ઇરાન જઇને આવેલા ભારતીય સેનાનાં જવાનને Coronavirus, બહેન-પત્નીને પણ કર્યા આઇસોલેટ

  • Share this:
    નવી દિલ્હી : દેશભરમાં વધતા કોરોના વાયરસનાં કેર વચ્ચે ભારતીય સેનાનાં (Indian Army) જવાનમાં પણ કોવિડ 19ની (Covid 19) પુષ્ટિ કરવામાં આવી છે. મળતી માહિતી પ્રમાણે, આ જવાને ઇરાનની યાત્રા કરી હતી. લદ્દાખ સ્કાઉટનાં જવાનમાં જ્યારે કોરોના વાયરસના (Coronavirus) લક્ષણ દેખાયા બાદ તેની મેડિકલ તપાસ કરવામાં આવી. આ જવાનને જે હૉસ્પિટલ મોકલવામાં આવ્યો છે ત્યાંજ તેમની બહેન અને પત્નીને પણ આઇસોલેટ કરી દીધા છે.

    સેનાનાં સૂત્રોએ બુધવારે કહ્યું કે, લેહમાં એક 34 વર્ષનાં સૈનિકનો પોઝિટીવ કેસ આવ્યો છે. સશસ્ત્ર દળોમાં આ પહેલો કેસ છે. લેહનાં ચુહોટ ગામનો રહેવાસી આ જવાન તેમના પિતાનાં સંપર્કમાં આવ્યો હતા. તેમના પિતાને પહેલાથી કોરોનાથી સંક્રમિત હતા. તેમના પિતા 20મી ફેબ્રુઆરીનાં રોજ એર ઇન્ડિયાની ફ્લાઇટમાં ઇરાનથી તિર્થયાત્રા કરીને પરત આવ્યાં હતા. અને 29 ફેબ્રુઆરીનાં રોજથી તેઓ આઇશોલેશનમાં છે.

    આ જવાન 25મી ફેબ્રુઆરીથી 2 માર્ચ સુધી રજા પર હતો અને જે બાદ તે નોકરી પર પરત આવ્યો. સૂત્રોએ જણાવ્યું કે, 16 માર્ચનાં રોજ તેમનો ટેસ્ટ પોઝિટીવ આવ્યો. જે બાદ તેમને હૉસ્પિટલમાં આઇસોલેટ કરવામાં આવ્યાં. તેમની બહેન, પત્ની અને બે બાળકો પણ હૉસ્પિટલમાં જ છે.

    આ પણ વાંચો : કુઆલાલમ્પુર એરપોર્ટ પર ફસાયા 300 ભારતીય, ભારત લાવવા સરકારે મોકલી ફ્લાઇટ

    ભારતમાં કોરોના વાયરસને કારણે એક 53 વર્ષીય પુરુષનું મોત થયું છે. આની સાથે જ દેશમાં આ બીમારીને કારણે મૃત્યુઆંક વધીને ત્રણ થયો છે. તેમજ કોરોનાના પોઝિટિવ કેસોની સંખ્યા પણ વધીને 137એ પહોંચી ગયો છે.

    આ વીડિયો પણ જુઓ : 
    Published by:Kaushal Pancholi
    First published: