મેહુલ ચોકસીને આંચકો, ડોમિનિકા હાઈકોર્ટે જામની આપવાનો કર્યો ઇન્કાર

ડોમિનિકા હાઈકોર્ટે મેહુલ ચોકસીને ફ્લાઇટ રિસ્ક હોવાના કારણે જામીન આપવાનો ઇન્કાર

ડોમિનિકા હાઈકોર્ટે મેહુલ ચોકસીને ફ્લાઇટ રિસ્ક હોવાના કારણે જામીન આપવાનો ઇન્કાર

  • Share this:
    સેન્ટ જોંસ. પીએનબી સ્કેમ (PNB Scam)માં ભાગેડુ હીરા વેપારી મેહુલ ચોકસી (Mehul Choksi)ની મુશ્કેલીઓ વધતી રહી હોય એવું લાગી રહ્યું છે. ડોમિનિકા હાઈકોર્ટ (Dominica High Court)એ મેહુલ ચોકસીને જામીન આપવાનો ઇન્કાર કરી દીધો છે. હાઈકોર્ટે મેહુલ ચોકસીને ફ્લાઇટ રિસ્ક હોવાના કારણે જામીન આપવાનો ઇન્કાર કર્યો છે.

    ડોમિનિકા હાઈકોર્ટમાં ચોકસીની જામીન અરજી પર સુનાવણી દરમિયાન બચાવ પક્ષના વકીલે કહ્યું કે, એક કેરિકોમ નાગરિક તરીકે મેહુલ ચોકસીને જામીન આપવા જોઈએ. તેમણે કહ્યું કે મેહુલ ચોકસી પર જે પ્રકારના આરોપ લગાવવામાં આવ્યા છે, તે પ્રકારના અપરાધ જામીનપાત્ર છે અને તેમની પર થોડાક હજારનો દંડ જ ભરવાનો હોય છે. બચાવ પક્ષના વકીલોએ હાઈકોર્ટને જણાવ્યું કે મેહુલ ચોકસીની તબિયત સારી નથી, એવામાં તેમને ફ્લાઇટનું જોખમ ન લેવું જોઈએ. બચાવ પક્ષે કહ્યું કે મેહુલ ચોકસીની તબિયતને જોતાં જામીન રકમ લઈને તેમને બેલ આપવી જોઈએ.

    આ પણ વાંચો, ...જ્યારે ક્રિકેટર રોહિત શર્મા હોટલની રૂમમાં જ ભૂલી ગયો હતો Wedding Ring! જાણો બાદમાં શું થયું

    નોંધનીય છે કે, મેહુલ ચોકસીની જામીન અરજી પર રાજ્યના વકીલ લેનોક્સ લોરેન્સએ બેલનો વિરોધ કર્યો. લેનોક્સ લોરેન્સનું કહેવું છે કે મેહુલ ચોકસી ફ્લાઇટ રિસ્ક પર છે અને ઇન્ટરપોલથી તેને નોટિસ આપવામાં આવી છે. એવામાં મેહુલ ચોકસીને જામીન ન આપવી જોઈએ. રાજ્યના વકીલે હાઈકોર્ટને જણાવ્યું કે મેહુલ ચોકસીએ હજુ સુધી તબિયત સાથે જોડાયેલી કોઈ પણ ફરિયાદ નથી કરી. તેથી તબિયત કે પછી હૉસ્પિટલમાં દાખલ કરવાનો મુદ્દો જ નથી. મેહુલ ચોકસીને દરેક પ્રકારની મેડિકલ સુવિધા આપવામાં આવી રહી છે. બંને પક્ષોની દલીલ સાંભળ્યા બાદ કોર્ટે મેહુલ ચોકસીને જામીન આપવાનો ઇન્કાર કરી દીધો.

    આ પણ વાંચો, Long Covidમાં એસિડીટી, ભૂખ ન લાગવી જેવા લક્ષણોને કેમ ઈગ્નોર ન કરવા જોઈએ?

    શું છે મામલો?

    મેહુલ ચોકસી પર ગેરકાયદેસર રીતે ડોમિનિકામાં દાખલ થવાનો આરોપ છે. રોજો મેજિસ્ટ્રેટ દ્વારા જામીન અરજી ફગાવી દેતાં મેહુલ ચોકસીએ હાઈકોર્ટના દરવાજા ખખડાવ્યા હતા. આ મામલાની સુનાવણી હાઈકોર્ટમાં ચાલી રહી હતી પરંતુ ત્યાંથી પણ મેહુલ ચોકસીને જામીન નથી મળી શકી. નોંધનીય છે કે 23 મેના રોજ મેહુલ ચોકસી એન્ટિગુઆથી ગુમ થઈ ગયો હતો.
    Published by:Mrunal Bhojak
    First published: