Home /News /national-international /

અખિલેશ યાદવ બોલ્યા- દેશભરના EVMમાં ગડબડ, BJPને જઈ રહ્યા છે વોટ

અખિલેશ યાદવ બોલ્યા- દેશભરના EVMમાં ગડબડ, BJPને જઈ રહ્યા છે વોટ

પોતાની પત્ની ડિમ્પલ યાદવની સાથે મતદાન કરવા જતાં અખિલેશ યાદવ

અખિલેશ યાદવે ટ્વિટ કરીને કહ્યું કે, સમગ્ર ભારતમાં ઈવીએમમાં ખામી કે બીજેપી માટે મતદાન

    લોકસભા ચૂંટણી 2019ના ત્રીજા ચરણના મતદાન દરમિયાન ઉત્તર પ્રદેશના રામપુરમાં 300થી વધુ ઈવીએમમાં ગડબડની ફરિયાદ આવી છે. આ ફરિયાદ રામપુરથી સમાજવાદી પાર્ટીના ઉમેદવાર આઝમ ખાનના ધારાસભ્ય દીકરા અબ્દુલ્લા આઝમે કરી છે. ત્યારબાદ સપા અધ્યક્ષ અખિલેશ યાદવે પણ ઈવીએમ પર સવાલ ઉઠાવ્યા છે. આ પહેલા પણ અખિલેશ યાદવે ઈવીએમ ખામીની ફરિયાદ કરી હતી. ઈવીએમ ખામીની ફરિયાદો પર અખિલેશ યાદવે કહ્યું હતું કે આ ચૂંટણી પંચની જવાબદારી છે કે જો ઈવીએમ ખરાબ હોવાની કોઈ સૂચના મળે છે તો તેઓ વધુમાં વધુ 15 મિનિટમાં મશીન બદલે જેથી સમયસર મતદાનની પ્રક્રિયા પૂરી થઈ શકે.

    અખિલેશ યાદવે ટ્વિટ કરીને કહ્યું કે, સમગ્ર ભારતમાં ઈવીએમમાં ખામી કે બીજેપી માટે મતદાન. ડીએમનું કહેવું છે કે મતદાન અધિકારીઓને ઈવીએમના ઓપરેશનની ટ્રેનિંગ નથી મળી. 350થી વધુ ઈવીએમને બદલવામાં આવી ચૂક્યા છે. આ અપરાધિક બેદરકારી છે. શું આપણે ડીએમ પર વિશ્વાસ રાખવો જોઈએ, કંઈક આનાથી વધુ ભયાનક છે?

    આ પણ વાંચો, બીજેપીમાં સામેલ થયા સન્ની દેઓલ, ગુરદાસપુર બેઠકથી લડી શકે છે ચૂંટણી

    ઉલ્લેખનીય છે કે, ઈવીએમ પર અખિલેશ યાદવ અનેક સવાલ ઉઠાવી ચૂક્યા છે. થોડા દિવસો પહેલા અખિલેશે કહ્યું હતું કે લોકો ટેક્નોલોજી પર વિશ્વાસ નથી કરી શકતા. આ વિશે ચૂંટણી પંચે અને સરકારને ભરોસો દર્શાવવો જોઈએ. સપા, બસપા સહિત અનેક પાર્ટી સુપ્રીમ કોર્ટ સુધી પોતાનો પક્ષ રજૂ કરી ચૂકી છે. સાચી વાત એ છે કે દુનિયામાં પહેલા જ્યાં પણ ઈવીએમથી મતદાન થતું હતું, ત્યાં હવે મતપત્રોનો ઉપયોગ કરવામાં આવી રહ્યો છે.

    આ પણ વાંચો, માયાવતી બનશે PMના સવાલ પર રામગોપાલ યાદવે કહ્યું- મને મૂર્ખ સમજ્યો છે શું?

    આ પણ વાંચો, ગાયક હંસ રાજ હંસને બીજેપીએ બનાવ્યા ઉત્તર-પશ્ચિમ દિલ્હીના ઉમેદવાર, ઉદિત રાજને આંચકો
    Published by:Mrunal Bhojak
    First published:

    Tags: Eci, Lok sabha election 2019, અખિલેશ યાદવ, ઇવીએમ, ઉત્તર પ્રદેશ, સમાજવાદી પાર્ટી

    આગામી સમાચાર