Home /News /national-international /

આજે ચૂંટણી પંચની મહત્ત્વપૂર્ણ બેઠક, લોકસભાની ચૂંટણીની તારીખ નક્કી નથી

આજે ચૂંટણી પંચની મહત્ત્વપૂર્ણ બેઠક, લોકસભાની ચૂંટણીની તારીખ નક્કી નથી

ચૂંટણી પંચ લોકસભા સાથે વિધાનસભાની અમુક રાજ્યોની ચૂંટણીની જાહેરાત પણ કરી શકે છે.

ચૂંટણી પંચ અગાઉની જેમ, આંધ્રપ્રદેશ, ઓડિશા,સિક્કિમ, અને અરૂણાચલ પ્રદેશ વિધાનસભાની ચૂંટણી લોકસભાની ચૂંટણી સાથે યોજી શકે છે.

    ન્યૂઝ 18 ગુજરાતી: આગામી લોકસભાી ચૂંટણીને ધ્યાનમાં રાખીને ચૂંટણી પંચ દ્વારા શનિવારે એક મહત્ત્વપૂર્ણ બેઠકનું આયોજન કર્યુ છે. જોકે, હજુ સુધી લોકસભાની ચૂંટણીની તારીખ અંગે નિર્ણય લેવામાં નથી આવ્યો.

    પ્રાપ્ત જાણકારી મુજબ, ચૂંટણી પંચની બેઠકમાં શનિવારે 12 વાગ્યે યોજાશે. આ બેઠકમાં મુખ્ય ચૂંટણી કમિશનર સુનિલ અરોડા સાથે બે અન્ય સદસ્યો પણ ઉપસ્થિત રહેશે.અગાઉ ચૂંટણી પંચના વરિષ્ઠ અધિકારીએ જણાવ્યું હતું કે હવે ચૂંટણી પંચની સમિતિ ગમે તે દિવસે ચૂંટણીની જાહેરાત કરી શકે છે. એવી અટકળો છે, કે ચૂંટણીની જાહેરાત મંગળવારે અથવા તો આ અઠવાડીયાના અંતે થઈ શકે છે.

    આ પણ વાંચો: હું હવે કોંગ્રેસ પાર્ટી સાથે જ રહીશ, સત્તા નહીં સંઘર્ષનો રસ્તો પસંદ કર્યો: અલ્પેશ ઠાકોર

    વર્તમાન લોકસભાનો કાર્યકાળ 3 જૂને સમાપ્ત થઈ રહ્યો છે. ચૂંટણીની તારીખ બાદ આવતા અઠવાડિયે ચૂંટણી નિરિક્ષકોની પ્રથમ અને બીજા ચરણના મતદાન માટે બેઠક યોજાશે. સૂત્રોના જણાવ્યા મુજબ, પ્રથમ તબક્કાના મતદાનનું જાહેરનામુ માર્ચના અંતિમ અઠવાડિયામાં બહાર પડી શકે છે, જ્યારે મતદાન એપ્રિલના પ્રથમ અઠવાડિયામાં થઈ શકે છે.

    આ પણ વાંચો: એવી કઇ રાજકીય મજબૂરીઓ છે જે સોનિયા ગાંધીને રાજકારણમાં સક્રિય રાખશે?

    એવી શક્યતા છે કે ચૂંટણી પંચ લોકસભાની ચૂંટણી સાથે આંધ્રપ્રદેશ, ઓડિશા, સિક્કિમ અને અરૂણાચલ પ્રદેશની વિધાનસભાની ચૂટણી પણ લોકસભા સાથે થઈ શકે છે. 17મી લોકસભાની ચૂંટણીની તૈયારી અંતિમ તબક્કામાં છે.
    Published by:Jay Mishra
    First published:

    Tags: Election commission of india, Genral Election, Loksabha-2019

    विज्ञापन

    विज्ञापन

    આગામી સમાચાર

    विज्ञापन
    विज्ञापन