Home /News /national-international /

First Time in India કેજરીવાલ સરકાર દિલ્હીના લોકો માટે લાવી રહી છે E-Health Card, જાણો તેની ખાસિયતો

First Time in India કેજરીવાલ સરકાર દિલ્હીના લોકો માટે લાવી રહી છે E-Health Card, જાણો તેની ખાસિયતો

First Time in India Kejriwal government is bringing E-Health Card

E-Health Card in Delhi: દિલ્હી સરકાર (Delhi Government) દિલ્હીના લોકો માટે ઈ-હેલ્થ કાર્ડ સ્કીમ લાવી રહી છે, જેના માટે અધિકારીઓને તૈયારી કરવાની સૂચના આપવામાં આવી છે. આ યોજના માર્ચ 2023 થી શરૂ થવાની ધારણા છે. આખા દેશમાં આ પ્રકારના પ્રથમ ઈ-હેલ્થ કાર્ડ હશે, જેમાં દર્દીની તમામ તબીબી માહિતી ક્લાઉડ પર ઉપલબ્ધ હશે.

વધુ જુઓ ...
    દિલ્હીની અરવિંદ કેજરીવાલ સરકાર (AAP Government Delhi) રાજધાનીની આરોગ્ય સેવાઓ (Medical Facilities) ને વિશ્વ કક્ષાની બનાવવા માટે આવતા વર્ષ સુધીમાં દરેક દિલ્હીવાસીઓને ઈ-હેલ્થ કાર્ડ (E-Health Card) આપશે. મુખ્યમંત્રી અરવિંદ કેજરીવાલે (CM Arvind Kejriwal) દિલ્હીની હેલ્થ ઈન્ફોર્મેશન મેનેજમેન્ટ સિસ્ટમ (HIMS) ની પ્રગતિનું મૂલ્યાંકન કરવા માટે ઉચ્ચ સ્તરીય સમીક્ષા બેઠક યોજી હતી. સીએમએ સંબંધિત વિભાગોને HIMS સિસ્ટમના અમલીકરણના ઓછામાં ઓછા 3 મહિના પહેલા દિલ્હીના લોકોને ઈ-હેલ્થ કાર્ડ આપવાનો નિર્દેશ આપ્યો હતો. આ સિસ્ટમ માર્ચ 2023 થી લાગુ થવાની અપેક્ષા છે.

    હેલ્થ ઇન્ફોર્મેશન મેનેજમેન્ટ સિસ્ટમનો ઉદ્દેશ્ય આરોગ્ય વ્યવસ્થાપનને વિશ્વ કક્ષાનું બનાવવાનો છે, આવી યોજના ભારતમાં ક્યારેય રજૂ કરવામાં આવી નથી. આખા દેશમાં આ પ્રકારના પ્રથમ ઈ-હેલ્થ કાર્ડ હશે, જેમાં દર્દીની તમામ તબીબી માહિતી ક્લાઉડ પર ઉપલબ્ધ હશે.

    આ પણ વાંચો:  Kerala Silver Line K Rail Project સામે લોકોનો ગુસ્સો વધ્યો, બે દિવસ પહેલા જ PM મોદીને મળ્યા હતા CM વિજયન

     હોસ્પિટલની લાંબી કતારોમાંથી મળશે છુટકારો


    હેલ્થ ઈન્ફોર્મેશન મેનેજમેન્ટ સિસ્ટમ (HIMS) લાગુ થયા બાદ લોકોને હોસ્પિટલોની લાંબી કતારોમાંથી મુક્તિ મળશે. લોકો ઓનલાઈન પોર્ટલનો ઉપયોગ કરીને તેમના ઘરેથી આરામથી ડૉક્ટર સાથે એપોઈન્ટમેન્ટ લઈ શકશે, ત્યારબાદ તેઓ નિયત સમયે હોસ્પિટલની મુલાકાત લઈ શકશે અને ડૉક્ટરની સલાહ લઈ શકશે. આનાથી તેમનો સમય પણ બચશે અને ડૉક્ટરની મુલાકાત લેવી ખૂબ અનુકૂળ રહેશે.

    કાર્ડ બનાવવા માટે સરકાર સર્વે કરશે


    દિલ્હીની અરવિંદ કેજરીવાલ સરકારની એવી યોજના છે કે લોકોને હેલ્થ કાર્ડ મેળવવા માટે હોસ્પિટલ કે ઓફિસના ચક્કર ન મારવા પડે. લોકોને આ સમસ્યામાંથી મુક્ત કરવા માટે સરકાર સમગ્ર દિલ્હીમાં સર્વે કરશે, જેથી દરેકનું હેલ્થ કાર્ડ બની શકે. હોસ્પિટલ અને અન્ય નિયુક્ત સ્થળોએ પણ હેલ્થ કાર્ડ બનાવવામાં આવશે.ડોર ટુ ડોર વેરિફિકેશન બાદ હેલ્થ કાર્ડનું વિતરણ કરવામાં આવશે.

    હેલ્થ કાર્ડમાં વ્યક્તિનો સંપૂર્ણ મેડિકલ હિસ્ટ્રી હશે અને કાર્ડની મદદથી તે HIMS સાથે જોડાયેલ કોઈપણ હોસ્પિટલમાં સારવાર કરાવી શકશે, હેલ્થ કાર્ડ જનરેટ થયા બાદ તેને મેડિકલ રિપોર્ટ સાથે રાખવાની જરૂર રહેશે નહીં. .

    ઈ-હેલ્થ કાર્ડ યોજના સરકારી હોસ્પિટલોમાં લાગુ કરવામાં આવશે


    દિલ્હી સરકાર આ યોજનાને દિલ્હીની તમામ સરકારી હોસ્પિટલોમાં વહેલી તકે લાગુ કરશે, ત્યારબાદ ખાનગી હોસ્પિટલોને પણ તબક્કાવાર તેની સાથે જોડવામાં આવશે. હોસ્પિટલ એડમિનિસ્ટ્રેશન, બજેટિંગ અને પ્લાનિંગ, સપ્લાય ચેઇન મેનેજમેન્ટ, બેક એન્ડ સર્વિસ અને પ્રક્રિયાઓ જેવી તમામ દર્દી સંભાળ સંબંધિત સેવાઓને આ સિસ્ટમ હેઠળ લાવવામાં આવશે, આ સિસ્ટમ દ્વારા હેલ્થ કાર્ડ જારી કરવામાં આવશે અને ઉપયોગ માટે ઑનલાઇન ઉપલબ્ધ થશે.

    આ પણ વાંચો:  Corona Vaccine Certificate પર ફરીથી લાગશે PM મોદીનો ફોટો, જાણો શું છે કારણ ?

    આ કાર્ડ સ્કીમ લાગુ થવાથી દિલ્હીના લોકો એક જ છત નીચે તમામ માહિતી મેળવી શકશે અને ઈમરજન્સીની સ્થિતિમાં તેમને તાત્કાલિક મદદ મળશે. તેના અમલીકરણ પછી, દિલ્હી દેશનું એકમાત્ર રાજ્ય બનશે જ્યાં ક્લાઉડ આધારિત આરોગ્ય વ્યવસ્થાપન સિસ્ટમ હશે. હાલમાં આવી સિસ્ટમ સ્વીડન, યુગાન્ડા અને જર્મની જેવા કેટલાક વિકસિત દેશોમાં ઉપલબ્ધ છે.
    Published by:Rahul Vegda
    First published:

    Tags: Aaam Aadmi Party, AAP Party, Aarvind kejriwal, દિલ્હી

    विज्ञापन

    विज्ञापन

    આગામી સમાચાર

    विज्ञापन
    विज्ञापन