતીય પ્રવાસીઓ માટે કોવિડ-19 મુસાફરીના નિયમો હળવા કર્યા છે. યુએસ સેન્ટર્સ ફોર ડિસીઝ કંટ્રોલ એન્ડ પ્રિવેન્શન (CDC) એ સોમવારે ભારત માટે તેની કોવિડ-19 ટ્રાવેલ એડવાઈઝરીને લેવલ ત્રણ (ઉચ્ચ જોખમ) થી લેવલ 1 (ઓછા જોખમ) સુધી હળવી કરી.

9. હાલમાં સ્કોટિશ હોસ્પિટલોમાં 2,326 દર્દીઓ સારવાર લઈ રહ્યા છે, જે એક નવો રેકોર્ડ છે. ઈંગ્લેન્ડ અને વેલ્સમાં હોસ્પિટલમાં દાખલ લોકોની સંખ્યા પણ વધી રહી છે.

10. આ સમય દરમિયાન, કેટલાક દેશોમાં કોરોનાના કેસમાં ઘટાડો થયો છે. વર્લ્ડ હેલ્થ ઓર્ગેનાઈઝેશન (WHO) એ વિશ્વના ઘણા દેશોમાં કોરોનાના કેસોમાં વધારા અંગે કહ્યું છે કે તે મોટી મુશ્કેલીની માત્ર એક ઝલક છે. કોરોના રોગચાળો હજી સમાપ્ત થયો નથી અને તે મોસમી રોગ જેવો બન્યો નથી. આવી સ્થિતિમાં નવી લહેરનો ખતરો રહે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Coronavirus, Covid 19 cases, France, Germany