ઘરવાળીના હોવા છતા બહારવાળીના ચક્કરમાં, જઈ રહ્યો હતો ભોપાલ પહોંચ્યો જેલમાં, જાણો સમગ્ર કિસ્સો...

જમુઈ : પરિણીત અને બાળકના પિતાને પ્રેમનો એવો તાવ ચડ્યો કે, ઘરવાળી હોવા છતા પણ તે, બહારવાળીના પ્રેમમાં પડી ગયો. તેની પત્ની સાથે લગ્ન કરવાના ઈરાદે તે તેની ગર્લફ્રેન્ડને ભગાડીને મધ્યપ્રદેશ જઈ રહ્યો હતો, પરંતુ તે પ્લાન અધવચ્ચે જ નિષ્ફળ ગયો અને તે પોલીસના હાથે ઝડપાઈ ગયો. જોકે, પ્રેમી જેલમાં જતા પ્રેમિકા પણ કહી રહી છે કે, તેનો પ્રેમી જ્યાં જશે ત્યાં જ તે જશે, પતિને જેલમાં જતો જોઈ પત્ની આજીજી કરવા પોલીસ સ્ટેશન પહોંચી અને પોલીસને તેના પતિને જેલ ન કરવા આજીજી કરવા લાગી. ઘરવાળી હોવા છતા પણ તે, બહારવાળીના પ્રેમનું ભૂત સવાર હોવાનો આ કિસ્સો બિહારના જમુઈ જિલ્લાનો છે.

વાસ્તવમાં, જમુઇ જિલ્લાના ઝાઝા પોલીસ સ્ટેશન વિસ્તારના લોગાય ગામના રહેવાસી વિનોદ તરીકે પણ ઓળખાતા જિતેન્દ્રના લગ્ન બે વર્ષ પહેલા ડોલી દેવી નામની મહિલા સાથે થયા હતા. બંનેને 6 મહિનાની બાળકી પણ છે. લગ્ન થયા બાદ પણ વિનોદને જમુઈના ગીધૌરમાં યોજાયેલા પ્રખ્યાત દશેરા મેળામાં મનીષા નામની યુવતી સાથે પ્રેમ થઈ ગયો હતો. કહેવામાં આવી રહ્યું છે કે, મેળામાં બ્રેક ડાન્સ ઝુલા પર ઝૂલતી વખતે પરણિત વિનોદે પોતાનું દિલ મનીષાને આપી દીધું હતું. જેમાં મનીષા પણ વિનોદના પ્રેમ પડી ગઈ હતી.

મેળામાં જ બંનેએ પોતપોતાના મોબાઈલ નંબર એકબીજાને આપ્યા, પછી વાતો અને મળવા લાગ્યા. પરિણીત પ્રેમી વિનોદ ભોપાલમાં એકે ગુટકા કંપનીમાં કામ કરે છે. વિનોદે એક પ્લાન બનાવ્યો હતો અને પછી તે તેની ગર્લફ્રેન્ડને ભોપાલ લઈ જવા માટે ઝાઝા સ્ટેશન પહોંચ્યો હતો. જોકે, બધું પ્લાન મુજબ થઈ રહ્યું હતું, પરંતુ મનીષાના પરિવારના સભ્યોને તેની જાણ થઈ ગઈ. પછી શું હતું તેના પરિવારના સભ્યો પોલીસ સાથે ઝાઝા સ્ટેશને પહોંચ્યા હતા. ત્યારબાદ પોલીસે બંનેને પકડીને પોતાની સાથે લાવ્યા હતા.

આ પણ વાંચો : તમે લગ્ન માટે EPFOમાંથી સરળતાથી પૈસા ઉપાડી શકો છો, ફક્ત નિયમો અને શરતોને ધ્યાનમાં રાખો

હવે પોલીસ મનીષાના અપહરણના કેસમાં વિનોદની ધરપકડ કરીને લગ્ન કર્યા બાદ તેને જેલમાં મોકલવાની તૈયારી કરી રહી છે. આ કેસમાં જ્યારે મનીષાને પૂછવામાં આવ્યું ત્યારે તેણે કહ્યું કે, તે મેળામાં વિનોદને મળી હતી, અને ત્યાંથી જ તેના પ્રેમમાં પડી હતી, જે હજુ પણ ચાલુ છે. વિનોદ જ્યાં જશે, તે ત્યાં જ જશે, જ્યારે તે જેલમાં જશે, ત્યારે તેને પણ જેલમાં જવાનું ગમશે. તેણી તેને છોડવા માંગતી નથી, તેણે તેવુ પણ કહ્યું હતું કે, તે તેને પહેલી પત્ની સાથે રાખશે, તેથી જ તે લગ્ન કરવા ભોપાલ જઈ રહ્યો હતો.

પોલીસ કસ્ટડીમાં આવ્યા બાદ પ્રેમી વિનોદને જેલ જવાની ચિંતા સતાવી રહી છે. વિનોદને પૂછવામાં આવતાં તેણે મનીષા સાથે પ્રેમ હોવાની વાતનો ઇનકાર કરતાં કહ્યું કે, તેણે મનીષાને ફોન કર્યો ન હતો, જ્યારે મનીષા તેની સાથે ભોપાલ જવા માટે ઝાઝા સ્ટેશને આવી હતી. આ મામલામાં ખૈરા પોલીસ સ્ટેશનના પ્રમુખ સિદ્ધેશ્વર પાસવાને જણાવ્યું કે, છોકરીના પિતાની અરજીના આધારે પોલીસ સ્ટેશનમાં કેસ નોંધવામાં આવ્યો છે. માહિતીના આધારે, યુવક અને યુવતીને ઝાઝા સ્ટેશનથી મળી આવ્યા હતા. યુવતીને કોર્ટમાં રજૂ કરીને નિવેદન નોંધવામાં આવશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bhopal News, Extra marital affair