કેન્દ્ર સરકાર આપી રહી છે 5 લાખ રૂપિયા જીતવાની તક, 25 જૂન પહેલા કરવું પડશે આ કામ

નવી દિલ્હી : કેન્દ્ર સરકાર લોકોને રૂ. 5 લાખ જીતવાની તક આપી રહી છે. આ રકમ જીતવા માટે તમારે એક સ્પર્ધામાં ભાગ લેવાનો રહેશે. આ હરીફાઈ જીતનારને આ રકમ ઇનામ આપવામાં આવશે. કેન્દ્ર સરકારે ગ્રેન્ડ વોટર સેવિંગ ચેલેન્જ શરૂ કરી છે. સ્વચ્છ ભારત મિશન અને સંયુક્ત રાષ્ટ્રના એસડીજીના સમર્થનમાં આ પ્રયાસ કરવામાં આવ્યો છે. જેમાં હિન્દુસ્તાન યુનિલિવર લિમિટેડ, ઇન્વેસ્ટ ઇન્ડિયા, સ્ટાર્ટઅપ ઇન્ડિયા અને AGNIiનો સહયોગ મળ્યો છે.

શુ કરવાનું રહેશે?

આ સ્પર્ધા અંતર્ગત ભારતીય શૌચાલય માટે ઇનોવેટિવ ફ્લશ સિસ્ટમ તૈયાર કરવાની રહેશે. સ્વચ્છતાની સીધી અસર વ્યક્તિના સ્વાસ્થ્ય પર પડે છે. જેથી શૌચાલયની સ્વચ્છતા અને હાઇજિન તેમજ પાણીની બચતનું ધ્યાન રાખવાનો આ સ્પર્ધાનો મુખ્ય ઉદ્દેશ છે. અત્યારના સમયની સૌથી મોટી માંગ સ્વચ્છતા તેમજ પાણીની બચત છે, જે પ્રયાસથી પૂર્ણ થઈ શકે.

ઈનામની રકમ કેટલી?

1st Prize: પ્રથમ ક્રમે આવનાર ટીમ અથવા વ્યક્તિને રૂ. 5 લાખનું રોકડ ઇનામ આપવામાં આવશે.

2nd Prize: દ્વિતીય નંબરે આવનારને ટીમ અથવા વ્યક્તિને રૂ. 2.50 લાખનું ઇનામ આપવામાં આવશે.

આ પણ વાંચો - કોરોના વાયરસને ચીનની વુહાન લેબમાં બનાવ્યો! બ્રિટન અને નોર્વેના વૈજ્ઞાનિકોનો મોટો દાવો

અહીં કરાવો રજીસ્ટ્રેશન

સ્પર્ધમાં ભાગ લેવા માટે તમારે https://www.startupindia.gov.in/content/sih/en/ams-application/challenge.html?applicationId=6050cc03e4b03f92cbc8c95e પર જવું પડશે. જ્યાં તમે આ સ્પર્ધા માટે રજીસ્ટ્રેશન કરાવી શકશો.

સ્પર્ધામાં ભાગ લેનાર એન્ટ્રીને સ્ટાર્ટઅપ ઇન્ડિયા હબમાં પણ સામેલ કરવામાં આવી શકે છે. DPIIT દ્વારા નોંધાયેલા સ્ટાર્ટઅપ અને શૈક્ષણિક સંસ્થાઓ આ સ્પર્ધામાં ભાગ લઈ શકે છે.

જાણો, છેલ્લી તારીખ કઈ?

ભાગ લેવાની ઈચ્છા ધરાવતા લોકોએ તેના મોડેલને 25 જૂન 2021 સુધીમાં સબમિટ કરાવવાના રહેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business, Money, Startup, મોદી સરકાર