જૈશના હેડક્વાર્ટર પર સરકારે કર્યો કબજો, કહ્યું - 'આતંક માટે નહી ઉપયોગ થાય પાકની ધરતી'

પાકિસ્તાનના વિદેશમંત્રી સાહ મહેમૂદ કુરેશીએ શનિવારે કહ્યું કે, પાકિસ્તાન પોતાની જમીન પર ભારત સહિત કોઈ પણ દેશ વિરુદ્ધ આતંકવાદ માટે ઉપયોગ નહી થવા દે. તેમણે દાવો કર્યો કે, જૈશ-એ-મોહમ્મદ આતંકી સમૂહના નર્વ સેન્ટરને સરકારે પોતાના કબજામાં લઈ લીધુ છે.

ભારતે બુધવારે પાકિસ્તાનને એક ડોઝિયર સોપ્યું હતું. આ ડોઝિયરમાં પુલવામા હુમલામાં જૈશ-એ-મોહમ્મદનો હાથ અને પાકિસ્તાનમાં જૈશના ટેરર કેમ્પોની શિબિર હોવાની સ્પેસિફિક ડિટેલ્સ હતી. જૈશ-એ-મોહમ્મદને સંયુક્ત રાષ્ટ્ર સંઘે પણ આતંકી સમૂહ માન્યું છે.

કુરેશીનું કહેવું છે કે, ભારતે પોતાનું ડોઝિયર સોપ્યું. જો ભારત આ મુદ્દે વાત કરવા માંગે છે તો, તેના માટે અમે તૈયાર છીએ. દેશમાં નવા વિચારોવાળી નવી સરકાર છે અને તેની નીતિઓ બિલકુલ સ્પષ્ટ છે.

કુરેશીએ આ નિવેદન એવા સમયે આપ્યું, જ્યારે પુલવામામાં 14 ફેબ્રુઆરીએ થયેલા આત્મઘાતી હુમલામાં સીઆરપીએફના 40 જવાન શહીદ થયા છે. હુમલાની જવાબદારી આતંકવાદી સંગઠન જૈશ-એ-મોહમ્મદે લીધી હતી.

કુરેશીનું કહેવું છે કે, આ મુદ્દે હજુ પણ ભ્રમ છે કે, જૈશે હુમલાની જવાબદારી લીધી છે કે નથી લીધી. તેમણે કહ્યું કે, ભ્રમ એ છે કે, જ્યારે જૈશ નેતૃત્વ સાથે વાતચીત કરવામાં આવી તો,તેમણે હુમલામાં પોતાનો હાથ હોવાની ના પાડી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Against, Says, Terrorists, Use, પાકિસ્તાન, ભારત