Facebok પર પણ થવા લાગી છેતરપિંડી, 10 કરોડના લાલચમાં ખોલી લિંક તો એકાઉન્ટ ખાલી, 2 કરોડ ઉડી ગયા

સાયબર ફ્રોડના કિસ્સાઓ વધારો જોવા મળી રહ્યો છે. મેસેજ, વોટ્સએપ કે ઈમેલ દ્વારા છેતરપિંડીના નવા કેસો સામે આવતા આપણે જોયા છે, પરંતુ હાલમાંજ એક મામલો સોશિયલ મીડિયા પ્લેટફોર્મ ફેસબુક સાથે સંબંધિત છે. ફેસબુક પર 10 કરોડ રૂપિયાની લાલચ આપીને એક સાયબર ક્રિમિનલ દ્વારા વેપારીના બેંક ખાતામાંથી બે કરોડ રૂપિયાની ચોરી કરવામાં આવી હતી.

તેલંગાણામાં, એક છેતરપિંડી કંપનીએ એક ઉદ્યોગપતિને રોકાણને બદલે જંગી વળતરની લાલચ આપી અને વેપારીને ક્રિપ્ટો ટ્રેડિંગ પોર્ટલમાં રોકાણ કરવા માટે લાવ્યા. વેપારીએ ક્રિપ્ટો ટ્રેડિંગ પોર્ટલમાં બે કરોડ રૂપિયાનું રોકાણ કર્યું હતું. બદલામાં ખાલી ખાતરી મળી. હવે વેપારી છેતરાયાનો અહેસાસ કરી રહ્યો છે. તેણે આ છેતરપિંડી સામે પોલીસમાં કેસ નોંધાવ્યો છે.

રાચકોંડા પોલીસ પાસેથી મળેલી માહિતી અનુસાર, 6 માર્ચથી 17 મે વચ્ચે એક બિઝનેસમેને ક્રિપ્ટો કરન્સીમાં 2 કરોડ રૂપિયાનું રોકાણ કર્યું હતું. બિઝનેસમેને ફેસબુક પર બિટકોઈન ટ્રેડિંગની જાહેરાત જોઈને આ રોકાણ કર્યું હતું. પોલીસે જણાવ્યું કે બિટકોઈન વેબસાઈટની લિંક બિઝનેસમેનના ફેસબુક પેજ પર આવી. જાહેરાતમાં રોકાણ દરમિયાન અપેક્ષા કરતાં વધુ વળતર આપવાનો દાવો કરવામાં આવ્યો હતો. જ્યારે વેપારીએ લિંક પર ક્લિક કર્યું, ત્યારે વેબસાઇટ પરથી નોંધણી માટેની લિંક મોકલવામાં આવી હતી. રજીસ્ટ્રેશન બાદ બિઝનેસમેને કંપનીની એપ ડાઉનલોડ કરી.

આ પણ વાંચો : મજૂર બન્યો અબજોપતિ! ખાતામાં 17 રૂપિયા હતા, અચાનક 100 કરોડ આવ્યા, પછી શુ થયુ જાણો...

નોંધણી પછી, વ્હોટ્સએપ ચેટ દરમિયાન, ઉદ્યોગપતિને કંપની તરફથી રોકાણની ટીપ્સ મળવા લાગી. કંપનીના નિર્દેશ પર, વેપારીએ 6 માર્ચથી 17 મે દરમિયાન યુએસડીટી 206 મિલિયનની કિંમતની ખરીદી કરી હતી અને તેની સાથે છેતરપિંડી કરવામાં આવી હતી.

વેપારીએ પોલીસને જણાવ્યું કે, તેણે રોકાણ માટે બેંકમાંથી લોન લીધી હતી, થોડા સમય પછી અંદાજે 2-2.5 કરોડ રૂપિયાનું રોકાણ કરીને 10 કરોડ રૂપિયાનો નફો થશે તેવી અપેક્ષા હતી. વેબસાઈટે પણ આવો જ દાવો કર્યો છે.

વેપારીની ફરિયાદના આધારે પોલીસે સાયબર ક્રાઈમ બ્રાન્ચે કેસ નોંધ્યો છે. પોલીસનું કહેવું છે કે, સમગ્ર મામલાની તપાસ કરવામાં આવી રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: CYBER CRIME, Facebook, Fraud gang