ફરી પેપર લીક, આ કરતૂત પાછળ UPSCનો અધિકારી જ નીકળ્યો માસ્ટર માઈન્ડ, 4ની ધરપકડ

દેહરાદૂન: વર્ષ 2021માં પેપર લીકનો મુદ્દો ખૂબ જ ગરમ રહ્યો હતો. હવે વર્ષ 2023ની શરૂઆતમાં ઉત્તરાખંડમાં ફરી એકવાર પેપર લીકનો મામલો સામે આવ્યો છે. સૌથી ચોંકાવનારી વાત એ સામે આવી છે કે, પેપર લીક કરનાર માસ્ટર માઈન્ડ પબ્લિક સર્વિસ કમિશનનો અધિકારી હોવાનું બહાર આવ્યું છે. એવું કહેવામાં આવી રહ્યું છે કે, તેણે તેના અન્ય 3 સાથીદારો સાથે મળીને તાજેતરમાં થયેલી પટવારી ભરતીનું પેપર લીક કર્યું હતું.

રવિવારે ઉત્તરાખંડ પબ્લિક સર્વિસ કમિશને 563 પદોની ભરતી માટે પરીક્ષા લીધી હતી. આ ભરતી કેસમાં પેપર લીકનો માસ્ટરમાઇન્ડ ઉત્તરાખંડ પબ્લિક સર્વિસ કમિશનના ઉચ્ચ ગુપ્તતા વિભાગના અધિકારી સંજીવ ચતુર્વેદી હોવાનું બહાર આવ્યું છે. આરોપી સંજીવ ચતુર્વેદી તેની પત્ની સાથે તેના સાથીદારોને કાગળો મોકલતો હતો.

આ પણ વાંચો: રાજસ્થાન પેપર લીક કાંડ: ગાડીનું રજીસ્ટ્રેશન બનાસકાંઠા આરટીઓમાં, પરંતુ માલિક 'ગાયબ'

આ વાતનો ખુલાસો કરીને STFએ 4 આરોપીઓની ધરપકડ કરી છે. તેમના નામ સંજીવ, રામકુમાર, સંજીવ ચતુર્વેદી અને રાજપાલ છે. તમામ આરોપીઓ એક ટોળકી બનાવીને ઉમેદવારોને રૂરકીના માયા અરુણ રિસોર્ટમાં ભેગા કરતા હતા અને પેપર પહેલા રિસોર્ટમાં જ પેપર સોલ્વ કરાવતા હતા, જેના પર STFએ કાર્યવાહી કરી હતી.

બીજી તરફ, SSP STF આયુષ અગ્રવાલ પાસેથી મળેલી માહિતી અનુસાર, આયોગના સેક્શન ઓફિસર પેપર લીક થવાના થોડા દિવસો પહેલા તેના મિત્ર રાજપાલને પેપર મોકલતા હતા. જેમાં સંજીવ અને રામકુમાર ઉમેદવારોને ભેગા કરતા હતા અને દરેક ઉમેદવાર પાસેથી 8થી 10 લાખ રૂપિયા લેતા હતા.

આ પણ વાંચો: ગુજરાતમાં ફરીથી પેપર લીક થયું! BBA-B.Comની પરીક્ષાના પેપર થયા વાયરલ, રાતોરાત બનાવ્યું નવું પ્રશ્નપત્ર

આ ભરતીમાં રાજ્યના 1.25 લાખ જેટલા યુવાનોએ ભાગ લીધો હતો. જેમાંથી STF દ્વારા અત્યાર સુધીમાં 35 ઉમેદવારોની ઓળખ કરવામાં આવી છે. કહેવામાં આવી રહ્યું છે કે, આ કેસમાં હજુ પણ ઘણા લોકોની ધરપકડ થઈ શકે છે. જણાવી દઈએ કે, વર્ષ 2021માં ભરતીના પેપર લીકનો મામલો સતત ગરમાતો રહ્યો હતો, પરંતુ વર્ષ 2023માં પહેલી ભરતીના પેપર લીકના મામલાએ ગરમાવો લાવી દીધો હતો. એસએસપી એસટીએફનું કહેવું છે કે, કમિશન દ્વારા કરવામાં આવેલી અન્ય ભરતીઓ પર પણ ધ્યાન આપવામાં આવી રહ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Crime news, Paper leak, UPSC