Russia Ukraine War: "NATO સાથે સીધી ટક્કર મતલબ આખી દુનિયા ખતમ" પુતિને ફરીથી આપી ચેતવણી

રશિયા અને યુક્રેન વચ્ચે છેલ્લા કેટલાક મહિનાઓથી યુદ્ધ ચાલી રહ્યું છે (Russia Ukraine War). આ દરમિયાન રશિયાના રાષ્ટ્રપતિ વ્લાદિમીર પુતિને ફરી એકવાર ચેતવણી (Russian President Vladimir Putin's Warning) આપીને આખી દુનિયાને ચોંકાવી દીધી છે. પુતિને કહ્યું કે જો NATO તેમાં ભાગ લેશે, તો તે "વૈશ્વિક આપત્તિ" તરફ દોરી જશે.

વ્લાદિમીર પુતિને યુક્રેન સાથે યુદ્ધ ચાલુ રાખવા બદલ તેમના દિલગીરીના પ્રશ્નનો સ્પષ્ટપણે ઇનકાર કર્યો છે. પુતિને કહ્યું કે તેમને કોઈ અફસોસ નથી. રશિયન પ્રમુખ પુતિન કહે છે કે રશિયા સાથે નાટો સૈનિકો વચ્ચેનો કોઈપણ સીધો સંઘર્ષ "વૈશ્વિક આપત્તિ" માં પરિણમશે. આ દરમિયાન તેમણે ભારત અને ચીન વિશે કહ્યું કે બંને દેશોએ યુક્રેન સાથે શાંતિપૂર્ણ વાતચીતનું સમર્થન કર્યું છે.

Russian President Putin says that any direct clash of NATO troops with Russia would lead to a "global catastrophe": Reuters pic.twitter.com/QFiapU3heO

— ANI (@ANI) October 14, 2022

આ પણ વાંચો:  સરકાર કંઇ ZOMATO સર્વિસ નથી ચલાવી રહી કે ઘરેબેઠા ભોજન મળી જાય, પૂર પીડિતોને અધિકારીએ શું કહ્યું જુઓ

ન્યૂઝ એજન્સી રોયટર્સના રિપોર્ટ અનુસાર, તાજેતરમાં કઝાકિસ્તાનની રાજધાની અસ્તાનામાં આયોજિત પ્રેસ કોન્ફરન્સ દરમિયાન રશિયાના રાષ્ટ્રપતિ વ્લાદિમીર પુતિનને રુસો-યુક્રેન યુદ્ધ અંગે સવાલો પૂછવામાં આવ્યા હતા. તેને પૂછવામાં આવ્યું કે શું તેને યુદ્ધ અંગે કોઈ અફસોસ છે કે નહીં. આના પર પુતિને 'ના' કહ્યું. યુક્રેન સાથે ચાલી રહેલા યુદ્ધ પર પુતિનનું કહેવું છે કે યુક્રેનને નષ્ટ કરવું એ રશિયાનો ઉદ્દેશ્ય નથી.

આ પણ વાંચો:  સંડાસમાંથી મોડો બહાર નીકળ્યો એટલામાં સગા ભાઈ અબ્દુલને પતાવી દીધો! કંપારી છૂટી જાય એવી ઘટના

આ યુદ્ધની વચ્ચે વ્લાદિમીર પુતિને નાટોને લઈને સ્પષ્ટ ચેતવણી પણ આપી છે. રશિયન પ્રમુખે કહ્યું છે કે યુક્રેન સાથે ચાલી રહેલા યુદ્ધમાં રશિયા સાથે નાટો સૈનિકો વચ્ચેનો કોઈપણ સીધો સંઘર્ષ એક વિશાળ "વૈશ્વિક આપત્તિ" તરફ દોરી જશે. રશિયાના રાષ્ટ્રપતિ પુતિને કહ્યું કે ભારત અને ચીને યુક્રેન સાથે "શાંતિપૂર્ણ વાટાઘાટો"નું સમર્થન કર્યું છે. તે જ સમયે, ઘણા દેશોએ આ યુદ્ધની નિંદા કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Russia Ukraine Latest News