Home /News /national-international /ED Freeze Bank Account : ચીનના નિયંત્રણ હેઠળની 9 કંપનીઓના ખાતા ફ્રીઝ કરાયા

ED Freeze Bank Account : ચીનના નિયંત્રણ હેઠળની 9 કંપનીઓના ખાતા ફ્રીઝ કરાયા

ED દ્વારા ચીનના નિયંત્રણ હેઠળની 9 કંપનીઓના ખાતા ફ્રીઝ

ED Freeze Account Balance: એન્ફોર્સમેન્ટ ડિરેક્ટોરેટ (ED) દ્વારા નવ ચીની-નિયંત્રિત કંપનીઓના એકાઉન્ટ બેલેન્સની તપાસ કરી અને રૂપિયા 9.82 કરોડની થાપણો જપ્ત કરવામાં આવી છે. એન્ફોર્સમેન્ટ ડિરેક્ટોરેટે મની લોન્ડરિંગની તપાસના ભાગરૂપે અનેક કંપનીઓ દ્વારા 'HPZ' નામની એપ-આધારિત ટોકન અને અન્ય સમાન એપ્સના દુરુપયોગની તપાસના સંદર્ભમાં આ કાર્યવાહી કરી હતી.

વધુ જુઓ ...
    નવી દિલ્હી: કેન્દ્રીય તપાસ એજન્સી EDએ ચીન સમર્થિત ઘણી કંપનીઓ સામે મોટી કાર્યવાહી હાથ ધરી છે. અનેક સ્થળોએ સર્ચ ઓપરેશન હાથ ધરતા EDએ 9 કંપનીઓના બેંક ખાતા સહિત 9 કરોડ 82 લાખ રૂપિયા ફ્રીઝ કરી દીધા હતા. જણાવી દઈએ કે, હવે આ ચીની સંબંધિત કંપનીઓ તે પૈસાનો ઉપયોગ કરી શકશે નહીં. ચીન સંબંધિત કંપનીઓ ભારતની અંદર પોતાની આર્થિક વ્યવસ્થા સાથે જોડાયેલી કંપનીઓનું નેટવર્ક ફેલાવીને એક મોટા ષડયંત્ર માટે નેટવર્ક બનાવવાનો પ્રયાસ કરી રહી હતી, પરંતુ તપાસ એજન્સી EDએ આ મામલે મોટો ખુલાસો કર્યો અને જણાવ્યું કે, બિટકોઈન અને તેના બદલામાં કેવી રીતે અન્ય ક્રિપ્ટોકરન્સીમાં રોકાણ કરવા માટે, તેઓને મોટો નફો મેળવવાની લાલચ આપવામાં આવી રહી હતી.

    આ પણ વાંચો: અફવા કે હકીકત: ચીનના રાષ્ટ્રપતિ શી જિનપીંગને કરાયા નજરકેદ?, તખ્તાપલટની થવા લાગી ચર્ચા

    આ મામલાના શરૂઆતની તપાસમાં એ વાત પણ સામે આવી છે કે, ચીન સંબંધિત ઘણી કંપનીઓ ભારતની આર્થિક વ્યવસ્થા પર ગંદી નજર રાખી રહી છે, પરંતુ તે તમામ બાબતો પર તપાસ એજન્સી વધુ કાળજીપૂર્વક તપાસ કરી રહી છે. કેન્દ્રીય તપાસ એજન્સીઓ દ્વારા જે કંપનીઓ વિરુદ્ધ કાર્યવાહી કરવામાં આવી છે અને તપાસ દરમિયાન કોના નામ સામે આવ્યા છે, તે નીચે મુજબ છે.

    -Comein Network Technology Private Limited

    - Mobicred Technology Private Limited

    - Magic Data Technology Private Limited

    - Baitu Technology Private Limited

    - Aliyeye Network Technology India Pvt Ltd

    -Wecash Technology Private Limited

    -Larting Private Limited

    - Magic Bird Technology Private Limited

    - Acepearl Services Private Limited

    ભારતની અંદર ચીનની અપ્રત્યક્ષ ઘૂસણખોરી:

    એજન્સી EDએ ગયા વર્ષે 8 ઑક્ટોબર 2021ના રોજ આ કેસનો કબજો લીધો હતો અને મની લોન્ડરિંગ એક્ટ હેઠળ તપાસ શરૂ કરી હતી. આ કેસ નાગાલેન્ડની રાજધાની કોહિમા સ્થિત સાયબર ક્રાઈમ બ્રાન્ચમાં નોંધવામાં આવ્યો હતો. નોંધાયેલી FIRમાં HPZ ટોકન નામની મોબાઈલ એપ અને તેની સાથે જોડાયેલી ઘણી કંપનીઓની માહિતી સામે આવી છે. બિટકોઈન અને અન્ય ક્રિપ્ટોકરન્સીમાં રોકાણ કરવાના બદલામાં મોટો નફો આપવાની લાલચ આપવામાં આવી રહી હતી. નાગાલેન્ડ જેવા રાજ્યોમાંથી તે ચીની સંબંધિત કંપનીઓના પ્રારંભિક નેટવર્કની શરૂઆત પણ પ્રશ્નો અને તપાસના રડાર પર છે, કારણ કે નાગાલેન્ડ અથવા તેની આસપાસના રાજ્યો ચીનના સરહદી વિસ્તાર સાથે જોડાયેલા છે. આથી આ કેસમાં થનારી વધુ તપાસમાં ટૂંક સમયમાં અન્ય ઘણા ખુલાસા થઈ શકે છે.



    જો કે, તપાસ એજન્સી ED દ્વારા આ ચીન સંબંધિત કંપનીઓ સાથે લાગું પડતા કેસોમાં કાર્યવાહી દરમિયાન, ઘણા બેંક ખાતાઓમાં લગભગ 56 કરોડ 49 લાખ રૂપિયાની રકમ ફ્રીઝ કરવામાં આવી છે. EDની ટીમ દ્વારા 14 સપ્ટેમ્બર 2022ના રોજ પણ સર્ચ ઓપરેશન હાથ ધરવામાં આવ્યું હતું અને તે દરમિયાન કાર્યવાહી કરતી વખતે લગભગ 46 કરોડ 67 લાખ રૂપિયા રોકી દેવામાં આવ્યા હતા. હાલ આ મામલે વધુ તપાસ ચાલી રહી છે.
    Published by:Samrat Bauddh
    First published:

    Tags: Mobile app, Money Laundering Case, Raids, ચીન

    विज्ञापन
    विज्ञापन