VIDEO: હોટેલમાં ભીષણ આગ, 1નું મોત અને 2 ઘાયલ, અન્ય 22 લોકોને હોસ્પિટલમાં દાખલ

મુંબઈઃ મુંબઈના ઘાટકોપર વિસ્તારમાં શનિવારે લાગેલી આગમાં એક વ્યક્તિનું મોત નીપજ્યું છે, જ્યારે 2 ઘાયલ છે, જેમને રાજાવાડી હોસ્પિટલમાં સારવાર માટે દાખલ કરવામાં આવ્યા છે. દરમિયાન, શ્વાસની તકલીફને કારણે પારેખ હોસ્પિટલમાં દાખલ કરાયેલા 22 લોકોને હવે બીજી હોસ્પિટલમાં ખસેડવામાં આવ્યા છે. જણાવવામાં આવી રહ્યું છે કે આગ વિશ્વાસ બિલ્ડીંગમાં જુનો પિઝા હોટેલના મીટર રૂમમાંથી ફેલાઈ હતી.

ફાયર બ્રિગેડના જણાવ્યા અનુસાર આગ પર કાબૂ મેળવી લેવામાં આવ્યો છે અને કૂલિંગનું કામ ચાલી રહ્યું છે. તેમણે કહ્યું કે આગ મીટર રૂમમાં જ શરૂ થઈ હતી અને બિલ્ડિંગમાં જ એક હોસ્પિટલ છે, ત્યાં ધુમાડો પહોંચી રહ્યો છે, ત્યારબાદ ત્યાંના દર્દીઓને બીજી જગ્યાએ ખસેડવામાં આવ્યા હતા. અગાઉ, મુંબઈ ફાયર બ્રિગેડે જણાવ્યું હતું કે મુંબઈના ઘાટકોપરમાં પારેખ હોસ્પિટલ પાસે આગ લાગી હતી અને આઠ ફાયર ટેન્ડર ઘટના સ્થળે પહોંચી ગયા છે. આગ લાગવાનું કારણ હજુ જાણવા મળ્યું નથી.

આ પણ વાંચોઃ બિલકીસ બાનો કેસ: 11 દોષિતોને મુક્ત કરવાની રિવ્યૂ પીટીશન સુપ્રીમ કોર્ટે ફગાવી દીધી

#WATCH | Maharashtra: Fire breaks out near Parekh Hospital in Mumbai's Ghatkopar. Eight fire tenders have reached the spot. Further details awaited: Mumbai Fire Brigade pic.twitter.com/iiKUAIGEAh

— ANI (@ANI) December 17, 2022

મધ્ય મુંબઈમાં 61 માળની ઈમારતમાં આગ લાગવાના બે દિવસ બાદ આ ઘટના પ્રકાશમાં આવી છે. 15 ડિસેમ્બરે સવારે 11.45 વાગ્યે કરી રોડ વિસ્તારમાં આવેલી 'વન અવિઘ્ના પાર્ક' બિલ્ડિંગના 22મા માળેથી લાગેલી આગ બપોરે 1.50 વાગ્યે કાબૂમાં આવી હતી. આગ બુઝાવવા દરમિયાન બે ફાયર ફાઈટરોને થોડી ઈજા થઈ હતી.

આ પણ વાંચો: પ્રમુખ સ્વામી શતાબ્દી મહોત્સવમાં વિક્ટોરીયા લીલીના છોડ બન્યા આકર્ષણનું કેન્દ્ર

ચીફ ફાયર ઓફિસર સંજય માંજરેકરે જણાવ્યું કે જે ફ્લેટમાં આગ લાગી હતી તેની અંદર કોઈ નહોતું. તેમણે કહ્યું કે આગના કારણની તપાસ કરવામાં આવી રહી છે. અગ્નિશામક રામદાસ શિવરામ સણસ (37) અને મહેશ રવિન્દ્ર પાટીલ (26)ને સામાન્ય ઈજાઓ થઈ હતી અને તેમને નાગરિક સંચાલિત KEM હોસ્પિટલમાં લઈ જવામાં આવ્યા હતા. બંનેને સારવાર બાદ રજા આપવામાં આવી હતી.

ગયા વર્ષે ઓક્ટોબરમાં આ જ રહેણાંક બિલ્ડિંગના 19મા માળે ભીષણ આગ લાગી હતી. અન્ય લોકોને બચાવવાનો પ્રયાસ કરી રહેલા 30 વર્ષીય સુરક્ષા ગાર્ડનું અકસ્માતમાં મોત થયું હતું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Fire News, Mumbai fire