ઇથોપિયા દુર્ઘટના બાદ ભારતમાં પણ બોઇંગ 737 મેક્સ પ્લેન પર બૅન

દુનિયાભરના અનેક મોટી દેશો બાદ હવે ભારતે પણ બોઇંગ 737 મેક્સ પ્લેન પર બૅન લગાવી દીધો છે. ઇથોપિયાની દુર્ઘટના બાદ ડીજીસીએ દ્વારા બૅનનો આ મોટો નિર્ણય લેવામાં આવ્યો છે. નોંધનીય છે કે રવિવારે ઇથોપિયાના અદીદ અબાબામાં બોઇંગનું 737 મેક્સ-8 પ્લેન દુર્ઘટનાગ્રસ્ત થઈ ગયું જેમાં સવાર તમામ 157 લોકોના મોત થયા હતા.

આ પહેલા ઓક્ટોબર 2018માં ઇન્ડોનેશિયામાં પણ બોઇંગનું આ જ પ્લેન દુર્ઘટનાગ્રસ્ત થયું હતું જેમાં 189 લોકોના મોત થયા હતા. આ દુર્ઘટના બાદ ડીજીસીએ દ્વારા તાત્કાલીક પ્લેન પર બૅનનો નિર્ણય લેવામાં આવ્યો છે.

Directorate General of Civil Aviation (DGCA) has taken the decision to ground the Boeing 737-MAX planes immediately. pic.twitter.com/jWS7qZaDYQ

— ANI (@ANI) March 12, 2019

 ભારતમાં સ્પાઇસ જેટની પાસે 8 બોઇંગ 737 મેક્સ પ્લેન સામેલ છે. દેશમાં સ્પાઇસ ઉપરાંત માત્ર જેટ એરવેઝ જ એવી કંપની છે જે આ પ્લેનનું પરિચાલન કરે છે.

આ પણ વાંચો, ઇથોપિયા પ્લેન ક્રેશ: મૂળ ગુજરાતી પરિવારના 6 વ્યક્તિના મૃત્યુ

ઉલ્લેખનીય છે કે, ભારત પહેલા બ્રિટન, જર્મની, નોર્વે, ફ્રાન્સ જેવા મોટા દેશ બોઇંગ પ્લેન પર બૅન લગાવી ચૂક્યા છે. મલેશિયાએ પણ આ બૅન લગાવી દીધી છે. ચીન, સિંગાપુર અને ઓસ્ટ્રેલિયાએ બોઇંગ પર અસ્થાઈ રોક લગાવી છે.

આ પણ વાંચો, ઇથોપિયા પ્લેન ક્રેશ: પર્યાવરણ મંત્રાલયના સલાહકારનું મૃત્યુ, ચીને બોઇંગના વિમાન રોક્યા

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dgca, જેટ એરવેઝ