હદ વટાવી: પત્નીથી છૂટાછેડા લેવા માટે પતિએ HIV સંક્રમિત ઈંજેક્શન લગાવી દીધું, ધોડા ડોક્ટરે કરી મદદ

વિજયવાડા. કોઈ અન્ય મહિલા સાથે અનૈતિક સંબંધ રાખવા માટે વ્યક્તિએ પોતાની પત્ની સાથે છૂટાછેડા લેવા માટે એવું પગલું ભર્યું છે, જેનાથી પતિ-પત્નીના પવિત્ર સંબંધ પરથી વિશ્વાસ ઉઠી જાય. લગ્નેતર સંબંધોના જનૂનથી અંધ બનેલો આંધ્રપ્રદેશના આ વ્યક્તિ તેની ગર્ભવતી પત્ની પાસેથી છૂટાછેડા માંગતો હતો. આ માટે મહિલાને HIV વાયરસથી સંક્રમિત લોહીનું ઇન્જેક્શન આપી દીધું. એવું કહેવામાં આવ્યું હતું કે તેણે આંધ્ર પ્રદેશના વિજયવાડામાં કથિત રીતે તેની પત્નીને એચઆઇવી સંક્રમિત લોહીનું ઇન્જેક્શન આપ્યું હતું.

જ્યારે પત્નીએ ફરિયાદ નોંધાવી, ત્યારે તાડેપલ્લી પોલીસે શુક્રવારે આરોપી એમ. ચરણ (40 વર્ષ)ની ધરપકડ કરી. ધરપકડ કરાયેલા ચારણે ડોક્ટરની મદદ લીધી અને તેની પત્નીને એચઆઈવી સંક્રમિત લોહીનું ઈન્જેક્શન આપ્યું. પીડિત મહિલાએ પોલીસને જણાવ્યું કે ચરણ તેને છૂટાછેડા આપવા માટે કોઈ 'વાજબી' બહાનું શોધી રહ્યો હતો. ચરણ તેણીને એચ.આય.વી સંક્રમિત લોહીનું ઇન્જેક્શન આપવાની યોજના સાથે ડૉક્ટર પાસે લઈ ગયો. મહિલાએ કહ્યું કે તેને કહેવામાં આવ્યું હતું કે ગર્ભાવસ્થા દરમિયાન સારું સ્વાસ્થ્ય સુનિશ્ચિત કરવા માટે ઈન્જેક્શન આપવામાં આવ્યું હતું.

આ પણ વાંચોઃ દુશ્મનોના ભુક્કા બોલાવી દેનારા 1971ની લડાઈના હીરો ભૈરોસિંહનું નિધન

ન્યૂઝ એજન્સી IANS અનુસાર, પોતાની ફરિયાદમાં મહિલાએ કહ્યું કે બાદમાં એક હોસ્પિટલમાં સ્વાસ્થ્ય તપાસ દરમિયાન તેને ખબર પડી કે તે HIV પોઝિટિવ છે. તેણીએ એવો પણ આક્ષેપ કર્યો હતો કે તેનો પતિ દહેજ માટે તેણીને ત્રાસ આપી રહ્યો હતો અને તે એક છોકરાને જન્મ આપવાનો આગ્રહ પણ કરી રહ્યો હતો. દંપતીને એક પુત્રી છે. જ્યારે ટાઈમ્સ ઓફ ઈન્ડિયાના અહેવાલ મુજબ પીડિતાએ આરોપ લગાવ્યો હતો કે તેના પતિના વિશાખાપટ્ટનમની 21 વર્ષીય મહિલા સાથે લગ્નેતર સંબંધો હતા. પીડિત મહિલાએ દાવો કર્યો હતો કે આ જ કારણ હતું કે ચરણ તેને હેરાન કરતો હતો અને તેને છૂટાછેડા માટે દબાણ કરતો હતો. પોલીસે કાયદાની સંબંધિત કલમો હેઠળ ચરણ વિરુદ્ધ કેસ નોંધ્યો છે. પોલીસ પીડિતાની મેડિકલ તપાસ કરાવ્યા બાદ આગળની કાર્યવાહી કરશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Andhra Pradesh, Divorce, Extramarital Affair, HIV positive