એન્ટી રેડિએશન સ્વદેશી મિસાઇલ રૂદ્રમનું સફળ પરીક્ષણ, DRDO ચીફ કહ્યું- વાયુસેના હવે વધુ સશક્ત થશે

એન્ટી રેડિએશન સ્વદેશી મિસાઇલ રૂદ્રમનું સફળ પરીક્ષણ, DRDO ચીફ કહ્યું- વાયુસેના હવે વધુ સશક્ત થશે
DRDOના પ્રમુખે જણાવ્યું કે, પ્લેનથી એન્ટી રેડીએશન મિસાઇલનું સફળ પરીક્ષણ કરવામાં આવ્યું છે.

નવી પેઢીની આ એન્ટી રેડિએશન મિસાઇલ લાંબા અંતરથી વિવિધ પ્રકારના શત્રુ રડારો, વાયુ રક્ષા પ્રણાલીઓ અને સંચાર નેટવર્કોને નષ્ટ કરી શકે છે

  • Share this:
    નવી દિલ્હીઃ ભારતે વધુ એક ઉપલબ્ધિ મેળવી લીધી છે. રક્ષા અનુસંધાન અને વિકાસ સંગઠન (DRDO)એ 9 ઓક્ટોબરે દેશની પહેલી એન્ટી રેડિએશન મિસાઇલ રૂદ્રમ 1 (Anti Radiation Missile Rudram)નું સફળ પરીક્ષણ કર્યું છે. તેને ભારતીય વાયુસેના (Indian Air Force)ના એસયૂ-30 એમકેઆઇ ફાઇટર પ્લેનથી લૉન્ચ કરવામાં આવી હતી. તેની પર હવે ડીઆરડીઓ પ્રમુખ જી. સતીશ રેડ્ડીએ પ્રતિક્રિયા આપી છે. તેઓએ કહ્યું કે તેનાથી વાયુસેના વધુ સશક્ત થઈ જશે.

    DRDOના પ્રમુખે જણાવ્યું કે, પ્લેનથી એન્ટી રેડીએશન મિસાઇલનું સફળ પરીક્ષણ કરવામાં આવ્યું છે. જ્યારે તેને લૉન્ચ કરવામાં આવી તો તે હવામાં કોઈ પણ વિકિરણ તત્વ શોધી લે છે. ત્યારબાદ તેની પર હુમલો કરીને તેને સંપૂર્ણ પણે નષ્ટ કરી દે છે. તેઓએ વધુમાં કહ્યું કે, અમે તેના કેટલાક વધુ ટેસ્ટ કરવાના છીએ. એકવાર જ્યારે ટેસ્ટ પૂરા થઈ જશે તો તેને વાયુસેનામાં સામેલ કરતાં વાયુસેના વધુ સશક્ત થશે. તે દુશ્મનને ધૂળ ચટાડી દેશે.



    આ પણ વાંચો, મળો ભારતના ટૉપ 10 અબજપતિઓને જેઓએ 40 વર્ષથી ઓછી ઉંમરે ઊભો કર્યો અબજોનો કારોબાર

    નોંધનીય છે કે, નવી પેઢીની આ એન્ટી રેડિએશન મિસાઇલ લાંબા અંતરથી વિવિધ પ્રકારના શત્રુ રડારો, વાયુ રક્ષા પ્રણાલીઓ અને સંચાર નેટવર્કોને નષ્ટ કરી શકે છે. મિસાઇલ રૂદ્રમ-1, ભારતની પહેલી સ્વદેશ નિર્મિત વિકિરણ રોધી શસ્ત્ર પ્રણાલી છે અને શુક્રવાર સવારે લગભગ 10:30 વાગ્યે ઓડિશાના બાલાસોરમાં એકીકૃત પરીક્ષણ રેન્જથી DRDOએ મિસાઇલનું પરીક્ષણ કર્યું હતું. જ્યારે મિસાઇલ વાયુસેનામાં સામેલ થવા માટે તૈયાર શો તો એસયૂ-30 એમકેઆઇ ફાઇટર પ્લેનોની એક બેચની સાથે જોડવામાં આવશે.

    રક્ષા મંત્રાલયે એક નિવેદનમાં જણાવ્યું કે, રૂદ્રમે પૂરી ચોકસાઈથી વિકિરણ લક્ય્ પર નિશાન સાધ્યું અને પરીક્ષણથી લાંબા અંતર સુધી હવામાં પ્રહાર કરનારી વિકિરણ રોધી મિસાઇલો વિકસિત કરવાની ભારતની ક્ષમતા સાબિત થઈ છે.

    આ પણ વાંચો, IPL 2020થી બહાર થઈ શકે છે ઋષભ પંત, આ ખેલાડીને દિલ્હી કેપિટલ્સ આપી શકે છે તક!

    આ મિસાઇલનું પરીક્ષણ એવા સમયે થયું છે જ્યારે ભારતના પૂર્વ લદાખમાં ચીનની સાથે સરહદ વિવાદ ચાલી રહ્યો છે. રક્ષા મંત્રી રાજનાથ સિંહે મિસાઇલના સફળ પરીક્ષણ માટે ડીઆરડીઓને અભિનંદન પાઠવ્યા. તેઓએ કહ્યું કે, નવી પેઢીની વિકિરણ રોધી મિસાઇલ (રૂદ્રમ-1) ભારતની પહેલી સ્વદેશ નિર્મિત વિકિરણ રોધી મિસાઇલ છે જેને ડીઆરડીઓએ વાયુસેના માટે વિકસિત કરી છે. તેનું સફળ પરીક્ષણ બાલાસોરમાં આઈટીઆરથી કરવામાં આવ્યું. ડીઆરડીઓ અને અન્ય સંબંધિત હિતધારકોને આ પ્રશસંનીય ઉપલબ્ધિ માટે શુભકામનાઓ.
    Published by:Mrunal Bhojak
    First published:October 14, 2020, 11:56 am