Footbridge Collapses: ઉદ્ઘાટન દરમિયાન જ બ્રિજ તૂટી પડ્યો, પત્નીની સાથે 'નેતાજી' પડ્યા ગટરમાં - video

Footbridge Collapses: દરેક, રાજ્ય, શહેરમાં કે ગામમાં પુલ અને રસ્તાઓના ઉદ્ઘાટન માટે કોઈ મોટા નેતા કે સેલિબ્રિટીને જ બોલાવવામાં આવે છે, તો મેક્સિકો ના એક શહેરમાં બનેલા બ્રિજના ઉદ્ઘાટન માટે શહેરના મેયર અને અન્ય અધિકારીઓને બોલાવવામાં આવ્યા હતા. બ્રિજના ઉદ્ઘાટન માટે શહેરના મેયર અને અન્ય અધિકારીઓ પહોંચ્યા હતા. જ્યારે તેઓ આ પુલ પર ચઢ્યા ત્યારે તે તૂટી ગયો હતો અને મેયર સહિત લગભગ 2 ડઝન લોકો ગટરમાં પડી ગયા હતા.

આ પુલ લાકડાના બોર્ડ્સ અને મેટલની સાંકળોથી બનેલો હતો

આ મામલો મેક્સિકોના કુઅર્નિવાકા શહેરનો છે. અહીં એક નદી પર ફૂટબ્રિજ બનાવવામાં આવ્યો હતો. આ પુલ લાકડાના બોર્ડ અને ધાતુની સાંકળોથી બનેલો હતો અને તેને ફરીથી બનાવવામાં આવ્યો હતો. વાસ્તવમાં, જ્યારે લોકો ઉદ્ઘાટન માટે આ પુલ પર ચઢ્યા ત્યારે તે તૂટી ગયો. આ પછી મેયર સહિત લગભગ 2 ડઝન લોકો નીચે નાળામાં પડી ગયા હતા.

જુઓ વિડિયો -

Cae alcalde de Cuernavaca, José Luis Urióstegui y su esposa durante la reinauguración del paso Rivereño en Amanalco, el puente colgante se rompió, también están lesionados regidores y la Síndico
Información: @Reportero1965 pic.twitter.com/x60I7b0GIB

— Nueve Morelos (@TelevisaMorelos) June 7, 2022

કાઉન્સિલના સભ્યો અને અધિકારીઓ 3 મીટર નીચે ગટરમાં પડ્યા હતા

પુલ તૂટી પડ્યા પછી, શહેર પરિષદના સભ્યો અને અન્ય સ્થાનિક અધિકારીઓ 3 મીટર ગટરમાં પડ્યા હતા. ગટરની નીચે પથ્થરો હતા અને લોકો આ પથ્થરો પર પડ્યા હતા. મેયર, તેમના પત્ની, કેટલાક અધિકારીઓ અને પત્રકારો ગટરમાં પડ્યા હતા. આ દરમિયાન ઘણા લોકોને ઈજા થઈ હતી, જેમને બાદમાં હોસ્પિટલમાં લઈ જવામાં આવ્યા હતા.

આ પણ વાંચો - અલ-કાયદાની ભારતને ધમકી, 'પયગંબરના અપમાનનો બદલો લઈશુ', ગુજરાત-દિલ્હી-મુંબઈ અને યુપીને બનાવશે નિશાન!

મીડિયા રિપોર્ટ્સમાં કહેવામાં આવ્યું છે કે ક્ષમતા કરતા વધુ લોકો પુલ પર ચઢવાને કારણે આ ઘટના બની છે. આ સમગ્ર ઘટનાનો વીડિયો હાલ સોશિયલ મીડિયા પર વાયરલ થઈ રહ્યો છે જેમાં ઘણા લોકો ગટરમાં પડતા જોવા મળી રહ્યા છે. વીડિયોમાં જોઈ શકાય છે કે લોકોના પડી ગયા બાદ તેમને બહાર કાઢવાનું કામ ચાલી રહ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ajab Gajab, Ajab gajab news, Mexico, Rest of The world News, World news, World News in gujarati