Home /News /national-international /Murderer Mother: દીકરી પહેલો નંબર નહોતી લાવી શકતી તો માતાએ કાવતરું ઘડી ટોપરને જ ઝેર આપી મારી નાંખ્યો

Murderer Mother: દીકરી પહેલો નંબર નહોતી લાવી શકતી તો માતાએ કાવતરું ઘડી ટોપરને જ ઝેર આપી મારી નાંખ્યો

માતાએ દીકરી પહેલો નંબર લાવે તેથી ટોપરને જ ઝેર આપી મારી નાંખ્યો - ડાબે મૃતક અને જમણે માતાની ફાઇલ તસવીર

Murderer Mother: માતાએ દીકરી પહેલો નંબર લાવી શકે તે માટે ક્લાસમાં ટોપ કરનારા વિદ્યાર્થીને કાવતરું ઘડી મારી નાંખ્યો હતો. માતાએ ટોપર વિદ્યાર્થીને કોલ્ડડ્રિંક્સમાં ઝેર આપી મારી નાંખ્યો હતો. જો કે, સીસીટીવીને કારણે સમગ્ર મામલો સામે આવતા માતાને ઝડપી લેવામાં આવી હતી.

વધુ જુઓ ...
    પોંડીચેરીઃ કરાઇકરલમાં એક મહિલાએ તેની દીકરીના ક્લાસમાં ભણતા એક વિદ્યાર્થીને ઝેર આપી મારી નાંખ્યો છે. આ વિદ્યાર્થી દરેક વખતે ક્લાસમાં ટોપ કરતો હતો. આ વિદ્યાર્થીને કારણે તેની દીકરી ક્લાસમાં ટોપ કરી શકતી નહોતી. તેથી માતાએ કાવતરું ઘડીને વિદ્યાર્થીને જ મારી નાંખ્યો હતો. મહિલાએ બાળકને મારવા માટે એક જોરદાર પ્લાન બનાવ્યો હતો.

    માતાને પહેલો નંબર લાવતા વિદ્યાર્થીની ઇર્ષ્યા થતી હતી


    પોંડીચેરીના કરાઇકલમાં 42 વર્ષીય મહિલાની દીકરી 8મા ધોરણમાં ભણતી હતી. મહિલાની ઇચ્છા હતી કે તેની દીકરી ક્લાસમાં ટોપ કરે. જો કે, ક્લાસમાં એક બીજો વિદ્યાર્થી દરેક વખતે પહેલો નંબર લઈ જતો હતો. તે છોકરો ભણવામાં ખૂબ હોશિયાર હતો. તેથી મહિલાને તેની ઇર્ષ્યા થતી હતી. તેની દીકરીના ક્લાસમાં દરવખતે પહેલો નંબર લાવતો છોકરો બાલમણિકંદન હતો. તેની દીકરીના સ્પર્ધકને રસ્તામાંથી કાઢી નાંખવા સ્કૂલના વાર્ષિક મહોત્સવમાં ચોકીદારને જૂઠ્ઠુ કહ્યુ હતુ કે, તે મણિકંદનની માતા છે.

    આ પણ વાંચોઃ બિહારમાં રાજદ નેતાની ખેતરમાં ગોળી મારી હત્યા

    વિદ્યાર્થીને કોલ્ડડ્રિંક્સ મોકલ્યું


    મહિલાએ ચોકીદારને કોલ્ડડ્રિંક્સની બે બોટલ આપી હતી અને કહ્યુ હતુ કે બંને મણિકંદનને આપી દે. મણિકંદને સ્કૂલના સાંસ્કૃતિક કાર્યક્રમમાં ભાગ લીધો હતો. આ માટે મહિલાએ કહ્યુ હતુ કે, કાર્યક્રમ પછી તેને પીવાથી એનર્જી વધશે. ચોકીદારે બંને બોટલ મણિકંદનને આપી દીધી. ત્યારબાદ મણિકંદને બંને બોટલ કોલ્ડડ્રિંક્સ પીધું હતું. જ્યારે શાળામાં રજા પડી અને મણિકંદન તેના ઘરે પહોંચ્યો તો તેને ઉલટીઓ થવા લાગી. ત્યારબાદ તેના માતા-પિતા તેને હોસ્પિટલ લઈ ગયા હતા. ત્યાં સારવાર બાદ મણિકંદન ઘરે આવ્યો હતો.

    આ પણ વાંચોઃ શારીરિક સંબંધ માટે 2000 ખર્ચ્યા, કિન્નર નીકળતા યુવાને હત્યા કરી

    CCTV ચેક કરતા ભાંડો ફૂટ્યો


    જો કે, શનિવારે તે ફરી બીમાર પડ્યો હતો. ત્યારબાદ તેને સારવાર માટે હોસ્પિટલ ખસેડવામાં આવ્યો હતો અને તે જ રાતે તેનું મોત નીપજ્યું હતું. મરતા પહેલાં મણિકંદને તેની માતાને કહ્યુ હતુ કે, ચોકીદારે મને કોલ્ડડ્રિંક્સ પીવા માટે આપ્યું હતું, જે તમે મને મોકલ્યું હતું. આ સાંભળીને મણિકંદનની માતા આશ્ચર્યચકિત થઈ ગઈ. કારણ કે તેમણે તો કોઈ કોલ્ડડ્રિંક્સ મોકલ્યું જ નહોતું. ત્યારબાદ તેની માતાએ સ્કૂલે જઈ ચોકીદારની પૂછપરછ કરી હતી. ત્યારબાદ સીસીટીવીથી તપાસ કરવામાં આવી હતી. જેમાં મહિલા ઝડપાઈ ગઈ હતી. મહિલાએ પોલીસને જણાવ્યું હતું કે, તેણે કોલ્ડડ્રિંક્સમાં એક પારંપારિક દવા ભેળવી દીધી હતી. જેનાથી પહેલાં ઝાડા થઈ જાય અને ત્યારબાદ મોત થઈ જાય છે. જો કે, સીસીટીવી કેમેરાથી જ મહિલા પકડાઈ ગઈ હતી.
    Published by:Vivek Chudasma
    First published:

    Tags: Child Death, Food-poisoning

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन