North Korea weapon Test: વધુ એક યુદ્ધની આશંકા?, નોર્થ કોરિયાએ સાઉથ કોરીયા પર રોકેટ લોન્ચર દાગ્યા

રશિયા અને યુક્રેનમાં ચાલી રહેલા યુદ્ધ (Russia-Ukraine War) વચ્ચે વધુ એક સૈન્ય સંઘર્ષનો ભય ઘેરો બનવા લાગ્યો છે. ખરેખરમાં ઉત્તર કોરિયા (North Korea)ના સરમુખત્યાર કિમ જોંગ ઉન (Kim Jong Un)ના વલણને કારણે આ ચિંતા વધવા લાગી છે. ઉત્તર કોરિયા શસ્ત્રોની દોડમાં ઝડપી પરીક્ષણો કરી રહ્યું છે. તાજેતરના અહેવાલો અનુસાર દક્ષિણ કોરિયા (South Korea)ની સૈન્યએ દાવો કર્યો છે કે ઉત્તર કોરિયાએ ગોળીબાર કર્યો હતો. તાજેતરની મિસાઇલ પ્રક્ષેપણ નિષ્ફળ થયાના દિવસો પછી રવિવારે ઘણા ટૂંકા અંતરના રોકેટ લોન્ચર દાગવામાં આવ્યા હતા.

એવી અટકળો છે કે ઉત્તર કોરિયા ટૂંક સમયમાં તેની સૌથી લાંબી રેન્જની બેલેસ્ટિક મિસાઇલ લોન્ચ કરશે. તેના શસ્ત્રોના શસ્ત્રાગારને મજબૂત કરવા અને યુએસ પાસેથી છૂટછાટ મેળવવા માટે યુએસ પર દબાણ કરવાનો પ્રયાસ કરી શકે છે.

આ પહેલા બુધવારે દક્ષિણ કોરિયાએ કહ્યું હતું કે ઉત્તર કોરિયાના હવાઈ મિસાઈલ વિસ્ફોટમાં ઉત્તર કોરિયાનું સૌથી મોટું હથિયાર એવા હવાસોંગ-17 મિસાઈલના કેટલાક ભાગો સામેલ હતા. હવે રવિવારે દક્ષિણ કોરિયાના સંરક્ષણ મંત્રાલયે કહ્યું કે તેમને જાણવા મળ્યું છે કે ઉત્તર કોરિયાએ પશ્ચિમ કિનારેથી અનેક રોકેટ લોન્ચ કર્યા છે. દક્ષિણ કોરિયાના સંરક્ષણ મંત્રાલયે કહ્યું કે અમારી સેના ઉત્તર કોરિયાના દરેક પગલા પર નજર રાખી રહી છે.

આ પણ વાંચો- Russia-Ukraine war: ઘાતક મિસાઈલ Kinzhal થી યુક્રેનના ઓઈલ સ્ટોરેજને નષ્ટ કરવાનો દાવો

દક્ષિણ કોરિયાના સૈન્ય વડાએ એક નિવેદનમાં કહ્યું કે, આજે સવારે ઉત્તર કોરિયામાં ગોળીબાર થયો હતો જેમાં અનેક રોકેટ લોન્ચર છોડવામાં આવ્યા હતા. અમારી સેના સંબંધિત પરિસ્થિતિ પર નજર રાખી રહી હતી અને કોઈપણ પરિસ્થિતિ માટે તૈયાર હતી. ન્યૂઝ એજન્સી યોનહાપ અનુસાર ઉત્તર કોરિયાની સેનાએ સવારે લગભગ 7.20 વાગ્યે લગભગ એક કલાક સુધી દક્ષિણ પ્યોંગન પ્રાંતમાં એક અજ્ઞાત સ્થળે પશ્ચિમ કિનારે 4 વખત ગોળીબાર કર્યા હતો.

આ પણ વાંચો- Coronavirus: WHOએ ફરી કોરોના પર ચેતવણી આપી, કહ્યું- ખોટી માહિતીના કારણે કેસ વધી રહ્યા છે

દક્ષિણ કોરિયાની રાષ્ટ્રીય સુરક્ષા પરિષદે આ પ્રક્ષેપણો અંગે આપાત ઉપ-મંત્રાલયની બેઠક યોજી હતી. નિવેદનમાં કહેવામાં આવ્યું છે કે દક્ષિણ કોરિયા તેના સહયોગી અમેરિકા સાથે સૈન્ય શક્તિ અને સહયોગના મોરચે કામ કરી રહ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Kim Jong UN, North korea, Russia and Ukraine War, South korea, Ukraine Russia War