'દીકરીને પોલીસ ઓફિસર બનાવવા માંગતી હતી, પરંતુ...' માતાએ દર્દભરી સુસાઈડ નોટ લખી જીવન ટુંકાવ્યું

Wife suicide : ઘણી વખત લોકોમાં અમુક એવી ખરાબ આદતો હોય છે કે જે તેના અને સમગ્ર પરિવાર માટે ઘાતક સાબિત થતી હોય છે. જેમાં ઘણી વાર તે વ્યક્તિ પોતે અને અન્ય પરિવાર જનોએ જીવ ગુમાવવાનો વારો આવે છે. ઉત્તર પ્રદેશના ઉન્નાવથી એક સનસનાટીભર્યા સમાચાર સામે આવ્યા છે, જેમાં દારૂડિયા પતિના(drinker husband) ત્રાસથી કંટાળીને પત્નીએ ફાંસી લગાવીને આત્મહત્યા કરી લીધી છે. મહિલાએ એક સુસાઈડ નોટ છોડી છે, જેમાં લખવામાં આવ્યું છે કે દીકરીને પોલીસ ઓફિસર (police officer) બનાવવી હતી. પરંતુ તે સપનું પૂરું ન કરી શકવાનો અફસોસ હતો. તેણીએ તેના મૃત્યુ માટે તેના પતિને જવાબદાર ઠેરવ્યા છે. આ સાથે દીકરીને પતિથી દૂર રાખવાનું પણ લખવામાં આવ્યું છે. આ સિવાય પતિને કડક સજા મળે તેવી વિનંતી કરવામાં આવી છે.

દારૂડિયો પતિ

દારૂના નશામાં ધૂત પતિ દરરોજ પત્ની અને માસૂમ પુત્રીને માર મારીને હેરાન કરતો હતો. માતાનું સપનું હતું કે પુત્રી પોલીસમાં ભરતી થાય, પરંતુ તે પૂર્ણ થયું નહિ. માતાને ફાંસીએ લટકતી જોઈ માસુમ દીકરીના હોશ ઉડી ગયા. પોલીસે લાશને પીએમ માટે મોકલી આપી હતી. પતિ વિરુદ્ધ FIR નોંધવામાં આવી છે અને તેને કસ્ટડીમાં લેવામાં આવ્યો છે.

છોકરીએ કહ્યું

પોલીસના જણાવ્યા અનુસાર ઉન્નાવ સદર કોતવાલી વિસ્તારના મોહલ્લા પુરાની બજારના રહેવાસી મોહિત ગુપ્તાના લગ્ન 2015માં આરાધના ગુપ્તા સાથે થયા હતા. નશામાં ધૂત પતિ દરરોજ તેની પત્ની અને પુત્રીને મારતો હતો. રોજના ઝઘડાથી કંટાળીને પત્નીએ બુધવારે રાત્રે ફાંસો ખાઈને આત્મહત્યા કરી લીધી હતી. સુસાઈડ નોટમાં આપઘાત માટે પતિને જવાબદાર ઠેરવવામાં આવ્યો છે. મૃતકને તેની પુત્રીને પોલીસની નોકરીમાં મોકલવાનું સપનું હતું. મૃતકની માસૂમ પુત્રી ઇક્ષાએ જે કહ્યું તે સાંભળીને દરેક વ્યક્તિ અસ્વસ્થ છે. નિર્દોષે કહ્યું કે પિતાએ માતાની હત્યા કરી, બાદમાં તેને ફાંસી આપી. પોલીસ પુત્રીના નિવેદનની પણ તપાસ કરી રહી છે.

આ પણ વાંચો - Bad Luck : 20 વર્ષ ખોટા રેપ કેસમાં જેલ ભોગવી, બહાર આવી લગ્ન કર્યા, બીજાજ દિવસે પત્ની બધુ લઈ રફૂચક્કર થઈ

માંનું સપનું દીકરી પોલીસ અધિકારી બને

મૃતકે પાંચ વર્ષ પહેલા એક પુત્રીને જન્મ આપ્યો હતો અને તે તેને પોલીસ બનાવવા માંગતી હતી, તે માટે તે પોતે તેને ભણાવતી હતી, પરંતુ તેના પતિની હેરાનગતિને કારણે તેણે ગળેફાંસો ખાઈ લીધો હતો. સુસાઈડ નોટમાં તેણે લખ્યું છે કે અમે અમારી દીકરીને ખૂબ પ્રેમ કરીએ છીએ, પણ અફસોસ અમે અમારી દીકરી સાથે રહી શક્યા નથી, અમારું સપનું અમારી દીકરીને પોલીસ બનાવવાનું હતું. બેટા તારી માતાનું સપનું પૂરું કરજે. અમને માફ કરો અમે ફક્ત તમારા માટે જીવતા હતા. આ લખીને તેણે મોતને ભેટી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Commited suicide, Latest suicide news, Woman suicide