મોદી સરકારે પ્રોમિસ પાળ્યુ! ભારતનો સૌથી મોટો એક્સપ્રેસ વે 98000 કરોડનો ખર્ચ, ગુજરાતના આ શહેરોમાંથી નીકળશે

DELHI MUMBAI EXPRESSWAY: વડાપ્રધાન નરેન્દ્ર મોદી રવિવારે દિલ્હી-મુંબઈ એક્સપ્રેસવેના પ્રથમ ભાગનું ઉદ્ઘાટન કરશે. 1,386-km એક્સપ્રેસવેનો પ્રથમ ભાગ 246 કિલોમીટર લાંબો છે. દિલ્હી-દૌસા-લાલસોટ વચ્ચેનો આ વિભાગ દિલ્હીથી જયપુરની મુસાફરીને એકદમ સરળ બનાવી દેશે. તેના નિર્માણ બાદ દિલ્હીથી જયપુર સુધીની પાંચ કલાકની મુસાફરી માત્ર સાડા ત્રણ કલાકમાં પૂર્ણ થઇ જશે.

માત્ર 12 કલાકમાં થશે મુસાફરી 

આ એક્સપ્રેસ વે પૂરો થયા બાદ દિલ્હીથી મુંબઈની મુસાફરીનો સમય 24 કલાકથી ઘટાડીને 12 કલાક થઈ જશે.

કેટલા ખર્ચે બનાવવામાં આવશે એક્સપ્રેસ વે ?

9 માર્ચ, 2019 ના રોજ દિલ્હી-મુંબઈ એક્સપ્રેસ વેનો શિલાન્યાસ કરવામાં આવ્યો હતો. દિલ્હી-મુંબઈ એક્સપ્રેસ વેનો 246 કિમીનો દિલ્હી-દૌસા-લાલસોટ સેક્શન રૂ. 12,150 કરોડથી વધુના ખર્ચે બનાવવામાં આવ્યો છે. આ ભાગ શરૂ થવાથી દિલ્હીથી જયપુરની મુસાફરીનો સમય 5 કલાકથી ઘટીને લગભગ 3.5 કલાક થઈ જશે. આ સિવાય સરકારે સમગ્ર વિસ્તારના આર્થિક વિકાસને  વેગ આપવાનો દાવો પણ કર્યો છે. સમગ્ર પ્રોજેક્ટની વાત કરીએ તો 1,386 કિલોમીટર લાંબો એક્સપ્રેસ વે રૂ. 98,000 કરોડના ખર્ચે વિકસાવવામાં આવી રહ્યો છે.

 એક્સપ્રેસ વેની વિશેષતા

દિલ્હી-મુંબઈ એક્સપ્રેસ વે ભારતનો સૌથી લાંબો એક્સપ્રેસ વે હશે. એક્સપ્રેસ વે 93 PM ગતિ શક્તિ ટર્મિનલ, 13 બંદરો, આઠ મોટા એરપોર્ટ અને આઠ મલ્ટી-મોડલ લોજિસ્ટિક્સ પાર્ક (MMLP) તેમજ આગામી ગ્રીનફિલ્ડ એરપોર્ટ જેવા કે જેવર એરપોર્ટ, નવી મુંબઈ એરપોર્ટ અને જવાહરલાલ નેહરુ પોર્ટને પણ જોડશે.  આ રીતે તે રાષ્ટ્રીય રાજધાની દિલ્હી અને મુંબઈ વચ્ચે કનેક્ટિવિટી વધારશે.

દિલ્હી, હરિયાણા, રાજસ્થાન, મધ્યપ્રદેશ, ગુજરાત અને મહારાષ્ટ્ર એમ છ રાજ્યોમાંથી પસાર થતો આ એક્સપ્રેસ વે જયપુર, કિશનગઢ, અજમેર, કોટા, ચિત્તોડગઢ, ઉદયપુર, ભોપાલ, ઉજ્જૈન, ઈન્દોર, અમદાવાદ જેવા આર્થિક કેન્દ્રોમાંથી પસાર થશે. એટલું જ નહીં વડોદરા, સુરત. કેન્દ્રો સાથે જોડાણમાં પણ આ કારણે સુધારો કરશે.

સૌથી મોટા ફાયદા

નવા એક્સપ્રેસ વેથી દિલ્હી-મુંબઈ વચ્ચેનો મુસાફરીનો સમય લગભગ 24 કલાકથી ઘટાડીને 12 કલાક થશે અને અંતર 130 કિમી ઘટશે. આનાથી 32 કરોડ લિટરથી વધુની વાર્ષિક ઇંધણની બચત થશે અને કાર્બન ડાયોક્સાઇડ (CO2) ઉત્સર્જનમાં 85 કરોડ કિગ્રાનો ઘટાડો થશે, જે 4 કરોડ વૃક્ષો વાવવા બરાબર છે. નેશનલ હાઈવે ઓથોરિટી ઓફ ઈન્ડિયા (NHAI)ની પણ હાઈવે પર 40 લાખથી વધુ વૃક્ષો વાવવાની યોજના છે.

પ્રાણીઓ માટે ખાસ વ્યવસ્થા

એક્સપ્રેસ વેમાં બે મોટી 8-લેન ટનલનો પણ સમાવેશ થશે. આ એક્સપ્રેસ વે એશિયામાં પહેલો અને વિશ્વનો બીજો એવો છે કે જ્યાં વન્યજીવોની અવિરત હિલચાલની સુવિધા માટે એનિમલ બ્રિજ (અંડરપાસ) છે. તેમાં 3 વન્યજીવ અને 5 એર બ્રિજ (ઓવરપાસ) હશે જેની કુલ લંબાઈ 7 કિમી હશે. દિલ્હી-મુંબઈ એક્સપ્રેસવે વિવિધ જંગલો, સૂકી જમીન, પર્વતો, નદીઓ જેવા વિવિધ પ્રદેશોમાંથી પસાર થાય છે. વધુ વરસાદ જેવી સ્થિતિ માટે વડોદરા-મુંબઈ વિભાગ માટે  પેવમેન્ટ ડિઝાઇન અપનાવવામાં આવી છે.

સોહનાના અલીપુરથી મુંબઈની વચ્ચે લગભગ 55 જગ્યાએ આવા પાર્ટ્સ વિકસાવવામાં આવી રહ્યા છે જ્યાં ફાઈટર પ્લેન સરળતાથી લેન્ડ થઈ શકે છે. દિલ્હી-વડોદરા-મુંબઈ એક્સપ્રેસ વે માત્ર મુસાફરીની સુવિધા જ નહીં, પરંતુ ઈમરજન્સીની સ્થિતિમાં ફાઈટર પ્લેન પણ તેના પર લેન્ડ થઈ શકશે. આ રોડને રોડ રનવે તરીકે વિકસાવવામાં આવી રહ્યો છે. અલીપોરથી દૌસા સુધીના લગભગ 296 કિલોમીટરના પટમાં લગભગ 10 ભાગો એવા છે જ્યાં ફાઈટર પ્લેન સરળતાથી લેન્ડ થઈ શકે છે.

સૌથી મહત્વની વિશેષતા એ પણ છે કે દિલ્હી-મુંબઈ એક્સપ્રેસવે પર 94 સુવિધાઓ એટલે કે વે સાઇડ સુવિધાઓ -WSA બનાવવામાં આવી છે. રસ્તાની બાજુની સુવિધાઓમાં પેટ્રોલ પંપ, મોટેલ, આરામ વિસ્તાર, રેસ્ટોરન્ટ અને દુકાનોનો સમાવેશ થશે. આ વે-સાઇડ સુવિધાઓ પર તબીબી કટોકટીના કિસ્સામાં કનેક્ટિવિટી વધારવા અને લોકોને બચાવવા માટે આ એક્સપ્રેસ વે પર હેલિપેડ પણ હશે.

આ પણ વાંચો: લફરાને કારણે હસતો રમતો પરિવાર વિખેરાયો, બે બાળકોના પિતાએ પત્નીની બેવફાઇથી ત્રાસીને કર્યો આપઘાત

એન્જિનિયરિંગનું ઉત્તમ ઉદાહરણ

• આ એક્સપ્રેસ વેના નિર્માણમાં 12 લાખ ટનથી વધુ સ્ટીલનો વપરાશ થશે, જે 50 હાવડા બ્રિજના નિર્માણની બરાબર છે.


• આશરે 350 મિલિયન ક્યુબિક મીટર માટી ખસેડવામાં આવશે જે બાંધકામ દરમિયાન 40 મિલિયન ટ્રક લોડની સમકક્ષ છે.


• આ પ્રોજેક્ટ 8 મિલિયન ટન સિમેન્ટનો વપરાશ કરશે, જે ભારતની વાર્ષિક સિમેન્ટ ઉત્પાદન ક્ષમતાના લગભગ 2 ટકા છે.

સામાન્ય લોકો તેનો ઉપયોગ ક્યારે કરી શકશે?

સમાચાર અનુસાર હજુ સુધી નેશનલ હાઈવે ઓથોરિટી ઓફ ઈન્ડિયા (NHAI) ટોલ વસૂલાત માટેની તૈયારીઓ પૂર્ણ કરી શક્યું નથી, તેથી જ રવિવારે ઉદ્ઘાટન પછી પણ ડ્રાઈવરોએ મુસાફરી માટે 15 ફેબ્રુઆરી સુધી રાહ જોવી પડશે. NHAIના પ્રોજેક્ટ ડાયરેક્ટર મુદિત ગર્ગના જણાવ્યા અનુસાર, લોન્ચની તૈયારીઓ ચાલી રહી છે. મોટા પાયે ટેન્ટ લગાવવામાં આવશે. તેને કાઢવા માટે પણ  સમય લાગશે, તેથી ઉદ્ઘાટન પછી 15 થી યાત્રા શરૂ થશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Delhi Mumbai Expressway, Nitin Gadkari, PM Modi પીએમ મોદી