ઈલોન મસ્ક પોતાનું નવું શહેર બનાવશે, જાણો ક્યાં હશે અને શું છે તેનું કારણ...

નવી દિલ્હી : વિશ્વના બીજા સૌથી ધનાઢ્ય ઉદ્યોગપતિ અને ટેસ્લાના માલીક એલોન મસ્ક પોતાનું એક શહેર સ્થાપવાનું વિચારી રહ્યા છે. જોકે, આ વાત વોલ સ્ટ્રીટ જર્નલના એક રિપોર્ટમાં સામે આવી છે. એલોન મસ્ક અને તેની કંપની સાથે સંકળાયેલી સંસ્થાઓ ટેક્સાસમાં હજારો એકર જમીન સંપાદિત કરી રહી છે, જેથી મસ્કની કંપનીના કર્મચારીઓ રહે અને કામ કરશે. આ પ્રોપર્ટી ઓસ્ટિન નજીક ઓછામાં ઓછા 3,500 એકરમાં ખરીદવામાં આવી છે. રિપોર્ટમાં કહેવામાં આવ્યું છે કે, એલોન મસ્ક સ્નેલબ્રુક નામનું શહેર સ્થાપવાની તૈયારીમાં છે.

મસ્ક જ્યાં શહેરને સ્થાયી કરવા જઈ રહ્યું છે, તે વિસ્તાર બોરિંગ અને સ્પેસ-એક્સ પ્લાન્ટની નજીક છે જે, બાંધકામ હેઠળ છે. આ સ્થળ ટેક્સાસમાં કોલોરાડો નદીના કિનારે છે. મસ્કની કંપનીઓના કર્મચારીઓ અહીં રહેશે, અને નજીકના પ્લાન્ટમાં કામ કરવા જઈ શકશે. રિપોર્ટ અનુસાર, 100 ઘર બનાવવાની યોજના છે, જ્યાં નજીકમાં એક પૂલ અને ઓપન પ્લેગ્રાઉન્ડ બનાવવામાં આવશે.

અગાઉ 2020 માં, એલોન મસ્કએ જાહેરાત કરી હતી કે, તે ટેસ્લાનું મુખ્યાલય અને તેનું ઘર કેલિફોર્નિયાથી ટેક્સાસમાં શિફ્ટ કરશે. ટેસ્લા 2022 માં ઓસ્ટિનમાં નવી ગીગાફેક્ટરી ઉત્પાદન સુવિધા ખોલશે, જ્યારે સ્પેસએક્સ અને ધ બોરિંગ કંપની પણ ટેક્સાસમાં સુવિધાઓ ધરાવે છે.

આ પણ વાંચો : હની સિંહે ઝાડુવાળા સાથે કર્યો સ્ટેજ પર જોરદાર ડાન્સ, પછી થયો ટ્રોલ! રેપરની ભૂલ પકડાઈ

મસ્કની યોજના તેના કર્મચારીઓને સસ્તા મકાનો આપવાનું છે. એવું કહેવામાં આવી રહ્યું છે કે, મસ્ક લગભગ 65,000 રૂપિયા પ્રતિ મહિનાના પ્રારંભિક ભાવે એક અને બે બેડરૂમનું ઘર આપવા માંગે છે. આ માટે, એવો પણ નિયમ છે કે, જો કંપનીના કર્મચારીઓ નોકરી છોડી દે અથવા છટણી થાય છે, તો તેમણે 30 દિવસની અંદર ઘર ખાલી કરવું પડશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Elon musk, Tweets