Home /News /national-international /

ભાજપના 36 મંત્રી હારી ગયા ચૂંટણી, MP-રાજસ્થાનમાં સૌથી ખરાબ દશા

ભાજપના 36 મંત્રી હારી ગયા ચૂંટણી, MP-રાજસ્થાનમાં સૌથી ખરાબ દશા

વડાપ્રધાન નરેન્દ્ર મોદી ભાજપના નેતાઓ સાથે (ફાઇલ ફોટો)

મધ્ય પ્રદેશમાં ભાજપે ભલે 109 સન્માનજનક સીટ મેળવી છે, પરંતુ અહીં તેના 13 દિગ્ગજોએ પોતાની સીટ ગુમાવવી પડી

    નારિસ હુસૈન

    મધ્ય પ્રદેશના પરિણામોની ઉત્સુક્તાની વચ્ચે તમામ પાંચ રાજ્યોમાં વિધાનસભા ચૂંટણીમાં તસવીર સ્પષ્ટ થઈ ચૂકી છે. છત્તીસગઢમાં કોંગ્રેસને બહુમત મળ્યું છે, તો બે રાજ્યોમાં એક અને બે સીટથી બહુમતથી દૂર છે. જોકે આ ચૂંટણીમાં ભાજપ માટે એક ખરાબ સમાચાર પણ છે કે તેના ત્રણેય રાજ્યોમાં તેના 36 મંત્રીઓની હાર થઈ છે. સૌથી વુધ મંત્રી રાજસ્થાન અને મધ્ય પ્રદેશમાં હાર્યા છે.

    મધ્ય પ્રદેશમાં જ્યાં ભાજપે 109 સન્માનજનક સીટ મેળવી છે, બીજી તરફ 13 દિગ્ગજોએ પોતાની સીટ ગુમાવવી પડી છે. આ તમામ 13 દિગ્ગજ શિવરાજ સરકારમાં મંત્રી હતા. નરોત્તમ મિશ્રા, જયભાનસિંહ પવૈયા, રામપાલસિંહ, દીપક જોશી અને શરદ જૈન વગેરે મંત્રીઓને હારનો સામનો કરવો પડ્યો છે.

    રાજસ્થાનમાં સત્તા ગુમાવ્યા બાદ ભાજપને બીજો ઝટકો તેના 15 મંત્રીઓએ આપ્યો છે. આ તમામ 15 મંત્રી પોતપોતાની સીટથી ચૂંટણી હારી ગયા છે. તેમાં રાજસ્થાનના પરિવહન મંત્રી રહેલા યુનૂસ ખાનને ટોંકથી સચિન પાયલટની સામે હારનો સ્વીકાર કરવો પડ્યો છે. ગૌ પાલન મંત્રી ઓટારામ પણ ચૂંટણી હારી ગયા.

    આ પણ વાંચો, છત્તીસગઢમાં કોંગ્રેસ માટે કેવી રીતે મદદરૂપ સાબિત થયા અજીત જોગી

    આ ઉપરાંત ભાજપના પૂર્વ પ્રદેશ અધ્યક્ષ અશોક પરનામી, સામાજિક ન્યાય અને અધિકારિતા મંત્રી અરુણ ચતુર્વેદી, કૃષિ મંત્રી પ્રભુલાલ સૈની, ઉદ્યોગ મંત્રી રામપાલસિંહ શેખાવત, ખાણ મંત્રી સુરેન્દ્ર પાલ, સિંચાઈ મંત્રી ડો. રામપ્રતાપ, વન મંત્રી ગજેન્દ્રસિંહ ખીંવસર, ચિકિત્સા રાજ્યમંત્રી બંશીધર, સ્વાયત્ત શાસન મંત્રી શ્રીચંદ કૃપલાની, ખાદ્ય મંત્રી બાબૂલાલ વર્મા, રાજસ્વ મંત્રી અમરારામ, જનજાતિ ક્ષેત્રીય વિકાસ રાજ્યમંત્રી કમસા મેઘવાલ અને પર્યટન મંત્રી કૃષ્ણેન્દ્ર કૌર દીપા વગેરે ચૂંટણી હારી ગયા છે.

    જો છત્તીસગઢની વાત કરીએ તો બૃજમોહન અગ્રવાલ, કેદાર કશ્યપ, મહેશ ગગડા, દયાલદાસ બઘેલ, અમન અગ્રવાલ જેવા દિગ્ગ્જ ચૂંટણી હારી ગયા છે.
    Published by:Mrunal Bhojak
    First published:

    Tags: Assembly elections 2018, Chhattisgarh, Madhya pradesh, ભાજપ, રાજસ્થાન

    આગામી સમાચાર