Afghanistan પર વિદેશી સરકારના સંસ્કરણ અને વિચારધારાને થોપશો નહીં - Taliban

અફઘાનિસ્તાનમાં તાલિબાન (Taliban) સરકારના કાર્યવાહક વિદેશ પ્રધાન અમીર ખાન મુત્તાકીએ (Amir Khan Muttaqi) કહ્યું છે કે અફઘાનિસ્તાન પર સરકારનું કોઈ વિદેશી સંસ્કરણ લાદવું જોઈએ નહીં. એક મીડિયા રિપોર્ટમાં આ વાત કહેવામાં આવી છે. તુર્કીમાં અંતાલ્યા ડિપ્લોમસી ફોરમમાં તાલિબાન મંત્રીએ કહ્યું કે અફઘાન પોતાની સરકાર બનાવવા માટે સક્ષમ છે અને કાબુલ વહીવટીતંત્રને વધુ સમાવિષ્ટ બનાવવાના પ્રયાસો ચાલુ છે.

ન્યૂ ટોલો ન્યૂઝના અહેવાલ મુજબ, મુત્તાકીએ કહ્યું, "વિદેશી સંસ્કરણ (સરકારોનું) અને વિદેશી વિચારધારા અફઘાનિસ્તાન પર થોપવી જોઈએ નહીં. જૂના સંસ્કરણનો પ્રયાસ કરવામાં આવ્યો હતો પરંતુ તે સફળ થયો ન હતો. તાલિબાન સરકાર આવ્યા બાદ અફઘાન લોકોનું જીવન નરક બની ગયું છે. આ દેશ પર લાગેલા પ્રતિબંધો હજુ હટાવાયા નથી, જેના કારણે અફઘાનિસ્તાનની અર્થવ્યવસ્થા ખરાબ રીતે પડી ભાંગી છે.

આ પણ વાંચો - જો ચીન રશિયાની મદદ કરશે તો તેણે ગંભીર પરિણામ ભોગવવા પડશે : બાયડેન

આર્થિક પતનને રોકવાનો પ્રયાસ કરી રહ્યા છીએ - તાલિબાન

નબળી સરકાર અંગે મુત્તાકીએ કહ્યું કે વર્તમાન સરકારને નબળી કરવાના પ્રયાસો બંધ થવા જોઈએ. તેમણે ભારપૂર્વક જણાવ્યું હતું કે તાલિબાન અફઘાનિસ્તાનમાં આર્થિક પતન અટકાવવા માટે કામ કરી રહ્યું છે. વર્તમાન સરકારે અનેક ક્ષેત્રોમાં પ્રગતિ કરી છે. મુત્તાકીએ વધુમાં કહ્યું કે ઇસ્લામિક અમીરાતે આંતરરાષ્ટ્રીય માન્યતા મેળવવા માટે તમામ શરતો પૂરી કરી છે.

લોકોની હાલત કફોડી બની

તમને જણાવી દઈએ કે આ સંગઠને ગયા વર્ષે અફઘાનિસ્તાન પર કબજો જમાવ્યો હતો. ત્યારથી અહીંની આર્થિક સ્થિતિ ખૂબ જ ખરાબ છે. અહીં મહિલાઓ અને યુવતીઓની હાલત વધુ કફોડી બની છે. દેશમાં ઈસ્લામિક સ્ટેટ જેવા આતંકવાદી સંગઠનો મજબૂત બની રહ્યા છે. લોકો પાસે ખાવા માટે પણ પૈસા નથી. તેમને પોતાની કિડની વેચવી પડે તેવા દિવસો આવી ગયા છે. પ્રતિબંધોને કારણે અફઘાનિસ્તાનને વિદેશી સહાય બંધ થઈ ગઈ છે.

આ પણ વાંચો - પાકિસ્તાનમાં મિસાઈલ પડવાના મામલે અમેરિકાએ લીધો ભારતનો પક્ષ, કહી આ મોટી વાત

અફઘાન રેડ ક્રેસન્ટ સોસાયટીના ભૂતપૂર્વ વડા ફાતિમા ગિલાનીએ કહ્યું, "અફઘાન સરકારની માન્યતાના અભાવને કારણે, તે બાબત તાલિબાન સરકારને છોડીને સમગ્ર અફઘાનિસ્તાનને સજા આપી રહી છે." કોન્ફરન્સમાં બોલતા ઉઝબેકિસ્તાનના વિદેશ મંત્રી અબ્દુલાઝીઝ કામીલોવે કહ્યું કે અફઘાનિસ્તાનની સ્થિતિની સીધી અસર આ ક્ષેત્ર પર પડે છે અને આ રીતે તેઓ અફઘાનિસ્તાનમાં સ્થિરતા અને સુરક્ષા ઈચ્છે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: USA, અફઘાનિસ્તાન, તાલિબાન