ઝાયડ્સ કેડિલાની ‘વિરાફિન’દવાને કોરોના સંક્રમણની સારવાર માટે DCGIની ઇમરજન્સી મંજૂરી મળી

ઝાયડ્સ કેડિલાની ‘વિરાફિન’દવાને કોરોના સંક્રમણની સારવાર માટે DCGIની ઇમરજન્સી મંજૂરી મળી
દેશમાં દવાથી લઇને ઓક્સિજન સુધીની અછત જોવા મળી રહી છે. આ દરમિયાન ડ્રગ્સ કંટ્રોલર જનરલ ઓફ ઇન્ડિયાએ (DGCI)કોરોના સારવાર માટે વધારે એક ઇમરજન્સી દવાની મંજૂરી આપી

દેશમાં દવાથી લઇને ઓક્સિજન સુધીની અછત જોવા મળી રહી છે. આ દરમિયાન ડ્રગ્સ કંટ્રોલર જનરલ ઓફ ઇન્ડિયાએ (DGCI)કોરોના સારવાર માટે વધારે એક ઇમરજન્સી દવાની મંજૂરી આપી

  • Share this:
    નવી દિલ્હી : દેશમાં કોરોના મહામારીનો કાળો કેર જોવા મળી રહ્યો છે. દેશમાં દવાથી લઇને ઓક્સિજન સુધીની અછત જોવા મળી રહી છે. આ દરમિયાન ડ્રગ્સ કંટ્રોલર જનરલ ઓફ ઇન્ડિયાએ (DGCI)કોરોના સારવાર માટે વધુ એક ઇમરજન્સી દવાની મંજૂરી આપી છે. ઝાયડ્સ કેડિલાની વિરાફિન દવાને કોવિડ-19ની સારવાર માટે ઇમરજન્સી મંજૂરી આપવામાં આવી છે.

    રિપોર્ટ્સ પ્રમાણે દવા કંપની ઝાયડ્સનો દાવો છે કે વિરાફિનના ઉપયોગ પછી સાત દિવસમાં 91.15 ટકા કોરોના સંક્રમિતનો આરટી-પીસીઆર ટેસ્ટ નેગેટિવ આવ્યો છે. આ એન્ટી વાયરસ દવાના ઉપયોગથી કોરોના દર્દીઓને રાહત મળે છે અને લડવાની તાકાત પણ આવે છે.



    આ પણ વાંચો - ગરીબોને મફત અનાજ આપશે મોદી સરકાર, 80 કરોડ લોકોને મળશે ફાયદો

    કંપનીના મતે જો કોરોના વાયરસ સંક્રમિત થવાની શરૂઆતમાં જ વિરાફિન દવા આપવામાં આવે તો દર્દીને બીમારીમાંથી બહાર આવવામાં ઘણી મદદ મળશે અને તકલીફ પણ ઓછી થશે. જોકે આ દવાને હાલ ડોક્ટરની સલાહ પછી જ આપવામાં આવશે અને દવા હોસ્પિટલમાં જ મળશે. કંપનીએ આ દવાનો ટ્રાયલ 25 કેન્દ્રો પર કર્યો હતો. જેના પરિણામ સારા મળ્યા છે.

    ત્રણ વેક્સીનને ઇમરજન્સી મંજૂરી

    કોરોના વાયરસ સંક્રમણ સામે દેશમાં ટિકાકરણ અભિયાન ચાલી રહ્યું છે. આ અભિયાનમાં સીરમ ઇન્સ્ટિટ્યૂટ ઓફ ઇન્ડિયાની બનાવેલી કોવિશીલ્ડ, ભારત બાયોટેકની વેક્સીન કોવેક્સિનનો ઉપયોગ થઇ રહ્યો છે. આ પછી ભારત સરકારે રશિયાની વેક્સીન સ્પૂતનિક-વી ને ઇમરજન્સી ઉપયોગની મંજૂરી આપી છે અને માનવામાં આવી રહ્યું છે કે જલ્દી રશિયાની વેક્સીનનું પણ ટિકાકરણ શરુ થઇ જશે.
    Published by:Ashish Goyal
    First published:April 23, 2021, 16:32 pm

    ટૉપ ન્યૂઝ