Home /News /national-international /Pakistan Terrorist Group: દેશમાં આતંકવાદી હુમલા માટે સગીરોનો ઉપયોગ, પાકિસ્તાનનું નવું ષડ્યંત્ર બહાર આવ્યું

Pakistan Terrorist Group: દેશમાં આતંકવાદી હુમલા માટે સગીરોનો ઉપયોગ, પાકિસ્તાનનું નવું ષડ્યંત્ર બહાર આવ્યું

ફાઇલ તસવીર

Pakistan Terrorist Group Use Minor: પંજાબમાં તાજેતરના આતંકવાદી હુમલાઓની તપાસમાં એ પણ બહાર આવ્યું છે કે, હેન્ડલર્સ આ છોકરાઓને શારીરિક તેમજ સોશિયલ મીડિયા દ્વારા ઓળખે છે. પૈસા અને પ્રસિદ્ધિનો લોભ છોકરાઓને કામ કરવા પ્રેરણા આપે છે.

    નવી દિલ્હીઃ ઇસ્લામિક સ્ટેટ, ખાલિસ્તાન આતંકવાદી સંગઠનો અને ધ રેઝિસ્ટન્સ ફ્રન્ટ (TRF) જેવા આતંકવાદી જૂથોએ ભારતમાં હુમલા કરવા માટે નવી વ્યૂહરચના તરીકે સગીરોનો ઉપયોગ કરવાનું શરૂ કર્યું છે. સેન્ટ્રલ ઇન્ટેલિજન્સ એજન્સીઓને તાજેતરમાં થયેલા અનેક ખુલાસા બાદ આ અંગે જાણકારી મળી હતી. આ પાછળનું કારણ શું છે? તો ગુપ્તચર નિષ્ણાતોનું કહેવું છે કે, સજામાં ઋજુતા રાખવી, અનુભવી આતંકવાદીઓ કરતાં ગુપ્તચર એજન્સીઓના રડારથી બચવાનો સરળ રસ્તો અને તેમની ટેકનિકલ સમજ.

    તેનું ઉદાહરણ વારાણસીના બાસિત કલામ સિદ્દીકીનો કેસ હોઈ શકે છે. જ્યાં તેમના નેતૃત્વ હેઠળના આતંકવાદી મોડ્યુલનો પર્દાફાશ કરવામાં આવ્યો હતો. ઓછામાં ઓછા ચારથી પાંચ કિશોરો સિદ્દીકીની પ્રો-ઇસ્લામિક સ્ટેટ ટેલિગ્રામ ચેનલ 'ધ કારવાં ઓફ ડેઝર્ટ'નો ભાગ હતા. તેઓ સમગ્ર વિશ્વમાં IS કેડર/સહાનુભૂતિ ધરાવતા લોકો સાથે નેટવર્કિંગ કરી રહ્યા હતા અને ટેલિગ્રામ ચેનલો દ્વારા IED બનાવવાના મેન્યુઅલનો પ્રસાર કરીને મોટા પાયે હુમલા કરવા માગતા હતા.

    હુમલાઓ માટે સગીરોની પસંદગી


    પંજાબમાં તાજેતરના આતંકવાદી હુમલાઓની તપાસમાં એ પણ બહાર આવ્યું છે કે, હેન્ડલર્સ આ છોકરાઓને રૂબરૂ તેમજ સોશિયલ મીડિયા દ્વારા ઓળખે છે. પૈસા અને પ્રસિદ્ધિનો લોભ તે છોકરાઓને કામ કરવા પ્રેરણા આપે છે. નાના છોકરાઓને જાણી જોઈને પસંદ કરવામાં આવે છે, કારણ કે તેમને મામૂલી સજા આપવામાં આવતી હોય છે.


    કેવી રીતે છોકરાઓ પસંદ કરે છે?


    આવો જ ટ્રેન્ડ જમ્મુ અને કાશ્મીરમાં પણ જોવા મળ્યો છે. તપાસ દરમિયાન સામે આવ્યું હતું કે, કિશોરો સરળતાથી ઓનલાઈન કટ્ટરતાનો શિકાર થઈ જાય છે અને તેમને આતંકવાદી પ્રવૃતિઓ ખૂબ જ પ્રેરિત કરવામાં આવે છે અને તેમનો વફાદાર ગ્રાઉન્ડ વર્કર્સ તરીકે ઉપયોગ કરવામાં આવે છે. પાકિસ્તાન સ્થિત આતંકવાદી હેન્ડલર્સ દ્વારા કિશોરોને તેમની સરળતાથી પ્રભાવિત થવાની વૃત્તિ માટે પણ લક્ષ્ય બનાવવા પર ધ્યાન કેન્દ્રિત કરવાનો પ્રયાસ છે.

    આ પણ વાંચોઃ કચ્છની આ જગ્યાએ આવેલી છે રાજવી પરિવારોની સમાધિ

    જમ્મુ અને કાશ્મીરમાં નાર્કોટિક્સ ટેરર ​​નેટવર્ક


    આતંકવાદી હેન્ડલર્સ આ કિશોરોને ઓનલાઈન શોધે છે અને પછી વાતચીત દ્વારા તેમની સાથે સંબંધ અને વિશ્વાસ કેળવે છે. કેટલીકવાર પાકિસ્તાનના હેન્ડલર્સ પણ આ કિશોરોનો સીધો વોટ્સએપ પર સંપર્ક કરે છે અને વાતચીત શરૂ કરે છે. આ ઉપરાંત કાશ્મીરની ખીણમાં કેટલાક કિશોરોને ડ્રગ-આતંકવાદી નેટવર્ક સાથે જોડવાના પ્રયાસમાં માદક દ્રવ્યો પણ પૂરા પાડવામાં આવે છે.

    ઘટનાઓ જ્યાં કિશોરોનો ઉપયોગ કરવામાં આવ્યો હતો



    • મોહાલીમાં પંજાબ પોલીસ (ઇન્ટેલિજન્સ) હેડક્વાર્ટર પર આરપીજી હુમલો (મે 2022): હુમલામાં મુખ્ય ગુનેગારોમાંનો એક કિશોર હતો. તેણે પાકિસ્તાન સ્થિત ગેંગસ્ટર હરવિંદર સિંહ રિંડા અને કેનેડા સ્થિત ગેંગસ્ટર લખબીરના કહેવા પર કામ કર્યું હતું.

    • ડેરા સચ્ચા સૌદાના અનુયાયી પ્રદીપ કટારિયાની હત્યા (નવેમ્બર 2022): ડેરા સચ્ચા સૌદાના અનુયાયી અને શ્રી ગુરુ ગ્રંથ સાહિબના અપમાન કેસના આરોપી પ્રદીપ કટારિયાની 10 નવેમ્બર, 2022ના રોજ ફરીદકોટ જિલ્લાના કોટકપુરા ખાતે કેનેડા સ્થિત એક વ્યક્તિ દ્વારા હત્યા કરવામાં આવી હતી. ગેંગસ્ટર સતીન્દરજીત સિંઘ ઉર્ફે ગોલ્ડી બ્રારને છ સશસ્ત્ર હુમલાખોરોના જૂથે ઠાર માર્યો હતો. હુમલાખોરોમાં બે કિશોરો પણ સામેલ હતા.

    • તરનતારન જિલ્લાના સરહાલી પોલીસ સ્ટેશન નજીક સાંઝ કેન્દ્ર પર આરપીજી હુમલો (ડિસેમ્બર 2022): 10 ડિસેમ્બરના રોજ કિશોરો દ્વારા હુમલો કરવામાં આવ્યો હતો. તેમાં કેનેડાના લખબીર સિંહ લાંડા, ગ્રીસના સતનામ સિંહ સટ્ટા અને ઓસ્ટ્રેલિયાના ગુરપાલ સિંહ ઉર્ફે જસલના ઇશારા પર કામ કરવામાં આવ્યા હોવાનો દાવો કરવામાં આવ્યો હતો. તરીકે ઓળખાતા બે કિશોરો દ્વારા કરવામાં આવ્યો હોવાનો દાવો કરવામાં આવ્યો હતો.

    • પમ્પોરમાં જમ્મુ અને કાશ્મીર પોલીસના સબ-ઇન્સ્પેક્ટરની તેના ચાર કિશોર મિત્રોની મદદથી કિશોર આતંકવાદી દ્વારા હત્યા જેવી ઘટનાઓ પાકિસ્તાન સમર્થિત આતંકવાદી સંગઠનો દ્વારા સગીરોને આતંકવાદ તરફ ધકેલવાનું બીજું ઉદાહરણ છે.

    Published by:Vivek Chudasma
    First published:

    Tags: Pakistan news, Taliban terrorism, Terrorists, Terrorists Attack

    विज्ञापन

    विज्ञापन
    विज्ञापन
    विज्ञापन